بنتي الثالثة بالطريج

[زينة الزين]

حبيبتي يمكن آنا ردي على كلامج غير عن باجي الردود

البنت والولد عطية من رب العالمين والمهم السلامة والصلاح

بس فيه شي البنات ما كلموج عنه وأهو أن كل الرياييل عندهم رغبة داخلية بأن يكون عندهم ولد
وهذا الأحساس فطرة في الرجل الله سبحانه وتعالى خلقها فيه واللي المفروض تسوينه أنج تراعين شعوره وردة فعله لأن مو كل الرياييل ينظرون للموضوع بعقلانية وأن المكتوب حاصل والسلامة أهم من كل شي بس غصبا عليه يضيق خلقه ويطلع حرته فيج صدقيني ترى شعوره طبيعي جدا وأراهنج كل الرياييل في نفس وضعه يحسون بنفس الأحساس بس مو كلهم يطلعون اللي فيهم ويبين عليهم بعضهم يطلعون حرتهم بشي ثاني
آنا مو قاعدة أدافع عن زوجج لأن تصرفه مو سليم بس اللي أبي أوصله لج أنه هالشعور طبيعي وغصبا عليه
حاولي تقوين إيمانه وتصبرينه وتطلبين منه يدعي لج وللبيبي بالسلامة وأنه يلزم الإستغفار وأنتي معاه بنية الولد وإن شاء الله الله مايخيب رجاكم والسنين يايه والخير معاها
وعسى الله يرزق الجميع بالبنات والبنين الصالحين كاملين الخلقة حسنين الأخلاق
اللهم آمين

 

[اخصائيه نفسيه@]

الله يهديه و ينور قلبه
و اهم شي الصحه و العافيه مو بنت او ولد

بس
اسفه اختي
انا حاسه من اسلوبج و كلامج
جنه انتي الي موعاجبج ان فيح بنت مو اهو؟؟؟؟؟؟؟؟؟؟؟؟؟؟؟؟؟؟؟

 

[hneen2]

الله يعين في ريايل استغفر الله عقولهم مقفله حمد الله والشكر يعني صح الواحد يتمني الولد او البنت بس مو بهالطريقه وربي اللي عطاكم البنت الثالثه ان شالله المره اليايه يرزقكم بولد قمر \
سكتي عنه وبروحه بروحه بيرضي

 

[أم لولووأخواتها]

شوفي حبيبتي:
يعني لازعل بتقلب ولد.... قوليله هذي أرزاق مقسمه على العباد مو بإيدك ولا بإيدي والرجال إهو إلي يحدد جنس المولود مو المره... ويمكن مو زعلان منج , زعلان من روحه خليه فتره يرتاح وبعدين كلميه بهدوء....

قوليله لا تضايق أنا أتضايق معاك وهذا مو زين بعدين البنت يصير فيها شي لا قدر الله ...وتتعذب معها طول عمرك علشان نغزت شيطان


والله يا أختي أعرف وحده عندها بنتين ولما حملت بالثالثه قامت تبجي وحاولت تطيحها وما طاحت وجتها البنت معوقه مسكينه وقامت تقول ياليتها
بعافيتها وتلوم نفسها كل يوم على إلي سوته بنفسها وبالبنت.... قولي الحمدلله على رزقه

 

[sara_77]

ياحلات البنات وهالايام بنت ولا ولد اهم شى التربيه يما بنات يقومون بامهم وابوهم احسن من عشر صبيان

 

["*آآآنؤؤؤقهـ*"]

قولي
الحمدلله
على
كل
حال
وادعي
لزوجج
بالهدايه

ايمانه.بالله.ضعيف..


وعسى.الله.يرزقج.الولد.الصالح

ويحفظ.لج.بناتج.يارب

 

[هفافف]

الله يهديه و ينور قلبه
و اهم شي الصحه و العافيه مو بنت او ولد

بس
اسفه اختي
انا حاسه من اسلوبج و كلامج
جنه انتي الي موعاجبج ان فيح بنت مو اهو؟؟؟؟؟؟؟؟؟؟؟؟؟؟؟؟؟؟؟
واللة ياخصائية نفسية انى مختارة اسم البنت قبل الولد بس اهو اللي غصب قانع نفسة انى بيييلة ولد على اساس جذيه اهو منصدم
والللة ماتصدقووون ردودكم كلكلم بردت قلبي والللة اشكثر ريحتونى الللة يريح كل من شاركتنى ويارب يعطي كل محروم ويعطي كل وحدة اللي تتمناه دعواتكم بنات لاتنسونى فيها

 

[kunooz]

حبيبتى لا تكدرين عمرج ولا تبجين صدقينى لما تولدين بالسلامه البنوته هذه بالذات اللي بتصير دلوعة ابوها و كلكم بتغارون منها بعد ههههههه

ترى اغلب الريايل جذي عادي ..
والله يهدي لج ريلج يارب

 

[tmtmt]

الله يعينج عليه حبيبتي
جنه بكيفه الواحد يحمل ولا اييب الي يبي !!

جان سويتي الطريقه الي تخليج اتيبين صبي باذن الله
ساله شيوخ فيها قالوا حلال

 

[المدرسه (مس)؟]

حبيبتي الله يتمم عليج بالخير واهم شي اتمام الخلقه
انا عندي بنات 3 ولحين حامل ب بنت والحمد لله تضايقت شوي لان الكل جان يكلي بيج ولد شكلج وحامج شكل بطنج الكل جان يكول ولد ومره سويت سونار ثلاثي الابعاد لان نزل علي دم بس ما كان الجنس امبين بعد بس بس سالهم زوجي شنو تتوقعون الجنس كال اكثر شي ولد امبين من الزوايه وبعدين من سوتلي الدكتوره السونار بالشهر الخامس كالت بنت والحمد لله الحين البنات شايليني وهمه الي يهتمون فيني ويعطوني الدوا بوقته مع ان اكبر وحده عمرها 9 والتوم عمرهم 6ونص ينظفولي البيت ودايرين بالهم مني وبصراحه انا اغار من تعامل ابوهم معاهم لان كلش يحبهم الله يخليه لهم ويخليهم له .
وبخصوص الرجل هو الي يحدد الجنس هذا كلام صحيح لكن تبقى المراه لها دور كبير بتقبل الحيامن الذكريه والانثويه يعني اذا كان الوسط قاعدي يكون ذكر واذا حامضي يكون انثى يعني المراه لها دور ايضا بتحديد الجنس

 

[booba]

قولي الحمدلله ياحلو البنات بس انت عارفه عقليه الرياييل لازم يشوف ولده عشان يحس برجولته وبعدين انت توج هذا الثالث انشالله الرابع والخامس اولاد عاد تصدقين انا عندي صبييين والحين حامل يالصبي الثالث وما تتخيلين شكثر كنت ميته عالبنيه بس الحمدلله هذه كتبه ربج وما نقدر نعترض عليها

 

[Princess^Mom]

يارب يرزقج باللي تتمنينه ويهدي ريلج ويحنن قلبه عليج...
صدقيني الولد بس بشارته حلو ولا البنيه حق امها واهلها احنا 4 بنات متزوجين وماشاالله بيتنا عامر وما يخلى لأن البنية غير الولد حتى لو تتزوج ما تخلي اهلها غير الريال وانتو شايفين الرياييل يرومح مره بالاسبوع لا ومرات بالاسبوعين بعد الله يخليهم لج ويرزقج انشالله بالولد

 

[مناوووي]

قوليله يحمد ربه الله ارزقه

نااس اتمنى

لايعااقبه ربي

والله يعيييييينج انتي على كلامه


عسى الله يريح قلبج ويسخره لج

 

[سمبتيكة]

قولي الحمدالله على كل حال ولا تضيقين خلقج اهم شي الصحه والعافيه
الله يرزقج بالولد الصالح السليم البار اللي يفرحج ويفرح ابوه بشوفته

 

[twinsmam]

وييييييييييييييييييييييييييييييييييي
يا حلات البنات يهبلوووووووووووون
انا عندي بنات توم الله يخليهم لي عمرهم 4 سنوات و لمن حملت ريلي كان وده بولد بس لمن درى ان فيني بن و الله ان طار من الفرحة لأن يشوف شلون بناته مدلعينه و كاهي بنوتي بحضني الله يخليها لي
و على فكرة انا كنت محرومة من العيال سنوات
فحمدي ربج انتي و ريلج ليل و نهار على هالنعمة غيركم ميتين و يسوون المستحيل عشان الله يرزقهم بالضنى

 

[um_yoyo]

الله يرزقج و البنات نعمه و بركه بالبيت بس بني ادم مايترس عينه شي خاصه الريال بسالفه الولد هذي انت حاولي تحببينه فيها و تكلمي بسوالف تشوق عن البنات لما يكبرون و ترى 3 بنات زين انا اعرف ناس 5 بنات و بعد 16 سنه يابت ولد عادي ارزاق

و انا عن نفسي ميته ابي البنت و الله يتمم على خير

 

[عطراللافندر.]

حبيبتي لاتشيلين هم كل شي من الله سبحااانه وهذا رزق واللهم لا اعتراض...اهم شي انه يكون طفل معافى والخلقه التامه
وتو الناس العمر جدامكم.. بيتضايق الحين وبينسى بعدين..

 

[Mno0or]

الله يهديه ان شاء الله ..انا اخوي كان نفسه بس الله رزقه بعد اربع بنات بولدين الله يخليهم الله وهذا رزق من الواحد الرزاق عيب الواحد يرد رزق ربه ..

 

[3so0ola]

في ناس عقلياتها جذي ؟؟
الله يكوووووون بعووووووووووونج

 

[أنفاسي دخون]

يا حلو البنات وخلفتهم وحنيتهم وحنانهم على ابوهم وعليش

قولي له لا تعترض على حكمة ربك غيرك يتمنى ريحه الضنا وانتي تتعنفق وتشرط !!!

وانتي ما عليش منه ولا يضيق صدرش الله اللي كاتبها لكم وزوجش هو اللي يحدد جنس البيبي بعد الله مو انتي واللي جاب البنت يجيب الولد

عسى الله يقومش بالسلامة وتفرحين فيهم عرايس يا رب