بنات يأست ساعدوني :( الضعاف اللي متنوا

[Cuttie.Pie]

بنات انا مابقى حليب.. حلبه... تمر.. عسل.. هرده.. ماكليت
حليب صويا
حبوب خميرة
حبوب فتح شهية
ولا شي فاد.. دكاترة التغذية يقولون جسمي بنيته جذي ويحرق بدون ما اتحرك..
شسوي؟؟؟
ابي امتن
عمري 20 طول 166 ووزني 45
يارب مابي شي بس ابي اوصل 52
ابي فخووذ.. خدود.. زنود.. شوية حاجات كده يعني
ساعدوني والله تعبت.. ما اتحرك وبس اكل وما امتن
ابوي مستغرب يقولي في دود ببطنج ياكل اكلج؟؟ هههه
HELPPP:eh_s(2):

 

[LadY BuG 80]

بنات انا مابقى حليب.. حلبه... تمر.. عسل.. هرده.. ماكليت
حليب صويا
حبوب خميرة
حبوب فتح شهية
ولا شي فاد.. دكاترة التغذية يقولون جسمي بنيته جذي ويحرق بدون ما اتحرك..
شسوي؟؟؟
ابي امتن
عمري 20 طول 166 ووزني 45
يارب مابي شي بس ابي اوصل 52
ابي فخووذ.. خدود.. زنود.. شوية حاجات كده يعني
ساعدوني والله تعبت.. ما اتحرك وبس اكل وما امتن
ابوي مستغرب يقولي في دود ببطنج ياكل اكلج؟؟ هههه
HELPPP:eh_s(2):

يا حظك ( من جنود حرب اشحوم )

ذاك اليوم قدامي كيكه جرمن شوكلت و انا على اتقشف

و دعيت قدام امي و خواتي دعوه من قلب

قلت يا الله اكتبني من اهل الجنه عشان اكل لمن انبط و انا هيكله :eh_s(1):


ما اقدر اقول يا رب تزيدين ..

ثقيله على لساني سوري بس احسها دعوه عليكي مو لكي

الله يديم عليكي اصحه و العافيه و توصلين للتبين :eh_s(8):
​

 

[Cuttie.Pie]

لووول مشكورة حبيبتي بس شسوي.. شوية عالاقل لحم شحم كرش راضية انا

 

[شروق شمسي!]

.










آنتي طولج حلو 166
واذا عظامج عريضه يطلع جسمج حلو


انا طولي 157 وعظامي صغيره فامبين علي المتن!

حاولي تكثرين من الحليب والموز والفطاير

 

[شندوخه]

انا نفسج مو بسرعه أمتن
ويتلي فتره متنت وصلت ال60 أأأأخ للحين محتره لان ماحافظت على وزني نزلت
المهم كنت مواضبه على حبوب سنتروم اهيا فيتامينات والله زينه تهبل احس افتحت شهيتي

 

[ريم خانم]

لوووول ياحظكم من جدكم وش تبون بالمتن:eh_s(16):
انا جربت الحالتين اااه ياحلو النحف ..
بس اذكر سمنت بالكليه كنت بس ابلع بطاطس مقلي وارجع البيت اكل كبسه وبعدها ببسي ونووم واذا صحيت المغرب كاكاو وببسي واحب المقالي والرز ايه والحليييب البودر كامل الدسم اشربه دائماا والاجبان < مسويه مشروع تسمين الاخت
حلو لو توصلين 50 والله يوفقك

 

[ماني من الناس]

تعالي تجمعنا

موضوع اربطوا الاحزمه


التزمي بزياده السعرات واكل ثلاث وجبات باليوم

 

[ماني من الناس]

الرهش بعد كل وجبه يثبت السعرات

 

[Cuttie.Pie]

ههههههه.. لا بس بنات انتوا مو فاهمين.. انا شهيتي مفتوحة وايد... اكل الخضر واليابس اسملله علي ههههه وبدال 3 وجبات اكل 4 او 5 وكله عيش ومعكرونية وسمج ودياي.. اللهم اللحم ما اكله.. ووايد مع الاجبان والحليب بس ماكو فايدة.. بجرب حبوب سنتروم انشالله
ادعووولي بس ابي اوصل 50 راضية

 

[بطوووطة$بيضة]

حبيبتي انا رفيجتي جذي ماشالله عليها تاكل وايد وانا معاها بالمطعم اتبدع بالاكل ...بس ماتمتن اتحاول بس ماتمتن جسمها بسرعه يحرق ...وعقب اي وجبه تروح الحمام وانتوا ابكرامة ...انا بس لو اشرب ماي امتن مو حاله

 

[دنيا جديدة]

هلا حياتي:eh_s(17):
لا تعبين نفسج بالحبوب والادوية اللي تسمن كلها تفتح الشهية حبوب الخميرة بس هي اللي ماتفتح الشهية
ومافادتج اذا استخدمتي اللي علبته حمراء ا جربي البيضاء

ضيفي على جدولج رهش مكسرات فواكة وفية حليب اسمة الحليب المركز بالشكولاتة يسمن عن تجربة
لازم تمشين اكيد بتستغربين لو 20 دقيقة
وانتبهي حياتي كثرة الاكل تجيب الكسل والنسيان
وطنشي لا تخلين همج انج تسمنين لان اهو نفسين
لتمنى لكي كرشة كبيرة رائعة

 

[جلكسيه اس 3]

انا سامعه في اجسام ماتمتن مهما صار
و اجسام ماتضعف مهما صار كل واحد حسب جسمه عاد
و ان شاء الله تمتنين بس بصحه وعافيه

 

[Cuttie.Pie]

هههههه عجبتني كرشة كبيرة ورائعة:krkrkr:ابيها متدندله بشوفها بحس فيها لوووول
وانشالله بجرب كل اللي قلتوه على امل اني امتن شوية

 

[al39laa]

امشي على جدول كلوري

عشان تعوضين اللي حرقتيه

وشي حلو ان شهيتج مفتوحه بس اللي عليج اتيمعين كلوري 2500 وتزيدين كيلو باسبوع

 

[MayOumii~]

نصيحتي تبين تمتنين
خلي وجباتج كلها مقالي والسناكات خليها وجبات كاملة يعني اكلي بطاط كبير وكاكاو عائلي
وبليل اكلي وجبة دسمه وعلى طول نآمي عشان جسمح مآ يمديه يحرق ويتخزن على دهون

ونصيحة لعبي رياضة ودهني جسمح بزيت زيتون يوميا
الرياضة عشان الدهن يتوزع ما يتركز بمكان
والزيت عشان التشققات ما تطلع

 

[دنيا جديدة]

شوفي بقولج شي مو مهم كلة ناكل المهم نختار الوقت المناسب
دايم ينصحون اللي يبون ينحفون قبل النوم بكم ساعة ماتاكل
فاانتي قبل النوم اكلي لج شي دسم
دعواتج كتبتلج ردين تعبت تهي تهي امزح فداج

 

[Cuttie.Pie]

دنيا جديدة ههههه تسلمين حياتي وماعاش اللي يتعبج

وميومي عادي بدال الزيت زيتون احط بيبي اويل؟ ريحة الزيتون ماحبها

العصله انشالله.. ومشكووورة عالرد

يارب كل ضعيف يمتن وكل متين يضعف قولوا آميييين

 

[الرشيقة مرررررة]

شوفي انا باقول لك اهم شي العزيمة والاصرار وعدم اليأس والتكاسل حتى تصلي للهدف المطلوب :eh_s(7):
انا نحيفة مرررة واخواتي كانوا نحاف مرررة مثلي لكنهم اصروا بدون كسل وملل ووصلو للهدف الي يبغونه :eh_s(7): وانا الكسولة كلما وضعت نظام غذائي استمريت اسبوع او اسبوعين ويزيد وزني كيلو او كيلو ونصف افرح فيهم واتكاسل واهمل حتى يطير الكيلو والنصف :krkrkr:
اما اخواتي كانت وحدة منهم تحط 2م صغيرة ماش مطحون+ 2م صغيرة حلبة مطحونة وتحطهم في زبادي (روب) مرة بعد صلاة الظهر ونفس المقادير بعد صلاة العشاء وكانت تاكل سبع تمرات بعد صلاة الفجر وسبعتمرات قبل النوم وزاد وزنها ما شاء الله من39 حتى 50 في ثلاث شهور او اقل
اما اختي الثانية كانت تستخدم الماش مع الحليب وتستخدم خلطة حلم بدون تفسير
وحدة من اخواتي كنت اذا مريت عليها اقول وزن باقي مازاد :bbbiu:كانت تردد عبارة :yaaaaaarbحلق مع الصقور ولا تضيع وقتك مع الدجاج) وبالفعل زاد وزنها وانا باقي عصقووووولة:eh_s(11):

 

[Cuttie.Pie]

ههههه الرشيقة مرة.. عجبتني مقولة اختج.. وانشالله اجرب كل السوالف اللي قلتوها.. ادعولي بس