بنات والله مو حالة حتى بشهر رمضان مناشبتني

[انصاريه قمره]

الله يعينج مادري شقولج
بخصوص اللي يقولون ام ريلج ومره عوده ومادري شنو عالعين وعالراس لكن حتى احنا يداتنا وامهاتنا عندهم جناين ما شفناهم ينزرون الجنه ويكلمونها بنفس شالسالفه تبين ولدج ميته عليه خليه يخلل عندج ليش تبلشين بنات العالم ويااااكم في خالات يهبلوووون ينحطووون عالجرح يبرى وفي خالات الله يكافينا شرهم

 

[دانة_ دبي]

بنات الله يجازي خير كل من ردت على موضوعي وخففت علي, والله دعيت لكم بالخير من كل قلبي


بنات انا لازم اروح لهم مرتين بالاسبوع واذا مارحت تشيش ولدها علي ويكرهني بعيشتي

ولدها طيب وزين بس امة سكانة يعني تقدر تقلبة علية بالحظة

بنات وررررررربي تعبت من هل العيشة,,واذا اشتكيت حق اهلي يقولولي عندج ولد صبري وتحملي,, بنات والله صار عندي ظغط نفسي من وراها حاولت اكسبها بكل الطرق ومافاد

ادعولي الله يخليكم انا بس ابي تفك شرها عني وتخليني بحالي

ولدها يلاحظ كل شي بس مابيدة شي واذا قلتلة شوف امك يعصب ويصكر الموضوع

الله كريييييييييييييييييييم

اختي سوري انت ما عندج شخصية ابدا مب مجبورة تروحين لها
انا ما اشيشج عليها
بس خلي عندج ارادة
و عادي تشيش زوجج عليج انتي خلج عادية و هادية و لا تعصبين ولا تشتكين ابدا
و زوجج بيلاحظ انها تشتكي منج و بيلاحظ انها تشيشه دامج ساكتة
خلي مرة ف الاسبوع بيت اهلج و مرة ف الاسبوع بيت ام زوجج فقط لا غير و باقي الايام خلج ف البيت او طلعي افطري ف مطعم مع زوجج


مب مجبورة تروحين و خلى تشيش زوجج و كفاية عليج مرة ف الاسبوع فقط

 

[Gomrhom]

الحال من بعضة يختي

بس انا الحين اجازة ابيت اهلي ههههههه

 

[أم حسوون]

السلام عليكم ، عجبني رد ليدي نجد جزاها الله خير ، الواحد شيبي من هالدنيا وفي النهايه هي أم زوجج ولها حق كبير عليه ، فحاولي قد ما تقدرين تجاوزين عنها وتعدينها مثل أمج ، بعدين أنت مو عايشه معاها ما في الا هاليومين شوي ويعدون فوسعي صدرج قد ما تقدرين.

 

[اذوب بكلامه]

شوفي ياقلبي رمضان شهر الخير والبركه حاولي تكسبينها مدحيها جيبي لها هديه
وكل شي تسوينه بأجر من الله منتي خسرانه شي وحاولي تبردين على قلبك لاتعصبين وتنرفزين بسرعه دخلي من اذن وطلعي من اذن عشان زوجك حبيبك وعشان عيالك هذي جدتهم

 

[Maria ~]

نصيحة أهل الزوج خلي علاقتج فيهم رسمية كفي خيرج و شرج
سكتي و صبري و ادعي ان ربج يهديها =(

 

[أدعج غنج]

اختي بقولج شي
كفاية عليج روحي مرة بالاسبوع فقط​

انا اروح عند ام زوجي كل جمعة و اروح قبل الفطور بنص ساعه او ربع ساعه
و اخذ معاي جدري اكون مسوية شي او سويت او اكله او سلطة او شي
مثلا يأذن المغرب الساعه 7:15
اوصل بيتهم الساعه 7:00 او 6:45 و اطلع من بيتهم قبل صلاة التراويح و استسمح منها
و اقولها خالتي بروح اصلي التراويح حوالي الساعه 9:00
كفاية عليج ساعتين فقط ف رمضان​

لا تقولين مجبورة
ولا وحدة فينا مجبورة تتعامل ها المعاملة ​

إيه والله مو مجبوره....شللي حادج على هالمعامله والاسلوب ؟ غير يوم بالاسبوع ماني رايحه...وإذا على زوجج خليه يعرف بذرابه انج مو مجبوره وخل يروح اهو اذا يبي هذي أمه مو امج

 

[عًششْق أنُثئ]

حبيبتي انا احس انه امه تغار منج :rgewrg:عشان جذي تناشبج جذي انا اقوول لاتجاملين خليج عادية واذا نرفزتج ولا قطت عليج كلمة فهي قاصدة انه تقوومج وتغثج لا انتي عاندي واقعدي وعطيهااااا طااف شووفي راااح تنقهر مليوون بالميه واللهه يصبرج وانتي لولا زوجج ماارحتي وبث

 

[زوجة عزيز]

ليش اتروحين لها انتي موملزومه تحرقين قلبج واتضيعين وقتج واهي لو تعطينها عينج مابين بعينها روحي بيت اهلج في هاليومين او قعدي في بيتج ابرك لج من المغثات اللي تقصر العمر واذا كلش بتروحين لهم بس في العيد دشي سلمي وطلعي لا اتحرين روحج

 

[مولاي الفرج]

شكلها مره عوده هذي سوالف عيايز

انا هالناس ارد عليهم بابتسامه لان اخلاقي ماتسمح لي صراحه

 

[حبي مودي..]

الله يعينك ويسهل أمرك

 

[eman12]

الله يعينج والله

 

[كلي انوثه]

اعتبريها امج

ويومين بالاسبوع اشوا من الاسبوع كله

احتسبي الاجر

 

[Miss^NeozZ]

:/ اقول شفيها ملكه الجمال تتطنز على ولدج خير ان شاء الله
قوليلها والله ولدي ولدج مو عاجبج يعني العيب منج او من ولدج :× نقديها دام ريلج طوفه وسمعا وطاعه حق امه انتي بتصيرين مثله ؟ خير يبه :/

 

[طالبة انجلش]

عندي وعندج خير بي انا معاهم والله اسويلها اشيا لامي يوم اجي لاهلي ماسويهاا وكل ماشافتني مارحتي لاهلج واذا شافت ريلي ودها لاهلها يقول قاعده على جبدها طبعا غير نفسية حمواتي واختي اللي تالف حجي اللي اكبر منه تغلط علي وتعلي صوتها وقدامه وانا مارد بس مره زفها ذبح عمره وخالتي من ورا ريلي ازفني ويوم اقوله ويروح يقولهاا تقول انا ماقلا شي واهي علت صوتها علي وقدامه تقول ماقلت شي انا وازيدج اخته كانت مره متهاوشه مع اهل زوجها يوم ايوا اهل ريلها طردتني قدام الحريم وقمت سكته وقدام خالتي ولا قال لبنتها عيب مرة اخوج مع اني سكته لا صوت ولا كلمه الله يشوف من فووق ' طنشي ربج موجود

 

[Dam3t-7zn]

بنات الموضوع مو بهل السهولة

انا لازم اروح لهم اذا مارحت يسود عيشتي يقلب حياتي وكذا مرة وداني للبيت اهلي

بس حسبي الله والنعم الوكيل

متحملة عشان خاطر عيون ولدي

 

[Dam3t-7zn]

طالبة انجلش الله يعنيج ياقلبي



حسبي الله والنعم الوكيل على كل ضالم

 

[ككوته]

ماشاء الله على اخلاقج وطيبج ونعم التربيه ان شاء الله مع الوقت بتلين

 

[Royof]

حبيبتي

الله يعينج عشت حياتج الفرق بينا أني معاهم بنف س البيت كرهت حياتي أحس انقمت لما ادش البيت و الله لما تطلقت مابجئت لأني بنام و أنا مرتاحه مأكو المرض اللي كنت عايشته

مادري شنو تبي الخاله أقل شيء أحشمي الجنه عشان أهلها و ولدج .. الحل حبيبتي انج تصبرين شتسوين بعد إذا زوجج أمه تحركه مأكو حل لج إلا الصبر

الله يهديها

 

[عسل حدي]

انا نفس حالتج بالضبط
بس مشكلتي نعاها بنفس البيت
بس انا خلاص عزلت نفسي باب خارجي لي بروحي ولدها يبيها يطل عليها انا دام مو مرغوبه ماله لزمه انافق