بنات وين احلى النمسا ولا ماليزيا؟؟؟

[علايه]

بنات انا ناويه اسافر بالصيف ان شاء الله

بس انا ودي اروح ماليزيا

و زرجي يبي اروح النمسا

انتو اشرايكم ايهي احلى النمسا لا ماليزيا

و ماليزيا مافيها رطوبه وايد

 

[mooomooo]

اذا عندكم عيال وبتودونهم معاكم روحي ماليزيا

بس اذا انتي وريلج بريحاتكم

لا والله روحي النمسا احسن

لان ماليزيا عائلية اكثر :eh_s(3):

واتوقع النمسا رومانسية :eh_s(22):

 

[* LOVE STORY *]

النمسااااااااااااااااا وبسسسسسسسس

راح تستانسين فيها واااااايد

 

[bnt q8 in usa]

النمسااااااااااااااااااااااااااااااااااا روعه

 

[عنايد]

اكيييييييييييييد النمساااااااا وانتي مغمضه

 

[^^ ريان^^]

طبعا النمسا بس هاا مافيها اسواق ومولات مثل ماليزيا بس شبعي من البراد والطبيعة والخضاااااااااااااااااااار

 

[BaiTotia]

مارحت ماليزيا بس وايد يمدحونها

بس النمسا رحتها و استانست فيها واااااااااااااااااااايد جنة الله في الأرض

بس سوقها غالي و يلوع الجبد

لكن طبيعة و جو روعة

 

[Maltesers]

ماليزيا جوها مو حلو ما يساعد كللللللللللش بس اهيه حلوه وللللللللللكن مو بالدرجه اللي الكل يمدحها لان سووووووقها مو شي كلش كلش كلش ما عجبني وطبيعتها حلوه بس مو وايد اندونيسيا يقولون احلى منها

بس النمسا ما عليها كلام روعه

 

[ام لمى]

لا تطوفج النمسا راح تستمتعين فيها احلى دولة سافرت لها عجيبة...

 

[الاسطورية]

النمسا طبعاااااااا
ماكو وجه مقارنه

 

[علايه]

مشكورين حبيباتي

عاد انا كنت ابي الاسواق

والنمسا ما فيها اسواق حلوه

 

[amoola79]

النمساااااااا وبس من صجج ماكو وجه مقارنه ............ انتي طالعه من حر وخيسة بتروحين حق الحر والرطوبة ,,, انا شايفتهم ثنتينهم النمسا وبس وراح تعوفين الدول كلها .......

 

[الذوووق]

النمسا وانتي مغمضه


واذا عن السوق فماليزيا والنمسا سوقهم بايخ


احلا سوق تلقينه بدبي ولندن ولبنان

 

[غيوووض*]

اختى النمسا بدون كلام

 

[هياوووووووي]

الصراحة أنا رحت ماليزيا مااعجبتني
بس النمسا فظيييييييييييييعة رحت لها مرتين وبناتي استانسو اهناك لان يوم رحنا زيلامسي خذت لهم ملابس سباحة وكانو يدخلون بركة السباحة اهناك واستانسو وااااااااااايد...وجوها وايد حلو...بس في شهر8 الجو يكون احلى من 7

 

[toooota2404]

مثل ماقالوا ان النمسا سوقها مو رخيص لكن من ناحية جو و طبيعه النمسا احلى لان ماليزيا بشهر 7 و 8 فيها رطوبة و حر ما يتعدل جوها إلا اخر 8 اول 9 بس صج دولة رخيصة في معيشتها و سوقها عندهم مجمعات وايد ضخمة و حلوة و رخيصة بس جوها مو ذاك الزود
فشوفي انتي شنو مقياسج الاهم عندج السوق او الجو و الرخص :eh_s(8):

 

[غلاتي الكويت]

النمسا بدوووون كلاااااااااااااام


جوو عجييب وطبييييييعه واليهال وايد راح يستانسوون


اهم شي الزحلاقية لا تنسوونها تووونس حق الكبار والصغار

وبحيرة زلامسي


والشلال



كل شي فيها روووعه ولله

 

[saroon_143]

انا العام خذيت جوله في شرق اسيا
ماليزيا _______ عجبتني وااااايد واسواقها حلوه فيها الغالي وفيها الرخيص
وعائليه كل مكان تقدرين تاخذين عيالج
والجو عادي مو مثل ما الكل قالي حر ما تقدرين تطلعين
الجو حلو مو مثل الكويت فرررررق
الصراحه ينيييت عالاسواق

بوكيت _______ رومانسيه - ما تنفع اليهال كلش
رحلاتها حلوه وتونس
اسواق مو شي
بانكوك _______ تلوع الجبد وصخه بشكل ما تتصورينه
حتى السوق اللي الكل يقول حلو ما قدرت اخذ راحتي فيه
من الريحه والوصاخه بس عندهم مجمعات حلوه وراقيه
سيريلانكا _______ حلوه طبيعتها - بس مو سياحيه كلش
بس مافيها مجمعات سنعه


بس الصراحه ماليزيا روعه انا هالسنه مفكره اخذ عيالي تنفع حق اليهال
انا الصراحه كل مسافره العام حق التسووووق

انتي اختاري تبين طبيعه ولا تسووق

واذا قررتي ماليزيا راسليني عالخاص ادزلج جدول الاسواق

 

[هابة ريح]

حبيبتي توكلي على الله وسمعي كلام ريلج

روحي النمسا لأنها ما تتفوت

وبالنسبة للسوق

اهما الاثنين سوقهم اقل من عادي

بس بضاعة النمسا اجود من ماليزيا

والاثنين يصلحون تاخذين عيالج وياكم

النمسا بالصيف

اذا بخاطرج ماليزيا خليها على شهر يناير او فبراير يكون الجو عندهم مقبول

وعليكم بالعافية مقدما

 

[نوت]

يابنات ياحلواااات يعني النمسا تصلح للعايله يعني مانشوف مناظر مو حلوه او شغلات مو شي....يعني شو محافظين
يعني تصلح للعايله او لا واليهال