شوفي عزيزتي انا ما عندي عيال لين الحين... بس أنا مساهمة في تربية بنات أخواني بشكل كبير
والكل يشهد إنهن مؤدبات ونادرا ما يسوون حركات فيها قلة إحترام.. حتى لدرجة كلمة لو سمحتي وشكرا
ما تفارق لسانهم أبدا....
شوفي حبيبتي.. أي تصرف غلط من عيالج لاااازم على طووول يكون شي أكشن عليه... وما يتاجل أبدا أبدا أبدا
مثال: مرة بنت أخويي قالت غبية لاختها.. وانا معلمتنهم انه هالكلمات ما تطلع من حلوووجهم أبدا.. يعني فعلا نادرا
ما أسمع منهم هالكلمات.. المهم يوم هيه قالت حق اختها جيه انا على طول زقرتها وقلتلها ايلسي أبا اتكلم وياج
وهيه نفس عمر بنتج.. كانت في نفس مستواي يالسه.. يعني أبدا لا تكونين واقفه وتبينين أعلى منها يوم بتكلمينها
وكنت اقولها حطي عينج في عيني يوم بكلمج وبتناقش وياج.. المهم سألتها عن اللي استوى وخليتها تشرح وجهة نظرها
وشو اللي خلاها تقول هالكلمة.. وقالت أسباب.. وسألتها في رايج ها الشي اللي سويتيه صح؟؟ ولو حد قالج هالكلمة بتتقبلين؟؟
قالتلي لا.. قلتلها يعني تعرفين انه هالشي غلط.. قالت هيه.. قلتلها لو مستقبلا استوى هالموقف مره ثانية.. كيف ممكن تتصرفين؟؟ ويلست تعطيني حلول مقنعة وقابلة للتطبيق وما فيها إهانة لاختها أو لأي حد ثاني.. المهم عرفت غلطها بس هالشي مب كافي... قلتلها طبعا تعرفين انه اللي يغلط لازم يتعاقب واللي يسوي شي حلوو له ثواب.. المهم .. منعتها من التيلفزون لمدة نص
ساعه.. وطبعا سارت عند اختها وتأسفت منها ...
شوفي الياهل يوم بيغلط وخصوصا يوم الشي اللي يسوونه فيه قلة احترام ولا لمنوو!! لأمهم .. لازم تتخذين كذا نقطة:
1- ترفضين التصرف وتحددينه
2- تناقشين التصرف ويا الياهل وكيف يأثر عليج
3- تبينيلها شو التصرف العدل اللي كان ممكن تتصرفه
4- تتعاقب طبعا- يعني يتحملون نتيجة تصرفهم (consequences of theri behaviors)
5- وتتعلم تتأسف
الياهل اذا غلط كل مره وماكان شي نقاش و نتايج لتصرفاتهم ما بيتعلم.. و لازم يتعاقب بشكل فوري..
اذا تبين تعززين تصرف لازم تكون ردة فعلج على طول.. وما يتأجل الموضوع..
بس مب على كل شي طبعا بتنزلين العقوبات.. الاشيا اللي شوي كبيرة.. باقي الاشيا ممكن يكون في نقاش حولها
واذا شفتي تصرف حلو من بنتج... كافئيها.. بكلمه حلوة.. طلعة.. بس الهدايا المادية لا تكثرين منها...
لأنه وايد دراسات بينت انه اليهال يحبون المكافآت العاطفية أكثر من المادية...
وشي نقطة وااااااااااااااااايد مهمة... انتي وريلج لازم تتفقوون على طريقة وحدة في التربية... والا اليهال
بيستغلوووووون هالشي استغلال كبييييييير.. الياهل ترى وايد أذكيا في هالامور.. يعرفون وين مصلحتهم
ومره ثانية حاولي شوية ما تلعوزين بنتج.. لأنه احس هالسن وايد يتحسسون..بدو يكبرون ويدورون استقلاليتهم
شوي شوي..
في شي انا اسويه ويا بنات اخويي... مرات اسويلهم اجتماعات.. اذا مثلا استوت مشكلة مشتركة امبينهم...
مثلا قبل شهور امهاتهم يشكولي انه عقب ما يلعبون ما يرتبون أشيائهم.. زقرتهم وقلتلهم عندنا اجتماع
ووحدة منهم شاقة الحلج.. تقولي وااايد احب هالاجتماعات.. (بعدها صف أول .لوووووول) المهم
ناقشت المشكلة وياهم ونفس الشي سألتهم هالشي صح؟؟و و و وشو الحل؟؟ وروحهم قامو يقترحون حلول
وقلتلهم انزين فكرو ويايي اللي بيلعب وعقب ما بيرتب شو بيكون عقابه؟؟ اقترحو كذا شي.. وانا اخترت الشي
المعقول.. وقلتلهم اذا نظفتو شو الجائزة؟؟ واقترحو كذا شي.. واخترنا ...
ما اقولج انهم داااااااااايما ينفظون.. بس بنسبة 80 % ينظفون.. الموضوع يباله تعود ومراقبة مستمرة.. وبما اني
مجرد عمتهم فما اقدر طبعا اسوي هالشي... لأنه امهاتهم يتحملون المفروض اغلب المسؤولية
أتمنى شوي أكون أفدتج... وأنا اقولج تصرف بنتج انها تخوصرتلج شي مب مقبول أبدا.. ويحز في الخاطر..
وأتمنى إنج ما تتجاهلين تصرفهم.. وبالتوفيق حبوبة
