"] يالأم الغاليه .. ياللي أغلى ما عندج بهالدنيا فلذة كبدج .. بنتج أو ولدج ..
هل حسيتي مره ان ما بيدج حيله ومو عارفه شتسوين لأن بنتج أو ولدج مغلوب على أمره بالمدرسه وما عنده أصدقاء ؟؟
عانيتي من شكوى قالتها بنتج عن تسلط بعض البنات وأخذ أغراضها بعد التهديد والوعيد ؟؟؟؟ :0bee2e8d89:
هذي بعض الأشياء اللي ان شالله راح تساعد ولو شوي بتقوية شخصية الطفل وبالتالي تقليل فرص تعرضهم لمثل هذي التعديات والمشاكل ,,
1- إذا صارت مشكله بالمدرسه ,, روحي ولا يردج شي وكلمي الاخصائيه , لأن الأخصائيه مانحطت زينه !! هي عندها من الخبره والعلم ما قد يفيدج ويساعدج لحل مشاكل بنتج ..
2- وبعد اذا فيه فرصه خل يشوفون بنات صفها انج يايه وموجوده ,, وان هالبنت وراها أم ما تسكت عن شي !!!
لكن لا يكون في نظر بنتج اتبينين لها انج الحل الدائم لمشاكلها ..
3- حفزيها وشجعيها على أخذ حقها ,, وعلى ابداء رايها وخل تتعلم تقول لأ لصديقاتها المتعديات على حقها,,
وفهميها انها اذا ما عطتهم اللي يبونه ماراح يسيوون شي وما يقدرون يسوون شي , لأن مو من حقهم !! هذا أكلها !!أو قلمها أو .... مو صح إذا قالو عطينا وللا نعلم امنا !!
4- وهذا الشي وهو المهم : لازم تدخلينها أنديه العصر حق تنمي المهارت الاجتماعيه عندها وتقوى شخصيتها ويصير عندها أصدقاء وتزداد ثقتها بنفسها ,, ( عندج نادي درر بالشاميه وعندج جمعية الاصلاح بالشاميه .. و نادي هوايه بالسره , وفلكس ناس وايد يمدحون أنشطتهم هناك ..وحلو تودينها ساعتين كل يوم وبعد شغلات طارق سويدان ونادي ريماس ,, ووو.. وو... )
5- : بس تحسينها شخصيتها بدت تتحسن عزمي صديقاتها بالبيت ..
سويلها حفله تستانس منها .. وأول شي عزمي كل بنات الصف ,, وكوني المراقبه الجيده بالحفل ,, واللي تعجبج تصرفاتهم وتحسين انهم ماشين زين مع بنتج وتحسين بنتج مرتاحه منهم كرري عزيمتهم بعد كم أسبوع بعزيمه خاصه لهذي المجموعه بس , يعني مو لكل الصف ,,
وان شالله يارب تنحل المشكله وراح تزداد ثقتها بنفسها ..,,
عزيزتي الأم ,, ابدي الخطوه الأولى الحين ,, واذا فيه مشكله لا تترددين ,, رفعي السماعه على المدرسه ,, وطلبي اجتماع مع الاخصائيه ،، وخل يكون لج حضور دائم هنك .
اتمنى أكون أفدتكم ,,[/SIZE]
ما عندي معرفه بالانديه في المنطقه العاشره ,, بس نزلي موضوع جديد وسئلي فيه عن الانديه وان شالله يكتبون لج الخوات ردود تفيدج .. ومشكوره عالمرور والمشاركه بالموضوع ..
