بنات هل محل داماس مباااالغ فى اسعاره حده غالى ؟

[ذات الهمة العالية]

أمس رحت داماس بليلى غاليرى
لقيت اسعارة غاااالية
نتفة تراجى حق هدية بنوتة ب35 ما تنشاف :eh_s(14):
تراجى الماس ب650 :rgewrg:


هل هذا طبيعى ترانى مالى خبرة بالذهب والألماس :bbbiu:



عطونى رأيكم :eh_s(7):

 

[noody a&a]

أهو صح أسعارهم مبالغ فيها

بس أساسا الالماس غالي وعلى حسب قيراطه

وكل ماكانت حبة الالماس مو مكسره وكبيره كل ماكانت غالية

اما إذا كان وايد الماس بس حبات صغار بيكون أرخص

بس عموما أنا عندي تراجي الماس وصغار شريتهم من بيورجولد ب 350 تقريبا

اذا تبين روحي بيورجولد ارخص من داماس وزغيب

دايم أشتري منهم

 

[Business Girl]

اي صح بيور غولد ارخص

بس داماس تعتبر ماركه يعني انتي تدفعين سعر الذهب + سعر الالماس + سعر الماركة

علشان جذي اسعاره اغلى من المحلات العاديه

شوفي المحلات الثانيه وقارني الاسعار

 

[eng^^zozo]

صح داماس غالي .

 

[:: Diva ::]

حبيبتي

داماس

تدفعين المصنعيه فيه اكثر من قيمة الذهب

لان ستايل و ديزاين
اهو يعتبر او محل يبدع بالتصاميم اليدييده

غير مفهوم الذهب
صار جنه اكسسوار و صار ماركه عربيه


علشان جذي تدفع فلوس الشكل اكثر من الذهب

 

[ذات الهمة العالية]

الله يجزاكم خير
بس بنات علمونى وين محلات الذهب الزينة ووين محلات اللماس الزينة

أمس دخلت كارتير يماااااااااااااااااااااااااااا أسعار خيالية
تخيلوا جنة ب1400:eh_s(4):
والساعة على 10 آلاف وشىء


ومنو خبيرة ألماس تعلمنى مع الصور درجاته ونقاوته وألوانه وشنو احسن شىء فيه


الله يجزاكم خير

والذهب ليش ناااار :eh_s(14):
متحسفه ما عندى ذهب


وبخاطرى شغلات بسيطة بس حتى لو ما فيها وزن غاااااااااااااالى والله ما تسوى


ناطرة ردوردكم


أبى خبيرات الذهب والماس

افكاركم ونصايحكم

 

[فوفه 82]

نصيحة اخت تبين الماس لاتشترين من الكويت اشتري من دبي الماس صج وارخص
ياطويلة العمر انا من وعيت على الدنيا وعلى بالي الالماس مايلمع لأن شفت شبكة خواتي واهلي ولاتقل عن 4000 الاف من الاربش وغيره ,,,, ولما اروح لدبي اشوف لمعته تصك عيني ,, فا سألت واحد يشتغل فى داماس آنا عميلته من كثر مااشتري من فرعه بس ,,, اشلون اعرف الالماس الاصلي؟ قالي كل مازادت لمعته هذا كواليتي اعلى ! قلتله عيل ليش الماسات الكويت ماتلمع ؟ سكت ومارد علي اي والله .
ولقيت عقد يبرق مترووووس الماس بمول الوافي بدبي ب1000 دينار وجي اس وبلجيكي وإخوه والله طبق الاصل بدماس الكويت صوب المباركيه 4 الاف عقد بروووووووحه بس

آسفه على الاطاله

 

[ذات الهمة العالية]

فوفه جزااااك الله خير أبى بعد أفكااااار

 

[فواصل]

اصلا الحين الذهب غالي


ورحت دبي على قلت القى ارخص

طلع اغلى من الدوحة بس اطقم تجننن

 

[ذات الهمة العالية]

شرايكم بالسعودية يمكن ارخص وشنو اسماء المحلات الزينة وهل ارخص من الكويت
إذا دبى بعد غالية

 

[شيخه و طيبه]

حبيبتي اذا تبين حق بنوته انا ابدليج محل حق هالسوالف انا دايم اشتري حق رفيجاتي و بنات اختي
روحي حق محل الفارس اللي بالشويخ صوب سيتي سنتر قوليله ابي اطقم بيبيات والله شغل نظيف و حتى لما تسالينهم عن النقاوه و عيار الذهب يقولولج الصج مو نفس باجي المحلات يقصون علينا يقولون الالماس في اس و يطلع ٤ اس يعني حده تشيب

والله روحي الفارس و بعد محل الروضان اللي بالمباركيه و بتدعيلي

 

[شيخه و طيبه]

اختي لا تروحين دبي والله نار موووووت رفيجتي شاريه شبكتها من هناك والله اب ٧٠ الف كويتي و انا رايحه شايفه بعيوني صج زوغه و يعورون القلب بس اسعارهم نار يبيلها ناس الله رازقهم و ما يحسون بقيمة الفلوس والله الكويت فيها كل شي بس افتري بالمباركيه و محلات الذهب و بتلاقين ان شاء الله

 

[ذات الهمة العالية]

شيخة وطيبة يا حبيبتى الله يرزقنى وياك سبايك ذهب شرايك بهالدعوة
المهوووووم

الفارس ما غيرة اللى في بالمباركية محلة وفى الأفنيوز محله

ووين مكانهم مو دالته

ووين الروضان اى صوب

والله يعطيك العافية

وما تعرفين بعد محل ذهب اسعاره زينه

وتريليون شكر يا الطيبة اسمى على مسمى تبارك الله

 

[حجيه هيونه]

ترا الذهب الحين بغض النظر عن وجود الالماس وايد وايد مرتفع

سألي محلات الذهب اذا اكو مجال ينزل الفتره الجايه وبعدين اتشري يعني الحين الغرام واصل 11 بدون مصنعيه بدون الماس بدون شي

 

[ذات الهمة العالية]

إيه والله حييييييييييييييييل مرتفع

 

[lebanon night]

روحي الحوش اللي في السالمية تلاقين فيه شغلات حلوة و سعرها زين
وعندك الفروانية فيها سوق للذهب
وأكيد المباركية

وأخيرا محل سارة في حولي شارع ابن خلدون

 

[Pinky -cat]

اي فعلا داماس غالي ،بس الماس طبعا وواضح