بنتي الكبيره حلقت شعرها

[لولو أبل]

انا بمصيبه كبيره

بنتي عمرها 19 جامعيه جميله جدا قصت شعرها بالمقص مثل حلاقة الرجل لشعره

والسبب انها زعلانه مني

مو اول مره نتهاوش احنا نتهاوش شبه يومي بس ليش اختارت اليوم تحلقه

شعرها اساسا قاصته بوي مو حبا بهالقصه بس لانها كل مازعلت مسكت المقص وقعدت تقصه

اخذت لها موعد عند دكتوره نفسيه باجر مادري اذا ترضى بتروح او لا

بس انا مستغربه شنو الظلم اللي وقع عليها عشان تقرر تحلق شعرها

شنو اسوي ؟ وابعرف ليش تسوي جذي بنفسها

انا بحالة انهيار من امس مو قادره اتحرك ولا اسوي شي وطول الوقت ابجي ولاقادره اتكلم

حاولت اصالحها رافضه

وابي اعرف سمعتو عن بنت سوت هالشي ؟؟؟؟

واللي يقصون شعورهم بسبب الزعل ليش ؟؟؟ وش معنى شعرهم

 

[ريما الهاجري]

لله يعينج واعتقد البنت فيها نفسيه عالجيها يمكن من بدايت تربيتج فيها غلط

 

[البارونـه]

حبيبتي ما تجوفين في تصرفاتها او لبسها شي؟
يمكن تتشبه بالرجال وتاخذ زعلج عليها حجه
على العموم انا بعمرها ، ووايد متحسفه ان فعلا فترة المراهقه دوم كنت اتهاوش مع امي والله ودي انسيها الحين ماعرف شلون كنت افكر بس كل تفكيري كان اني " مظلومه" وكنت وايد ابالغ وانفعاليه واتوقع المراهقات دوم جي تفكيرهم درامي

انا مادري اذا كلامي صح بس انصحج ماتودينها للطبيبه لان راح تعيش الدور انها الضحيه بشكل اكبر وبتعبج معاها
الحل انج تروحين تشرحين لها حالة بنتج وتستشيرينها وهي تقولج شنو تسوين واذا اتيبيها ولا لا
وصدقيني المراهقه يبيلها طولة بال وصبر وحزم بنفس الوقت
حاسبي لا تصيحين جدامها
الله يصبرج ويأجرج حبيبتي

 

[نجود ريانةالعود]

لاحول ولا قوة الا بالله شكلها نفسيتها تعبت بشكل فضيع حاولي تتجنبي الحوار معاها عشان لاتتخاصمو

 

[عسل سل]

يا انه دلع موطبيعي او في اسبااب ثانيه غير الزعل <<

 

[ماكواسم2]

خل تولي .. تبي اتحسسج بالذنب وشعرها نقطة ضعفج علشان جذيه تستخدمها ..لو من اول مره بينتي انج مو مهتمه جان ما كررتها ..حقرييها ولا تعطينها ويه تتعدل

حلوه هذي قاعده تبجين علشان شعرها باجر البنات يقولون لها مينونه ومو متزنه تصرفاتها فما اتعيدها .....

 

[لولو أبل]

لله يعينج واعتقد البنت فيها نفسيه عالجيها يمكن من بدايت تربيتج فيها غلط

ادري ان تربيتي غلط والكل يقولي جذي وهذا انا قاعده اتحمل نتيجة اخطائي

 

[لولو أبل]

حبيبتي ما تجوفين في تصرفاتها او لبسها شي؟
يمكن تتشبه بالرجال وتاخذ زعلج عليها حجه
على العموم انا بعمرها ، ووايد متحسفه ان فعلا فترة المراهقه دوم كنت اتهاوش مع امي والله ودي انسيها الحين ماعرف شلون كنت افكر بس كل تفكيري كان اني " مظلومه" وكنت وايد ابالغ وانفعاليه واتوقع المراهقات دوم جي تفكيرهم درامي

انا مادري اذا كلامي صح بس انصحج ماتودينها للطبيبه لان راح تعيش الدور انها الضحيه بشكل اكبر وبتعبج معاها
الحل انج تروحين تشرحين لها حالة بنتج وتستشيرينها وهي تقولج شنو تسوين واذا اتيبيها ولا لا
وصدقيني المراهقه يبيلها طولة بال وصبر وحزم بنفس الوقت
حاسبي لا تصيحين جدامها
الله يصبرج ويأجرج حبيبتي

لا لا اهي مو من هالنوع ان تصير بويه كلش وحتى لو تبي تكون جذي اهي تسوي هالشي جدامي لان انا واهي مثل الصديقات يعني ماتخاف مني
انا مضطره اوديها لدكتوره لان البنت نفسيتها وايد تعبانه وبدون سبب قوي يعني على اشياء تافهه تزعل واخاف تنتحر

 

[لولو أبل]

لاحول ولا قوة الا بالله شكلها نفسيتها تعبت بشكل فضيع حاولي تتجنبي الحوار معاها عشان لاتتخاصمو

هذا اللي قاعد يصير اساسا اهي ماتحب اكلمها اهي تحب اهي تكلمني فأنا مخليتها براحتها اذا حبت تكلمني انا موجوده

 

[الأميرة جوري]

عافه نقطه ضعفج ماتين تقصه وتعاندج تقصه خليها ولا تبينين شنو تبين منها علشان ما تمسكه عليج وهذي فتره مراهقه وتعدي

 

[لولو أبل]

يا انه دلع موطبيعي او في اسبااب ثانيه غير الزعل <<

يمكن دلع ...... امي تقول بناتي دلوعات وتربيتهم غلط

 

[لولو أبل]

خل تولي .. تبي اتحسسج بالذنب وشعرها نقطة ضعفج علشان جذيه تستخدمها ..لو من اول مره بينتي انج مو مهتمه جان ما كررتها ..حقرييها ولا تعطينها ويه تتعدل

حلوه هذي قاعده تبجين علشان شعرها باجر البنات يقولون لها مينونه ومو متزنه تصرفاتها فما اتعيدها .....

اهي لما كانت تقصه قبل ماكنت اهتم ماتوقع انها تسوي جذي عشان تلفت انتباهي لانها تدري اني ماكنت اهتم قبل لما قصته
بس البنت مريضه نفسيا وهالشي مؤكد

 

[لولو أبل]

عافه نقطه ضعفج ماتين تقصه وتعاندج تقصه خليها ولا تبينين شنو تبين منها علشان ما تمسكه عليج وهذي فتره مراهقه وتعدي

لا اهي تدري ان مو نقطه ضعفي شعرها ولما قصته قبل هالمره ماهتميت ...متعمده عشان ماتكرر هالسالفه

 

[لطيفــة]

الله يخليها لج ويهديها
اهم شي اذا وديتيها دكتوره نفسيه اعتمدي مبدا الحوار والمناقشات بس وابتعدي عن الادويه النفسيه
بنتج صغيره لاتتعود علي هالادويه وتدمن ولايجيها اكتئاب بالمستقبل

 

[ladyQ814]

اهي مراهقه المراهقه لا تستبعدين منها اي شي تخطر فبالها افكار جنونيه واكيد يرد هذا على الدلع يمكن انتي مدلعتها حيل وتدري انج ما بتسوين لها شي لو قصت شعرها ولا سوت شي غلط حآولي تبينين لها انج مو راضيه على اللي سوته ومعصبه منها فهميها ان اهي الخسرانه واهي اللي بيتشوه شكلها على الشعر وانتي شعرج فيج !! كلميها بالعقل شوفي شنو فيها شتعاني منه ليش نفسيتها جذي انتي امها اقرب لها من الدكتوره النفسيه حسسيها بالحب

والله يوفقج ويبعد عنج الشر انتي وبنتج​

 

[♥MaSteRiyA♥]

الله يعينج ويصلح حالها​

 

[Huda alotaibi]

جربتي تصكينها كف

لانها عارفه نقطه ضعفج
وللاسف هذا مايدمر الكثير من النساء

اشتري راحتج خليها تذوق نعمه الشعر

اذا من امها تسوي جذي والله هذا كله دلع وقياس ردت فعل

فهي تبي تقهرج اعوذ بالله من هييييج خلفه

 

[عادت ذكرياتي]

الدلع ثم الدلع ثم الدلع


دكتورنا قبل يحذر من الدلع وتربية الأبناء على منوال الدلع لأن هالشي راح يضرهم ماراح يتحملون مسؤولية وتصيبهم صدمات وعبالهم كل الناس بتنفذ رغباتهم وما راح تكون عندهم القدر ة على مواجهة العالم


ة

 

[صحكة الايام]

ممكن حاله نفسيه معروفه لدى الاطباء النفسنين

 

[وردة الدوحه]

مبين انج مدلعتها واااااااايد وما تتحمل منج كلمه وحده
يعني انتو متهاوشين وتروحين تصالحينها !!
مبين انه شخصيتج ضعيفه جدامها وهي مستغله هالشي
وع فكره سن 19 مب مراهقه كلش هذذا عناد ودلع
اقسي شوي وقوي قلبج ترا هي مب محتاجه طبيب كلش
محتاجه أم توجهها وتسنعها
يعني احقريها حتى لو تحلق صفررر
قولي لها بكيفج هذا منظرج بالمجتمع وانا ما يهمني لو تحلقين صفر كلامي هو اللي بيمشي
ومع الوقت هي بتتسنع بس قوي قلبج وخلج صبورة