بنات منو مثلي ما تحب الرجيم و تبي تاكل كل شي ؟ حياج معاي تجمع رجيم بالكالوريز

[DenTisT]

شلونكم بنات ؟
حبيت اسوي هالتجمع لاني ما شفت مثله و انا الحين صايرلي اكثر من شهرين ماشيه على رجيم الكالوريز و احسب كل شي
و علشان اساعدكم انكم تحسبون الكالوريز اللي محتاجينه علشان تنزلون وزنكم دشو على هاللنك
http://www.healthyweightforum.org/eng/calculators/calories-required/

الاختيار الاول حطول Female
وبعدين وزنكم و عقبها طولكم .. و اخر اختيار شكثر تتحركين باليوم
اذا انتو مثلي كسل و ما تتحركون حطو very light
بعدين حطو عدد الكيلوات اللي تبون تنزلونها و المده اللي تبون تنزلون فيها
و راح تطلعلكم النتيجه كل اسبوع جم كالوري تاكلون
ياريت تشاركون معاي و نشجع بعض و نعطي بعض افكار على اكلات قليلة الكالوريز و نفيد و نستفيد
و مشكورين حبيباتي​

 

[نشميه]

الرجيم هذا وايد حلووو لان ما يقيدج بشي بس تحسبين اللي تاكلينه

بس حطيت المعلومات واحس الكالوري اللي معطيني اياها وااايد وبعدين كل فتره قاعد يزيدونها شلووون ما فهمت عدل

 

[سأكون يوما ما أريد]

موفقه اختى وانشالله تضعفين بصحه وعافيه

 

[DenTisT]

علشان اشجعكم راح ابدي انا اول
الوزن : 59
الطول: 169
الهدف : 54

و رجيمي 900 كالوري
وانشالله بتغدى 5 قفاش عيش مشخول " بدون اضافه دهن"
قفشه الوحده = 40 كالوري
5 قفاش = 200
مع تونه بس العلبه الصغير بالدهن = 120 كالوري
بطل دقوس عاد هذا ما ادري جم :ggdw: فقلت بحطه 50 كالوري على كيفي
لانه اذكر خبيرة التغذيه قالتلي انه الكالوري بالدقوس وايد شويه " ف 50 يعني مبالغه"

ال total= الغذا 370 كالوري

و بعد الغدا باكل روب بالتوت = 50 كالوري

هذا اللي على بالي للحين

و بنات اللي يحبون الكاكاو اقولكم جم معلومه تنفعكم
في بمركز سلطان اوريو كيك و كوكيز مجيسين صغار اب 100 كالوري و لذيذيييييييييييييين
و الكتكات صبعين ترى 107
و ميني سايز كاكاو اي نوع مثل مارس و توييكس و مالتيزر اللي يبعونهم اكثر من واحد مجيسين ترى كلهم اقل من 100 كالوري
و cereal bars خصوصا ال coco pops bar لذيييذييين و فيهم 85 كالوري ​

 

[DenTisT]

نشميه حبيبتي اكيد حاطه شي غلط لانه المفروض بنقص ما يزيد
اذا تبين اساعدج قوليلي معلوماتج و انا اسويلج

اي و بنات تذكرت اللي تبي تعرف الكالوريز بالوجبات السريعه " ماكدونالدز و برجر كنج و هارديز و هالسوالف"
في كتيب بمستشفى الصباح مال التغذيه لونه اخضر فيه كلللللللللل شي ايي على بالكم
حتى الاكل الكويتي من قبوط و بلاليط و بيض و مجابيس وو وو و و
و الفواكه و المكسرات و اللحوم و كي دي دي و منتجات الالبان اغلبها
روحو سألوهم و يعطونكم .. انا اخذت 6 :eh_s(6): خفت اضيع واحد
و حاطه واحد بجنطتي و واحد بالبيت و الثانيين موزعين :krkrkr:​

 

[نشميه]

وناسه والله شوقتيني


شكلي اكيد حاطه شي غلط


شوفي

طولي 164

وزني 67

وابي اضعف 7 او 8 كيلو

والكتيب عادي اروحلهم واقولهم اني ابيه ووين بالضبط ترى انا حتى لمن اكون مو مسويه رجيم احب اشوف هالسوالف


وانا اليوم غداي بطاط ودجز بالفرن مكتوب على الجيس ان 100 كيلو جرام فيهم حوالي 127 بس انا ما شفت جم حطيت وناجتس بعد بالفرن فيهم 240 كالوري

يعني اتوقع غداي كله مو اكثر من 500

وان شاء الله من الوجبه اليايه بحسب عدل

 

[DenTisT]

حبيبتي انا بحسب لج على مده طويله اوكي ؟
شوفي انا على الكالوريز الحين من شهر 8 لي الحين و كل مره اقلل الكالوري
و الحمدلله وزني من 71 صار 59
فلا تحطين ببالج انه هذا رجيم ... بالعكس خليه حياتج .. يعني طول عمرج يكون جذي و انشالله تنزلين بس على 3 اشهر اوكي ؟؟ طبعا اذا سويتي رياضه او حتى نص ساعه مشي راح تنزلين اكثر
حسبتلج على مده 3 اشهر و حطيت انج ما تسوين رياضه و طلعلي .. اي صح ما ادري جم عمرج فحطيت 22


الاسبوع الكالوريز الوزن المتوقع
01 1065 66.38
02 1058 65.76
03 1051 65.13
04 1044 64.51
05 1037 63.89
06 1030 63.27
07 1023 62.64
08 1016 62.02
09 1009 61.4
10 1002 60.78
11 995 60.16
12 988 59.53

و الكتاب عند التغذيه تسألينهم ساعات يكون عندهم و ساعات يقولون لج تروحين عن السكرتاريه​

 

[DenTisT]

وينكم بنات ؟؟ ماكو احد يبي يغير حياته للاحسن ؟
ما يحرم نفسه من شي و ياكل اللي يبيه بدون ما يحس بالذنب ؟
ما اتوقع في احد ما يبي يحس بالذنب و اهو ياكل كيكه كاكاو و يمها فانيلا ايس كريم :tomato2:
بس تدرون انه الحل بيدكم و تقدرون تاكلون كل اللي تبونه .. بس نحسبها صح :eh_s(6):

شرايكم نسوي شعار حق تجمعنا ... " نحسبها صح .. و ناكل صح "
حلو ؟؟​

 

[DenTisT]

وينكم ؟

 

[om.5doja]

موفقه حبيبتي والله يضعفج على عافيه اللهم امين

بحط بياناتي وبشوف شنو يقولي وعلى اساسه اشوف اذا ابلش بهالنظام ولا لا

مشكوووره حبيبتي وموووووووفقه يارب

 

[DenTisT]

ام خدوجه قوليلنا شصار عليج ؟

 

[LoOLoO-17]

دينتست ماشاءالله عليج خبيره بالكالوريز وترى وزنج وطولج قريبين من وزني وطولي

بس بغيت اسألج صمونه امريكانا والفيصل والديره...الخ جم كالوزيز فيهم؟؟


يعني ريوق نسكافيه بحليب لايت او قهوه تروبيكانا او فاكهه تفاح اوجريب فروت او برتقال


سناك عصير



الغدا صمونه الفيصل اللي بزعتر او جبن +دايت كوك


العشا بخليه سلطه وخضار سوتيه +دياي مشوي او قطعه جبن مالح لايت

تتوقعين جم كالوزيز بهالدايت؟؟

 

[DenTisT]

حبيبتي صمونه امريكانا و الفيصل وايد فيهم كالوريز لانه كل شي كامل الدسم يعني حطي ببالج مو اقل من 500 كالوريز
عندج منتجات دايت كير وايد اقل
هذا اللي احنا ما نقدره .. الشركات ما يهمها اذا كانت السعرات وايد و لا شويه
لانه المواد اللي سعرتها قليله اغلى من الكامل الدسم
حبيبتي دايما اخذي اشياء لو كالوريوز علشان تقدرين تاكلين اكثر



السناك اللي اكلته اليوم : سيريال بار 85 ... و مالتيزر صغير 100
و العشا: هوت دوج 160 .. كتشب 50 ... و توسته سمره 42

التوتال : 900 كالوري اليوم ​

 

[om tasneem]

شلون اعرف كل اكله جم كالوري فيها

 

[yam_yam]

نفس سؤال اللي قبلي ؟؟؟

 

[mn.mn]

موفقة وصاجة رجيم الكالوريز وايد حلو ومريح بس يبيله خلق عشان تحسبين

وبالنسبة لماكدونالز شفتوا الورقة اللي دايما يحطونها بالصينية لي قلبتيها فيها جدول بالسعرات حق كل شي عندهم

انا خذيت لي وحدة عشان بعطلة العيد مفكرة اسويه واكيد راح احتاجها

 

[DenTisT]

حبيباتي اللي يسألون شلون نحسب الكالوريز
هالمعلومات متوفره بالنت .. المجلات .. البروشورات .. الكتب .. تقريبا كل مكان
عني انا استخدم كتيب مال مستشفى الصباح فيه كللللللل شيي بالوزن و الجرام و الكالوري و هم استخدم النت .. اسهل شي اسويه اني ادش قوقل و اكتب جم كالوري مثلا بقفشه عيش و يطلعلي
و ورا كل علبه و كل شي تاكلينه و تشربينه ترى مكتوب الكالوري عليه

و حق الحساب بالعكس سهله و ما يبيلها شي انا دايما اسوي مذكره حق اكلي و اسجل فيه كل شي اكله بالكالوري و جذي يسهل علي الحساب و الله يخلي الكالكوليتر :eh_s(6):​

 

[نشميه]

مشكوووووووووووووووووووووووووره وااااااااااااااااايد وصح مثل ما قلتي مفروض يكون نظام حياه مو بس رجيم فتره ويروح لان اساسا ما راح تنحرمين من شي

وانا ناويه ابلش الصج من باجر وان شاء الله على الاشبوع الياي يكون الجووو صار احلى واحلى وودي امشي ساعه كل يوم

واليوم كنت بمركز سلطان شفتلي جم شغله حلوووين وما فيهم سعرات حاراريه واايد ناويه اروح اوتفرغ لهم عدل واشوف شنو اللي اقدر اخذه

حتى برنجلز الصغير حلووو فيه 100 كالوري

انا اساسا لاغيه الكاتشب لمن اسوي رجيم ما اكله ابدله بماسترد لانه مافيه سعرات حراريه ولا دهون ولا شي صار عندي ادمان ماسترد

 

[pink-princess]

ماشاء الله عليكم روووعة آنا ببدي معاكم وزني 66 أبي أصير 56 برجيم الكالوريز بس متوهقة بالجسبة سااااعدوووني

 

[pink-princess]

حبيبتي دنتست طلعلي الكالوريز بالماينس يعني الرقم ويمه سالب ليييش ؟؟ جذي يعني حسبتي صح ؟؟