بنات منو كانت ولادة قيصرية وجربت نص بنج ؟؟؟؟؟؟؟؟؟

[أم حووور81]

ابره الظهر الكل يخاف منها ما ادرى ليش !!!
الى سمعته انج بعدها تحسين بصداع وعوار بالظهر بس لازم تحركين ريولج حتى وانتى منسدحه علشان ما تنتفخ
اذا ربى سهل بجربها مع ان الكل معارض هالشى

تسلميين حبيبتي الله يسهل علينا يارب

 

[مغيب الشمس]

الكل يمدح بابرة الظهر بالقيصري بنت عمي 4 كلهم ابرة ظهر وتمح فيه تقول تحسين باحلى لحظة لما تسمعين البيبي اول ما يطلع
بس مع كل هذا انا للحين خايفة اخاف يرتفع الضغط او ينزل الله يسهل يمكن هالمرة اسويها تعبت من البنج الكامل

 

[ابرار^كويتيه]

انا ولدت اول مرة قيصرية بنج كامل وهالمرة في احتمال لان معاي ضغط بس اتمنى اولد طبيعي ولا كل هالغرباال وانا مرت عمي اولدت عيالها الاثنين قيصرية نص بنج بدار الشفا ودكتورتها ناهدة العلي والله تمدح العملية بس انا اخاف عندي انام وماحس بشي اهون ويارب نولد طبيعي

 

[أم حووور81]

مغيب

و

ابرار

تسلمون حبيباتي
بانتظار المزيد

 

[الاخلاص]

أنا عام وودي بابرة ظهر بس. احسسسسس خايفه من عواقبها الشلل والدسك عسي الله يحفظنا ويسهل عليناااا

 

[من حقي أغير]

لا يوقف

 

[عطر الورد]

السسسسسسسسسلام

انا توني والده قيصري نص بنج بمستشفى الفروانيه

والله يابنات رووووووووووووعه

اول شي كنت خايفه من المستشفى اول مره اولد فيه
بس قلت قيصريه حرام اروح مستشفى خاص

بصراحه اصدموني بمعاملتهم الروعه الدكاتره
والله نفسيتهم حلوه ويضحكون ودكتور البنج حيل شاطره وفاهم
ويوم العمليه 3 دكاتره عندي غير دكتور البنج
بس احسن مافي البنج النصفي انج واعيه يعني تقدرين تذكرين ربج وتدعين وتستغفرين وتقرين الايات اللي حافظتهم
بدون مبالغه النصفي احسن من العام

وبسسسسسسس

 

[ALMZa^_^JeYa]

انا جربت البنج النصفي وااااااايد زييين

والحمدلله كنت مرتاحه

واذا تبين بعد يعطونج كمام مع البنج

انا بصراحه ما كنت واعيه وقت الولاده لان كانوا معطيني كمام

واللي تقول تخاف من الضغط والدسك

ترى ما يعطونج ياها وبس خاصة اذا كنتي قيصريه

لا يركبون عليج اجهزه عشان يشوفون نبضات القلب ونسبة الضغط

والبنج الكامل حق اللي فيها حساسيه بالصدر ولا معاها ضغط ولا سكري او القلب ما يعطونها كامل

وينصحونها بالنصفي

وانتي براحتج تختارين اللي يريحج

بس عامة النصفي افضل من الكامل

 

[أم الهواشم]

حبيتي الله يسهل عليج البنج الموضعي وايد احسن لان البنج الكامل بعد العمليه كله تكحين ويعور الجرح

 

[أم حووور81]

مشكووووووورين ريحتوني الله يرييح بالكم يارب ..

يعني خلاص إذا قررولي قيصرية وخيروني بين البنج العام والنصفي راح اختار النصفي

أحبكم