بنات وزارة المالية ساعدوني وأفيدوني الله لا يهينكم ...

[منيره الدلوعه]

السلام عليكم خواتي عندي جم سؤال:
1- انتم مسوين ربط بالديوان على وزارة المالية والا كانت رغبة اولى لكم؟
2- متي سجلتم بالديوان؟
وجزاكم الله كل خير والله يكتبلي رزق في وزارة المالية اميين

خيتو والله انا حاطتها من ضمن الرغبات وسجلت توه شهر 3 والحمدالله يت على

خير ...​

 

[ريمآ-]

.


هآي , بشري منيره اشصار وياج اليوم .؟

..

 

[منيره الدلوعه]

.


هآي , بشري منيره اشصار وياج اليوم .؟

..

بصراحه دقوا علي أمس وداومت اليوم الإثنين ... وقالولي راح تداومين لمدة 4 أيام تشوفين​

نفسج ...​

بس انا مستغربه بس هالإداره اهي الوحيدة اللي طالبه تخصصي فليش بشوف نفسي ... معناته إذا ​

رفضت راح يردون أوراقي الديوان ...​

انطباعاتي الأوليه عن اليوم بصراحه انصدمت من المكان يعني توقعت نوعية الشغل أرقى بس ​

للأسف روتيني وممل حتى أغلب اللي معاي شهاداتهم دبلوم وثانوية وانا يمكن الوحيده اللي ​

جامعيه مو قصدي الإهانه أو شي بس الصج ينقال ...​

يعني عقب اللي درسته بالجامعه من أبحاث إعلاميه وتخطيط حملات علاقات عامه وإعلانيه وكتابة ​

أخبار صحفيه وآخر شي يقولولي طبعي شهادات لمن يهمه الأمر من الكمبيوتر ...​

حتى المديره قالت بصراحه الطالب الجامعي لما يينا وده يفجر طاقات ومواهب بس للأسف ادارتنا ​

محدوده ...​

وذكرتلي حاله بأن في طالب جامعي صار له سنه وقاعد يحضر ماجستير وشكله مسكين يعني مو ​

قادر يبدع بس شيسوي ...​

انشالله مع الأيام تقدمين أفكار وشغلات يديده ...​

المديره حليوه وحبوبه ...​

والموظفين ماشالله خوش ناس وطيبين وساعدوني وعلى طوووول اندمجت بالشغل لدرجة اللي ​

معاي انصدموا ... ​

شوفوا بصراحه انا واقعيه ومو متوقعه يحطوني بمكتب كشخه يعني عادي كنت متوقعه هالشي ...​

المديره قالتلي بأن باجر راخ تاخذين شي غير عن اللي سويتيه اليوم ...​

مقصد الكلام مو إني برفض بس بجرب المكان وبشوف نفسي فيه يمكن أرتاح والله يوفقني فيه واذا ​

ما عجبني المكان أنقل بعدين حق الإداره اللي أبيها بس أهم شي أثبت ...​

:eh_s(10):​

 

[ام ساره72]

^

أهلين حيآج حبوباا . بس من امتى سويتي اوراق التعيين ؟
وشنو تخصصج .؟

انا سويتهم ثانى يوم بعد ما نزلت الاسامى وتخصصى سكرتاريه دبلوم وناطره يدقون بصراحه انا مو حاسه بزهق من قعدة البيت هههههه لانى كنت اشتغل بالوطني وطلعت منهم

 

[ريمآ-]

,


اهليين منيره , كـ بداية موفقه , وانتي كل اللي تبينه
الراحه النفسيه بالوظيفة , جربي وشوفي يمكن ترتآحين
مهمآ كآن المكآن ,

الله يوفقج حياتي , بس انتي اي اداااره قلتي .؟

 

[ريمآ-]

ام ساره , ههه عسى دوم مو ملآنه

 

[ريمآ-]

ايه ابي اسألج منيره, انتي سويتي الفحص الطبي ولا لآ .؟

 

[منيره الدلوعه]

,


اهليين منيره , كـ بداية موفقه , وانتي كل اللي تبينه
الراحه النفسيه بالوظيفة , جربي وشوفي يمكن ترتآحين
مهمآ كآن المكآن ,

الله يوفقج حياتي , بس انتي اي اداااره قلتي .؟

نزع الملكية ...

 

[Chevy]

السلااااام
على البركة الوظيفه
عندي سؤال بس انا طلع اسمي بالمالية و براجعهم ان شاء الله الاسبوع الياي بس مادري شنو الاوراق المطلوبة؟؟
و انطرهم يدقون علي عشان اراجعهم ولا اروح من نفسي؟؟
و الله يعطييج خيير هالوظيفة و يكفييج شرها

 

[منيره الدلوعه]

السلااااام
على البركة الوظيفه
عندي سؤال بس انا طلع اسمي بالمالية و براجعهم ان شاء الله الاسبوع الياي بس مادري شنو الاوراق المطلوبة؟؟
و انطرهم يدقون علي عشان اراجعهم ولا اروح من نفسي؟؟
و الله يعطييج خيير هالوظيفة و يكفييج شرها

عالبركه قبولج والله يسلمج يا قلبي ...

اهم يكتبون بالجريده شنو الطلبات اللي لازم تودينها لما تراجعينهم ... وحاطين متى تروحينلهم

واهو يوم الاثنين ...




اقري الجريده أفضل مالت اليوم اليمعه ...

 

[منيره الدلوعه]

ايه ابي اسألج منيره, انتي سويتي الفحص الطبي ولا لآ .؟

لا والله ياقلبي ماسويت انا تدربت بالإداره لمدة 4 أيام وتوني خالصه الخميس ووافقت اني اشتغل ​

عندهم ...​

المدير قالي راح ندز ملفج مره ثانيه الشؤون الإداريه عشان يعطونج أوراق الفحص الطبي ...​

وعطاني أرقامهم وقال دقي عليهم يوم الثلاثاء ...​

عشان تكملين الإجراءات ....​

اهو أتوقع اللي بياخذ وقت الفحص الطبي ...​

ونصحني بأن استعجل تعييني قبل 1-7 عشان في علاوات ومادري شنو ماتروح علي ...​

فانشالله يوم الثلاثاء بدق عليهم ...​

 

[Chevy]

مشكووورة حبيبتي على الرد يعطيج العافيه
بس سؤال اخير ما تدرين اذا في ادارات برا مجمع الوزارات؟ و وييين؟ و شنو اهما؟؟؟

 

[نـعـومـه]

ترا بعضهم يطولون على مايدقون

واذا دقت الاداره يسولكم تدريب اسبوع اذا شافوكم اوكي يعينونكم

والمعاش بحدود 900 اتوقع او 880

واللي يميز هالوزاره بونصها السنوي وانه لهم كادر وانتي اعلاميه اذا رحتي وزاره ثانيه معاشج بيطيح اقل شي 100 دينار واكثر

 

[نـعـومـه]

منيره الدلوعه

ترا اهم شي اللي معاج زينين اهم من المكان الراقي

 

[Chevy]

منيره الدلوعه

هلوووو ..اشصار عليج؟ داومتي؟

 

[منيره الدلوعه]

منيره الدلوعه

هلوووو ..اشصار عليج؟ داومتي؟

يا قلبي اليوم خذيت أوراق الفحص الطبي وانشالله من باجر الصبح بروح ...

وأتوقع من أخلص الفحص أباشر على طووووول ...

 

[Chevy]

بالتوفييق ان شاء الله
بسألج
انا اليوم سويت اوراقي وقالولي بيدقون علي... لما يحطوني بإدارة معينة بعدين اسوي الفحص؟
و اسوي الفحص بدون ورقة ولا شي و لا لازم ورقة من عندهم؟

 

[منيره الدلوعه]

بالتوفييق ان شاء الله
بسألج
انا اليوم سويت اوراقي وقالولي بيدقون علي... لما يحطوني بإدارة معينة بعدين اسوي الفحص؟
و اسوي الفحص بدون ورقة ولا شي و لا لازم ورقة من عندهم؟

عقب ما تتدربين بالإداره أو بالأحرى تداومين 4 أيام إلى أسبوع يقولولج ها شلون الإداره عاجبتج

ولا لأ ... عاد انتي لا ترفضين قولي إيه لأن احتمال في إدارات ثانيه ما تحتاج تخصصج ...

بعدها الشؤون الإداريه يدقون عليج عشان تاخذين أوراق الفحص الطبي وأوراق ثانيه ان ما عليج

حكم من المحكمه أو شي لا سمح الله ...

طبعا تييبين معاج 5 صور احتياط مو تنسين حبوبه ...

بقولج نصيحه حبوبه لا تعتمدين علينا اهني بالمنتدى روحي سألي بنفسج أحسن ترا

يمكن احنا نضيعج بدون قصد ...

أفضل انج تستفسرين من عندهم وتراكضين ورا شغلج بنفسج لأن كل واحد غير عن

الثاني بالطلبات ...

:eh_s(7):

 

[Chevy]

مشكوووورة حبيبتي وايد فدتيينيي يعني تو الناس علما اراكض ورا شغلي قالتلي يدقون عقب اسبوع او اسبوعين على حسب تفرغهم