بنتى تساومنى على دراستها!!

[حفيف1]

السلام على احلى كويتيات





صراحه انا احتررررت ماادرى شلون اتصرف مع بنتى ...صف ثامن ..ماتدرس ولا تحضر ولا تفج كتاب ..لا مبالاه بصوره مو طبيعيه ..كل مااكلمها بعدين بعدين مالى خلق وكل سنه جذى بالدز وبالتشجيع والمكافات :friends:

لانه قلبى يعورنى عليها مايهون على تسقط !! نتيجتها الكورس الاول 3 مواد راسبه

مابقى شى على المدرسه موراضيه تدرس وتعودت على الدراسه بالمقابل يعنى تقولى اشترى لى كذا او عبى لى رصيد

وادرس للامتحان او مانى دارسه! حسيت ان السالفه مصخت قلت لها تبين تدرسين لمصلحتج او راح تسقطيين :eh_s(16):

قلت لها انى ماراح اتدخل مره ثانيه لان قامت تساومنى ...وفى قلبى قلت يمكن السقوط يعلمها ويحيى قلبها

بس مو قادره ...اتخيل انى اخليها ...ودى اسويلها اللى تبى واجيب مدرسات علشان تنجح حالها حال البنات ولا احد يقول لها

يالساقطه ...احسها ياهل للحين ...ماودى اخليها تواجه مصيرها ..

شسوى ؟!؟

:eh_s(20):​

 

[mr000]

السلام عليكم أختي الله يعينج ويعينا على العيال والمدارس إنتي تتكلمين عن بنتج جنج تتكلمين عن ولدي إلى حد ما !!هو بصف ثامن يعني ماأقولج مايدرس بس مو الدراسه اللي تييب له درجات زينه وهو بمدرسه أجنبيه يعني المناهج صعبه وتعادل مناهج الثانويه بالحكومه ومثل ماقلتي يساومني عالدراسه.. وهم غلطتي إني كنت أحط له أعذار قبل لما تعود عاللامبالاة يعني كنت أقول مسكين صعب عليه وهو ياهل وضغط عليه بالدراسه كافي دوامه لي ال2 ونص لما تعود أنه يشوف درجة الc عادي مو مشكله وألحين حتى ال d صار عادي عنده.. وما أقدر أخليه يسقط بصراحه أتحسف على فلوسي مو شويه أقط كل سنه وهم ماأتقبل أشوفه ساقط.. بس بديت أساومه مثل مايسويلي يعني ياب تقرير موزين شلت أشرطة البلي ستيشن كلها قلت حق أخوه قطهم وزعهم بيعهم تصرف فيهم.. وهم أغلى من الذهب بالنسبه له ويايبهم من بره بسفراتنا وألحين قلتله لو آخر السنه ييت ساقط هالمره دور الأجهزه كلها تنقط بالزباله تكرمين لأنك راح تدخل معهد تدرس بالعطله.. شوفي آنا ماأحب أسلوب التهديد ولا أبي إني أعامله جنه ياهل وعمره 14 سنه بس آنا موشايفته من الله ذكاءه محدود أو قدراته على قده علشان أراعي هالنقطه آنا شايفه إهمال وتقصير منه.. ومسألة إن المناهج والإمتحانات صعبه حاله حال غيره لازم يتكيف معاها ويدرس عدل.. يعني بالعربي خلاص دلع ومكافآت عالفاضي والمليان ماكو إذا مايشد حيله ويدرس واييب درجات زينه.. الحمدلله عيالنا كلشي متوفر لهم وموناقصهم شي طلعات وسفر وغرف مريحه وكمبيوتر وإحنا أهلهم مسخرين نفسنا لهم.. ونييب لهم مدرسين .. وندفع لهم حق التقويه..لي متى يتصرفون مثل اليهال ومايفهمون مصلحتهم وعيال الوافدين من الإبتدائي يموت نفسه على نص درجه. وفاهم أن أهله متحملين الغربه وظروف صعبه علشان يوفرون لهم مستقبل زين....صدقيني إختي إحنا خربنا عيالنا بالدلع والمراعاة الزايده فصاروا لامبالين..آنا هذا رايي الشخصي..

 

[حفيف1]

mr000

الله يخلى لج ولدج وتشوفينه متفوق فعلا انا شوى شوى تقبلت نزول مستواها ...بس مو تسقط!!​

 

[حضاره]

حفيف00انا من زمان انتبهت حق قضية المكافأه اللي اول بأول انها تخلي عيالنا ماديين يعني شغله مقابل شغله وهي طريقه غلط 100بالميه

انا ماانصحج تخلينها لانج تقولين انها مهمله اساسا ولامباليه 00يعني اذا سقطت لاقدر الله انتي اللي بتحترين هم مايعرفون قيمة السنه من عمرهم

بس احنا نعرف 00انا أنصحج تاخذين راي اختصاصي نفسي بيفيييييييييييييدج باذن الله 00وعسى الله يهدي بنيتج ويصلحها ويبارك فيها يارب

 

[الحراير]

الله يهديهم يارب

 

[حرم_طيار]

الله يعينج عليها

وعلي علينا اول ندرس بروحنا وما شألله متفوقين و من الاوائل

 

[sereen]

شوفى عمرى , الحل انج ماتسمعين حق كلامها لان عارفه نقظة الضعف عندج , بعدين اهى كبيرة فاهمه عارفه شنو اللى مفروض تسويه دراسه وبس مافى شى ثانى , فا ليش السقوط ؟؟؟ انا سويت مع ولدى واعدتهم بجهاز على اخر السنه ورفع درجاته كله AAAAA's
علشان تحصلين اللى تبينه وهو رفع الدرجات وتشد حيلها طول السنه على وعد انج بتعطيها اخر السنه شى , نفس الشى بنتى
بس مو انى اعطيهم شى خلال السنه عشان لا يبردون , بعدين خلى الابو يدخل لا يصير كلشى عليج ترى احنا رقيقين قلب ونطاوع بسرعه عبالنا ليه عطينا بتعدلووون ماتشووفين الا زادوا فيج
بعدين انا اقولهم ماتعرفون شى تسالونى بس , الباجى انتوا تدرسون عيل شايلين جناط ورايحين كل يوم مدرسه على شنوووووووووووو دووووركم انتوا الحين انكم تدرسووون وتييبون درجات , غير هالكلام مافى
بصراحه الحق على منو ولا ماشاء الله كلهم مراحل متقاربه والهووومووركات يبيلها وقت جذيه الليل يخلص وشغلهم ماخلص ,
بس انا اقوووولج متواصله مع المدرسات والمدرسين اعرف متى اختباراتهم وهوومووووركات عشان احكرهم وذكرهم فيها ومايصير لهم حجه انهم ماخلصوا
الله يعينا وياكم على اجيال اللى ماادرى شنو اسميها والله العظيم عوار قلب

 

[فديت منورة]

الله يعينج

انا من راي اختي sereen

 

[سيدة الكويت]

اختى غلط تعطينها الى تبيه مقابل الدراسه لو انها صغيره ممكن تمشى السالفه لكن ذكريها انا هذا مستقبلج شوفى بنات خالتج بنات عمج

بوظايف قويه ومعاشات يقدرون يشترون فيها الى يبون سياره كشخه هدوم ماركات,,وانتى ولا شى ...واحنا مو دايمين لج وخلى وحده من اهلج عمرها مقارب تنصحها على طول بدون لا تدرى بنتج انج قلتى لها ...وخلى المدرسات يشدون عليها شوى

الله يهديهم هالعيال تعودو على الدلع

 

[شيــوخه]

شوفي دخلي الابو بلموضوع ولا طاوعينها بلي هي تبيه يعني توها هي ب8 وتسوي جذيه لو ترووح 10 و11 اشبتسوي فيج يعني

انا امعلمه بناتي الي تنجح الي تبيه اخر السنه تلقينهم شادين حيلهم يعني يحاولون يسون كل شي بس علشان النتايج الزينه وعاد انتي حاولي تكونين جاده معها وقولي لها والله انتي الي ابيضحكون عليج مو انا وانتي الي تروحين المدرسه ورفيجاتج باجر كلهم يشتغلون ويوصلون الي محاميه والي فيها والي جذيه وانتي خليج بلبيت
وعلى فكره بهذا السن كله بلسانهم مالهم خلق وكله يبون ينامون وكله يبون ياكلون وعندج لا قلتي لها يعني لا صقطتي يضحكون عليج وجذيه عندها الشي عادي خل يضحكون يعني مافي اهتمام بس حاولي باسلونج وبالكلام الزين تقتنع وقولي لها انا مارح اقصر معاج تبين مدرس مدرسه بيونج بس علشان تنجحن ماتبين شي راجع لج وحاولي تسالين عن رفيجاتها بلمدرسه