بنتي الثالثة بالطريج

[هفافف]

السلام عليكم يااحلى منتدى ابي افضفض لكم وافتح قلبي لكم

تخيلوا بنات انا عندي بنتين والحين انا حامل بالاسبوع الخامس عشر امس سويت سونار وطلعت بنت الللة لا يواريكم شنو شعور زوجي واللة جنى احد ميت عندى من ضيقت الخلق ولا يكلمنى عدل
بنات انا قتلا انا مالى ذنب انتى اللى اتحدد الجنين مايرد علي بنات شسوى واللة انا من امس لى اليوم ودمعتى مانشفت
ادعوا السونار غلط مع انى متاكدة انى صح لاني اراجع عند ماجدة اليتامة وعمرها سونارها ماغلط معاى​

 

[هفافف]

بنات ردوا علي تكفوون

 

[ام زاكي]

شوفي ولا تسوين شي هذا رزق من رب العالمين وانتي الحين طلبي الله انه يتمم عليج هالحمال ويتمم خلقه البنت

وفي ناس يتشفقون ضفر الضنا

وزوجج خليه راح يهدى ولما تولدين بتشوفينها شلون ابوها عليها وراح يحبها واهي الي بتخليه يتقرب لها

لاتشيلين هم اهم شي راحتج انتي والبيبي

 

[باحثة قانونية]

اللة يهدية شفيهم البنات زينة الدنيا اهم شي الصحة يكون الطفل طبيعي

 

[هفافف]

بعد عمري واللة ام زاكي اللة يجبر بخاطرج انشالللة ويفرج همج ياارب اللة كريم انشاللة

 

[كويتيه مذهله 87]

حسستيني انها فيها شي ولا كأنها بنته الحمدالله والشكر
ريلج ايمانه بالله ضعيف

قوليله ياحلو البنات وانت اساسا الي تحدد الجنس مو انا

يمكن حاسه بشعور ريلج يبي الصبي عشتوااا

قوليله هالمره بنت باجر اييبلك صبي العمر قباالنا الحياه ماتوقفت لي هنيه وبس

قوليله بنات يتمنون كلمه مبرووك انيت حامل وانت تعارض رزقه ربك

اعرف وحده مثل تصرفات ريلج يوم دري ان ابطنها بنت
الحين تعالي شووفيه يموت علي بناته وفي احد امه خير يقرب صووبهم

 

[هفافف]

باحثة قانونية شفتي عقليتة واللة اني انصدمت فيه وماهقيته

 

[ياراا]

ياقلبي انتي لاتشيلين هم هذا رزق من الله شنو يعني بيتبرا منها يحلات البنات والله هم اللي بينفعونج لاكبروو واللا والصبيان كل واحد مع مرته احمدي ربج وهذا قسمتج انتي وزوجج واللي يابت بنت تيب ولد والله يرزقج الولد الصالح و15 اسبوع توه صغير نطري السابع الثامن ولاتزعلين وتكدرين خاطرج

 

[A7bny =)]

معليه حبيبتي انه عندي اختين وانه الثالثه وعندي اخو واحد يعني 3 بنات وصبي احنا والله لو تجوفينا احنا البنات شلون كله حوالين امي وكله مع بعض حتى لما تزوجت ماخلي كل يومين وجذي اروح وساعات تدق علي واخذ ريلي ونبات بغرفتي فبيت امي واخوي كله لاهي مع مرته واهل مرته ولا ندري عنه جوفي البنات شلون رحمة ونعمة والله في ناس يتمنون الذرية مو محصلين قولو الحمدالله على كل حال والله انه حامل ولحين مدري شنو فبطني وكله ادعي ابي بنت وانه سمعت مدري اذا صح ان الرسول عليه السلام قال اللي عنده 4 بنات يدش الجنه

وهالشي ترى بيد الله وزوجج اللي يحدد الجنس انتي لما تروحين تراجعين سألي الدكتورة جدامه اخذيه معاج وقولي لها دكتورة منو يحدد جنس البيبي خل يسمع ان اهوه اللي يحدد وبحثي بقوقل وطبعي له خل يقرى قولي له مالي شغل تزعل علي والله يرزقج بالولد الصالح اللي تبينه

 

[طيف2006]

الله يعينج والله حاسة بشعورج ياحياتي وصدقيني مراح يحس فيج الا اللي جرب صج البنت الثالثه تضيق الخلق بس لدعي ربج ان الله يصلحها لج والرجال طبيعي انه يتضايق وماعليج من كلام البنات لان االلي ماجربت عمرها مراح تحس واحنا ندري ان غيرنا محروم من الضنى بس الحمدلله على كل حال هذا اللي كاتبه ربج ولاتبجين والله يعوضج بثلاث صبيان ادعي ربج ببنت سليمة وصالحة

 

[shousha]

والله البنات عسل هم الي يشيلون اهلهم بعدديين صدقيني بس هذا عرف عدنا لازم هالولد ولا مادري شنو بيصير بهالدنيا واخر شي يكبر ولا نستفاد منه يرووح لغيرنا حبيبتي لاتشيلين هم صدقيني انت الحين خليه شوي يهدي اعصابه وبرد مثل اول صدقيني انتي بس اهتمي بتغذيتج وبنفسج وبناتج بعد ولا تخلين نفسيتج تاثر عليج ترا ولا موزين لاعليج ولا على البيبي ترا يطلع بعدين عليكم

 

[العياره]

اهم شي يكون الياهل طبيعي وبصحه وعاافيه

 

[هفافف]

a7bny ويارا وكويتية مذهلة واللة انى كلامكم برد قلبي اللة يبرد قلوبكم يااارب ويهدى ريلي انشالللة ويرزقكم باللي تتمنونة شسوي واللة حتى امي ماقدرت اضيق خلقها وياي

 

[هفافف]

طيف 2006 شنسوي بعد قسمة الللة واللة شكثر دعييت وماخليت دعاء وصلاة ماسويتة بس اللة ماكتب شسوي موبيدي اهو كان حاط في بالة انى اكون هل المره صبى بس انصدم

 

[دمثة]

في ناس ودهم بس في ريحة جاهل وهذا قاعد يعصب ويزعل

اقول قوليله احمد ربك غيرك ميت علىريحة جاهل وانت معترض على عطيت رب العالمين البطن الي تجيب البنت تجيب الولد\

 

[هفافف]

اي والللة يا اختي دمثة بس هالريال عقلة ناقص انا قتله بعد هالحمالة لاتقول ابي عيال اذا بتسوي فيني جذي استغفراللة

 

[دآنة آلرشآيده]

بعد عمري الرجال اللي يحدد جنس الجنين
واللي تجيب البنت تجيب الولد لاتحاتين ان شاء الله
بتجيبين عيال والله قادر على كل شئ

 

[أماني الورد]

حبيبتي انتي

الي يجيب البنت يجيب الولد

معاي وحده بالدوام ثلالث بنات والرابع ولد


وانتم توكم صغار ويامالكم من الصبيان


والله يتمم علي وعليج ان شاءالله

 

[حرم راشد الماجد]

ـ رعاية البنات حجاب من النار: كما جاء في الحديث المتفق على صحته من حديث أم المؤمنين عائشة ـ رضي الله عنها: [[من ابتلي من هذه البنات بشيء فأحسن إليهن كن له سترًا من النار]]. قال القرطبي في تفسيره: سماهن بلاءً لما ينشأ عنهن من العار أحيانًا.

2ـ رعاية البنات تكون سببًا في الحشر مع الرسول يوم القيامة: فعن أنس ـ رضي الله عنه قال ـ قال رسول الله صلى الله عليه وسلم: [[من عال جاريتين حتى تبلغا جاء يوم القيامة أنا وهو كهاتين وضم أصبعيه]]. [رواه مسلم].

3ـ رعاية البنات تكون سببًا في دخول الجنة: فعن جابر قال رسول الله ـ صلى الله عليه وسلم ـ: [[من كان له ثلاث بنات يؤويهن ويكفيهن ويرحمهن فقد وجبت له الجنة البتة، فقال رجل: وثنتين يا رسول الله، قال: وثنتين]]. [أحمد والبخاري في الأدب المفرد]. ولكن انتبه أيها الأب ... وأيها الراعي: هذه الأحاديث مقيدة بقيود ليفوز العبد بهذا الجزاء الجميل. فما هي الشروط والقيود التي قيد بها هذا الأجر العظيم؟ الشروط اجتمعت في قوله ـ صلى الله عليه وسلم ـ [[فأحسن إليهن]]. وقد جاءت الروايات تفصل هذا الشرط الجامع وهو الإحسان. فكيف تحسن إلى البنات؟ قال ـ صلى الله عليه وسلم ـ : [[يؤويهن ويكفيهن ويرحمهن]]

إذن شروط الإحسان إلى البنات ثلاثة الإيواء والكفاية والرحمة. 1ـ الإيواء: ما المقصود بالإيواء؟ الإيواء يكون على ثلاثة وجوه: وأولها: إيواؤها إلى أم صالحة تقية عفيفة تصونهن وتحفظهن وتكون قدوة لهن وفي ذلك يقول المصطفى ـ صلى الله عليه وسلم ـ [[فاظفر بذات الدين تربت يداك]].

 

[المـاسة]

البنت والولد نعمه من رب العالمين


وقوليله في نااس تتمنى البنت مو الولد من الحرمان اللي عاشوه وخليه يحمد ربه وكل شي من الله حلو لا يعترض على حكمت ربه

وقوليله انشاءالله العمر جدامنا وربي بيرزقنا بدال الولد ولدين واكثر ولا تعترض وخليه يتصدق ويدعي من قلبه ان الله يرزقه بالنت السليمه الصالحه

والحمدلله ع كل حال (( البطن اللي تجيب البنت انشاءالله تجيب الولد والله يرزقج بالولد الصالح المتعافي ))