بنات يشتغلون عالحدود

[الورد انا]

سلام عليكم

حبيت اناقشكم اليوم بموضوع يمكن غريب او يمكن لانه اول مره اسمع فيه

اختي من اسبوع سافرت قطر عن بسيارة تقول لما وصلنا الحدود ولا الي قاعدين عند الحدود بنات

صج والله بنات لابسين عبايات وشيلات عادي وهم ياخذون الجوازات ويجيكون عليهاااااا وكل شي بعدين تطوفين عادي

نفس الرياييل الي قاعدين عند الحدود بس هذول بنات بالكويت في بس الحريم الي يطبقون وحاطينهم داخل اما بقطر لا قاعدات بالمقدمه

الله يتمم عليهم نعمه الامن والامان

تهقون ممكن تصير عندنا

تهقون تصير عندنا​

 

[عيا زماني]

ليش لأ كل شي جايز يمكن تصير عندنا بس اذا تلاحظين اللي بحدودنا عند التطبيق مو كويتيات يا مصريات والا سوريات ماشفت لي كويتيه ..

بس برايي انه شوي مو حلوة بنات وعند الحدود؟؟؟؟؟ ناهيك عن شباب الخليج مغازل وكل واحد يتشيحط وهياط وفتنه ماله داعي ..

مشكووورة اختي عالموضوع ..

 

[الورد انا]

ليش لأ كل شي جايز يمكن تصير عندنا بس اذا تلاحظين اللي بحدودنا عند التطبيق مو كويتيات يا مصريات والا سوريات ماشفت لي كويتيه ..

بس برايي انه شوي مو حلوة بنات وعند الحدود؟؟؟؟؟ ناهيك عن شباب الخليج مغازل وكل واحد يتشيحط وهياط وفتنه ماله داعي ..

مشكووورة اختي عالموضوع ..

حدود الكويت ماشفت احد كله اسافر بالطياره

بس قطر ماحطت بنات على الحدود الا وهم واثقين ومأمنين عليهم مو معقوله يقطونهم ويمشون

بصراحه لللحين مستغربه الموضوع

 

[أحبه موت]

حبيبتي عادي لا تستغربين انا اشتغل بمكان شوي حساس وقالولي اذا رحتي الحدود زياده على معاشج 300 دينار يعني اذا انا معاشي 600 يصير معاشي 900 شفتي الفرق والي معاي راحوا والله عادي ماقالوا شي وكلهم كويتيات

 

[مجنونة بس عاقلة]

شفيها واذا على الحدود هذولي بنات السعوديه لهم غرف للتطبيق
يعني اذا ماكانوا موجودين هالبنات وانتي منقبه ترضين تكشفين عند
رجال؟؟؟؟؟؟؟

 

[كويتية و لكن]

العمل مو عيب

نعم انا شفتهم وهذا دوام مثل اي دوام فيه السئ والزين

الله يساعدهم علي هالدوام صعب والله

 

[عنآيد]

شغـل بالنسبه لي أشوفه عآدي وطبيعي ’’ و للعلم للعضوه اللي قالت شباب الخليج مغازل وفتنه ’’ هم ما يجيكون الا على جوازات العـوايل ’’ وما عندهم تطبيق للمنقبآت فعشآن هيك حطوا بنآآت ’’ = )
ومأمنين لهم مسآكن و حمآيه ’’ يعني شغله مدروسـه ,, ّ ~
والله يتمم عليهم .. ويعينهم ع هالشغله المتعبه صرآحه ’’ =)
وامممممم أتوقعع اي ممكن تصير عندنآ بالكويت ليش لآ ’’ ,,

 

[مجنونة قطر]

هلا اختي وحياج الله في قطر .. وتو مانورت البلاد ..
انا اشوف نظامهم وايد حلو خاصة ان لاحظي ما يصير زحمه في المركز عكس السعوديه و البحرين لان السيايير تتعطل وو توقف فتره طويله عند مكتب المطابقه .. بس الله يعينهم احس دوامهم مب حلو للمتزجات خاصه واللي عندهم عيال لان المسافه من مركز بو سمره الى الدوحه طويييله .. بس ترى رواتبهم ممتازه يمكن حول الـ 18الف ريال يعني تقريبا 1400,دينار كويتي بس لكل راتب ظرفه

 

[katko0ota]

انا شفتهم و وايد استانست ما شاء الله عليهم

 

[alb7ranya17]

الحين البنت تشتغل وين ماكان دام الاماكن موجود والحمد لله قطر تهبل ومافيها هالناس الحوش وانشاء الله تتطبق عندنا بالكويت بالعكس هذا شي حلو وايد من ناحيه البلد من ناحيه البدلات ومن كل ناحيه حلوة

 

[AL 3la]

ما اشتغلت هالشغله الا واهيا محتاجه

 

[الصعيريه]

اتوقع هالشغله بس تناسب الرياجيل لانها تعب ومكانهاا بعيد بالنسبه لبنت..

 

[دلوله_العسوله]

ااتوقع سنه سنتين بالكثير ثلاث وتصيير

داام صارو شرطيات مو عيزانين يشتغلون بنوااااافذ البريه وخصووصا انها قريبه

 

[{ عبره وهلت }]

الله يتم عليهم نعمة الامن والامان

 

[Marka Store]

يمكن بيوتهم قريبة من الحدود
يعني ما تعتبر الحدود منطقة مقطوعة نفسنا عرفتي