بنتي الكبيره حلقت شعرها

[((البرنسيسا))]

الحل بسيط عطيها طراق بنتج متدلعة وايد

بعدين وين الابو ليش ماله دور في الموضوع ليش مايزفها

 

[myaar]

استغرب من ردود البعض

لكن هذا حال المنتديات عموما

المهم

أختي الغاليه

أتمنى تاخذين برايي

أنا تعمدت أقرا كل الردود وماشاءالله أشوف انج واعيه وفاهمه

باخذ الموضوع نقاط


- البنت نفسيتها تعبانه :

ايي , لأن صدر تصرف غير صحيح

- دلع :
اي نعم كان في أخطاء ماضيه في حل الخلافات بينكم


وفي أمور مو واضحه أنتي أدرى فيها مثل تكرار الخلاف ليش
التصرفات السابقه .. أسلوبج بعد الخلاف وهذا الأهم

- الحل :

أتمنى تجربين هالطريقه من كل قلبي .

روحي لها وبوسيها وقولي لها يا يمه والله انا احبج وانتي تدرين احبج صح
انا مو جايه اناقشج بتصرفج . أو أناقشج بالمشكله
أنا أبيج تسمعين كلامي . وتعرفين ان انا أمج وانتي بنتي ومافي أحد بهدنيا بيهتم فيج كثري

أنتي متضايقه وفي بصدرج هم وضيقه انتي مو مرتاحه
قومي الله يرضى عليج توضي واطردي الشيطان
وصلي ركعتين لربج ومسكي المصحف أقري القرآن

(( في شي لازم تنتبهين له : لما تقولين لها توضي وصلي
الشيطان بيكرهها بكلامج بشكل مو طبيعي وانا شبه متأكده بيصير رفض
لأن الشيطان مايبيها تصلي .. صح ))

فكوني ودوده بهالطلب هذا وحببيها فيه وقولي لها والله كل هالضيقه بتروح من تسجدين بين يدي الله

ما راح تقوم من مكانها . تركيها وقولي انا بطلع وتكفين قومي صلي ركعتين أو توضي ومسكي المصحف

راحتج بين ايدين ربج


..


يا أختي بنتج فيها نقص ايمان
انتي خايفه تنتحر .. خوفج مشروع

لأن العقل يغيب وقت الغضب
لأن نفسيتها تبيها تتخلص من هالشعور

أرجوج ركزي ع الايمان فبيتج

الصلاة الصلاة


ولا تنفرينها مثل ما قلت لج . الشيطان راح يوسوس لها

صج من تدشين عليها قولي لها تذكر الله وتصلي على سيدنا محمد عليه أفضل الصلاة والسلام


انتي أدرى مني بالأسلوب الأنسب بتوصيل الفكرة لبنتج

لكن صدقيني الحل انها ترجع لربها

وموو بالغصب بألطف أسلوب ممكن

حتى لو ما قامت ساعتها . بتطلعين من عندها وان شاءالله تفكر

وبعد جم ساعه اذا ماشفتيها متحسنه
قولي لها يابنيتي منتي خسرانه شي لا رفعتي ايدج لربج

..

وانتي اختي نفس الشي ادعي ربج

وباقي بناتج عسى الله يحفظهم لج نفس الشي حببيهم بالصلاة والذكر

 

[meera15]

حبيبتي ما تجوفين في تصرفاتها او لبسها شي؟
يمكن تتشبه بالرجال وتاخذ زعلج عليها حجه
على العموم انا بعمرها ، ووايد متحسفه ان فعلا فترة المراهقه دوم كنت اتهاوش مع امي والله ودي انسيها الحين ماعرف شلون كنت افكر بس كل تفكيري كان اني " مظلومه" وكنت وايد ابالغ وانفعاليه واتوقع المراهقات دوم جي تفكيرهم درامي

انا مادري اذا كلامي صح بس انصحج ماتودينها للطبيبه لان راح تعيش الدور انها الضحيه بشكل اكبر وبتعبج معاها
الحل انج تروحين تشرحين لها حالة بنتج وتستشيرينها وهي تقولج شنو تسوين واذا اتيبيها ولا لا
وصدقيني المراهقه يبيلها طولة بال وصبر وحزم بنفس الوقت
حاسبي لا تصيحين جدامها
الله يصبرج ويأجرج حبيبتي

كلامك صح انا أأيدك

 

[دنيا الصدمات]

بنتج الواضح انها كتومه جدا وتعرضت لماشكل بحياتها بس ماقدرت تواجهها

انا نفسها لمن اعصب اول شي يخطر ببالي اروح اقص شعري ماادري ليش اتييني رغبه جامحه اني ايود المقص واقصه

بس لاني احب شعري وايد ايود روحي مااقصه

الحل انه اذا عندج مشاكل وياها اتحلينها بالعقل والاقناع النجره ما منها فايده
وبالنهاية انتي امها لازم اتفهمينها انها مجبوره اتطيعج
وانه كل شي تبين راح يصير اذا كان يرضي الله ويرضيج ولا يضر احد

 

[You FOR Me Only]

بنتج باين ان مافي حد يفهمها بالبيت وشكل تربيتج من البدايه غلط

هي مو مراهقه ١٩ ومراهقه متى بتعقل عيل في ناس تنخطب بهالعمر هي بس طريقه تربيتها غلط

ترى الياهل مايتدلع دوم يحتاج احيانا يتادب عشان يصير سيده بس بنتج كبرت على التاديب والضرب

انا اقول شوفي فوزيه دريع هالانسانه وايد فاهمه

 

[لولو أبل]

مشكورين بنات جزاكم الله خير ردودكم هونت علي مشكلتي وساعدتني
قريت كل رد واشكركم من كل قلبي
انا وديتها لدكتوره بالخاص مو الحكومه
مركز راقي وعطيناهم اسم مو اسمها ولا يطلبون بيانات ولاشي ولبسنا نقابات ومحد راح يعرف انها راحت لدكتوره نفسيه
والعياده جدا رائعه وماكان في زحمه كان في اطفال لانها عياده نفسيه تربويه
تشخيص الدكتوره لها ........... ان اللي فيها غضب وتصبه على نفسها واختارت تقص شعرها بس اغلب البنات يجرحون نفسهم او ينتحرون
وان اللي سوته مسج تبي توصله لي وتبي تلفت انتباهي لها
بالنسبه لابوها .... احنا مطلقين

 

[لولو أبل]

الخوات المشرفات بارك الله فيكم لو تحذفون الموضوع لان اخاف بنتي تدخل وتشوفه

 

[Huda.A]

أنا كنت كل ماأزعل أقص شعري بس خلاص بطلت
يوم كبرت يعني الله يعينج هالسن جداً حرج

 

[Japanese]

الله يوفقلج بنيتج ان شاء الله

نقطه ودي من الردود اوضحها

الطب النفسي مب عار ،، بلييييززززز بنات لا تصيرون جذي ،، هاي علوم طبيه مب شي المفروض نستحي منه

انا استغرب من هالتفكير صراحه ،، الاكتئاب مثلا مرض حاله حال اي مرض عضوي << انه فيه خلل صح ولا؟

يكون ناتج من هرمونات بالمخ حاله حال عدم انتظام الدوره مثلا

ماجوف سالفه انه نحكم ع واحد ع اساس انه ياخذ ادويه نفسيه انه خلاص مينون وننفيه من المجتمع وننظرله بنظره دونيه

بليز اختارو كلماتكم عدل وايد منا عندهم اهل فيهم امراض نفسيه وفي وايد منا ممكن نفسهم ياخذون ادويه نفسه

مب غلط مب حرام مب شي غير شرعي

نظره الاجيال اللي راحت متخلفه جدا بهالموضوع والمفروض خلاص احنا نبتدي نجوف الموضوع من وجهه نظر ثانيه متمدنه متطوره مثقفه

 

[Aseel.]

،


حبيبتي اهيا حلقت شعرها " دراما "
المراهقات دايما جذي يحبون لفت الانتباه ..
وماعتقد تحتاج دكتور ، مثل ما قلتي
بينكم مشاكل اخذيها على يوم مكان تحبه
و تفاهمي وياها و اذا حسيتي انج مو قادره
توكلي و وديها الدكتور النفساني


___

 

[مهندسة الابيات]

اكبر قهر ان الام تشوف بنتها جذي

الله يعينج ويصبر قلبج عليها