بنات وين اسوي تحليل الغدة الدرقيه ؟؟؟

[Miss_Soso]

بنات تكفى ولي يعافيكم


عندي تساقط شعر كثييييف كل يوم فوق 200 :eh_s(11):


وين اسوي اختبار تحليل الغدة الدرقه عشان اعرف فيها خمول ولا نشاط زايد ............. و شقول للدكتور



ابي اذا خاص وين ؟ و شقول للدكتور
ابي اذا حكومه وين ؟ شقول للدكتور

 

[~LiBrA~]

رد : بنات وين اسوي تحليل الغدة الدرقيه ؟؟؟

حبيبتي روحي المستوصف وقولي حق الدكتورة ابي اسوي تحليل بس يمكن راح تسويلج فلم ان ماله داعي...

بس بالخاص راح يسوولج....روحي الجلديه واهي تطلب تسويلج التحاليل المناسبه وقوليلها ابي اسوي هالتحليل وراح تسوي لج لان بفلوس مو بلاش...

في دكتورة حنان بدار الشفا اتينن وعلاجها حلوه وفاهمه روحيلها

 

[Miss_Soso]

حبيبتي مشكوره بدار الشفا جم ياخذون عالتحاليل ؟

 

[~LiBrA~]

رد : بنات وين اسوي تحليل الغدة الدرقيه ؟؟؟

العفووو
والله مادري ترا اسعار التحاليل كل واحد يختلف عن الثاني ومره سويت تحليل دم شامل عندهم ب40 والباجي مادري جم

 

[سنفوره كويتيه]

رد : بنات وين اسوي تحليل الغدة الدرقيه ؟؟؟

انا هالتحليل سويته 3 مرات

اول مره بالجلديه قالولي سليمه ومافيها شي

ثاني مره بالمستوصف السره همن الحمدالله

ومره بلمانيا

ترا كل مكان يسونها والي يصير بالخاص نفسه يسوونه لج بالحكومه يعني لا تحاتين

وعلى فكره اذا فيها خمول او نشاط ترا يبين من ناحية الدوره اذا كانت مو منتظمه عليج او مو منتظمه , وصح مثل ما قلتي تساقط شعر , واذا فييج غده تحت عينج او سواد , او اذا كانت عينج جاحظه

ولا تحاتين اذا فيج خمول او نشاط لا سمح الله يعطونج حبوب وتنتظم لج

 

["لوزه"]

انا سويته بالمستوصف فيها خمول حولوني شيخان الفارسي
دخلت على دكتور هندي سوالي تحليلين على قولته سبشل بعد 3 اسابيع اطلعوا
الحمدلله سليمه ومافيهم شي لانه تحليلهم يختلف عن المستوصف

 

[&موناليزا&]

رد : بنات وين اسوي تحليل الغدة الدرقيه ؟؟؟

عزيزتي رفع لعيوووووووونج

 

[doudou2009]

عياده بوحمرا تدشين على الدكتوره تقولج شنو السبب انا مابقا تحليل ماسويته اخر شي طلع سبب مايخطر عالبال الا وهو تكيس مبايض وشعري طااااااااااااااااااااااااااااااااااااااااح بالهبل وليلحين وعلى كلام الدكتوره الشعر يطلع عقب اي علاج بست شهور مو اقل واهي الدكتوره شاطره وفاهمه والله حبيبتي مو دعايه ابي الخير لكم رحت المستوصف حبطوني قالو صلع وراثي جان الدكتوره قلتها هالحجي وضحكت قالت البنت مستحيل يصير فيها صله وراثي وانتي كيفج بس اذا حبيتي تروحين لها اسمها دكتوره فاطمه اهي اخصائيه هرمونات قوليلها اللي فيج واهي تعرف اي تحليل مناسب لج واعيلي حبيبتي شعري يتحسن ويرد احسن من قبل وانتي بعد ماتشوفين شر .

 

[أحلى من الورد]

بمستشفى السلام الدكتور اسمه احمد عبدربه دخلي عليه وقوليله اكتبلي على فحص للغده الدرقيه وسعرها رخيص عندهم 20 دينار وبس وربي يشفي الجميع

 

[ام الدرر]

حبوبة المستوصف يسوونه ليش تقطين فلوس بالخاص
قولي لها ابي تحليل غدة درقية
ما اعتقد يرفضون
انا اكتشفته فيني بالصدفة وخواتي 2 سووا تحاليل بالمستوصف وراي
ما رفضو​

 

[Eva-SS]

حبيبتي تساقط الشعر ممكن يكون عارض لخلل بالهرمونات لكن مو بالضرورة تكون الهرمونات السبب

انتي روحي للمستوصف او عيادة نسا واطلبي هالتحاليل Fsh و tsh و lh و البرولاكتين

حرام تسوينهم بالخاص والحكومة تسويه ببلاش ماتسوى