بنتي تحفظ وتنسى بنفس اللحظه ع11س!!

[قطرالندى]

السلام عليكم ورحمة الله وبركاته

يابنات بنتي اللي عمرها 11سنه تعاني من النسيان بالدراسه مع انها

اكثر بنت شغيله بالبيت وتطيع وتحافظ على أغراض البيت وأذا ضيعنا أي شي

اهي اللي تدل مكانه نحيفه جدا وقصيره يعني نعومه من قلب اتفاجأفيها حاطه السفره من الى:gathering: مع

الطباخه وحريصه على كل شي يكون على طاوله الطعام لكن مشكلتهااللي مضيقه خلقي!!!!




النسيان بالدراسه0000000على كثر ماتدرس لو تروح تشرب ماي تنسى كل اللي درسته

على اني اعطيها فرصه ترتاح وتلعب وتاكل بس ماأدري شالمشكله؟؟؟

ولااحنا عصبيين:eh_s(14): ولا مدلعينها للآخر معطينها ثقه بنفسها والحمد لله

نعتبرها عجيزنا اهي اللي فاهمه كل شي بالبيت:dddds: من بد اخوانها وخواتها

تكفووووون ساعدوني شسوي فيها بدا مستواها الدراسي ينزل :0bee2e8d89:



وسامحوني طولت عليكم

وجزاكم الله خير:tek::tek:

 

[منوله كويتيه]

اسم الله عليها ماشاء الله

وسلامتها ماتشوف شر

يمكن تدرس والتلفزيون مفتوح او اخوانها حاولينها يلعبون فيكون تركيزها بالدراسة مو مضبوط او تكون مو حابه الدراسه وايد اخذيها بالهون وسولفي معاها يمكن الشغله نفسيه من المدرسه

والأفضل يشوفها دكتور اطفال ويحدد المشكله وانشالله مافيها الا العافيه

 

[قطرالندى]

يعطيج العافيه يامنوله:tek:

لكن ابدا ماأسمح للتلفزيون يشتغل أثناء الدراسه واخوانها أطردهم يلعبون بالسرداب

وبالعكس أثناء الدراسه البيت قمه بالهدوؤ لكن ماأدري شالسالفه!!!!!

 

[منوله كويتيه]

خليها تعتمد على الكتابه وهي تدرس انا دايما اقول لعيالي العين تنسى بس الإيد ماتنسى ومعودتهم يكتبون المعلومات خلال الدراسه كذا مره وبحفظ القرآن بعد وانا كانت هذي طريقتي بالدراسه ايام المدرسة والكليه والحمدلله كنت متفوقه دايما ،، وحاولي تجابلينها تدرسينها عشان تساعدينها وخلي وقت دراستج معاها حلو يعني فيه غشمره وضحك

ويارب تتوفق وتقر عيونج فيها وفي اخوانها واذا محتاجه اي مساعده مني انا حاضره حبيبتي

 

[قطرالندى]

الله يجزاج الف خير يامنوله ياحبيبتي:tek::tek:

المشكله اني دايم مجابلتها بنفسي وانسخها واتغشمر معاهم لدرجه بنتي الكبيره

ساعات تقولي يمه جنج وحده من رفيجاتنا(الا وقت الغلط طبعا لي وجه ثاني عقاب:eh_s(14): موطق) ودايم يفضفضولي لكن الحمد لله على كل حال:0bee2e8d89:

وأرد وأقولج ماقصرتي يامنوله يكفي انج متفاعله معاي من أمس_03BA:

 

[sKyLiTeGirL]

حبيبتي عطيها حبوب زيت كبد الحوت اوميغا3

ممتازه ومجربه

وتبين بعد 3 شهور مع الاستمرار

دعواتك لي

 

[معبوده الجماهير]

اي والله صاجه
حبوب كبد السمك انا استعملتهم وصج حسيت بفرق صرت احفظ معلومات وايد وخصوصا ايام الامتحان وقمت اركز بالصف


وبعد قريت عن وحده معانا بالمنتدى تبيع خلطه للتركيز اسم العضوه(ام عيالي)وهاذي صفحتهاا


http://q8yat.net/showthread.php?t=155892

 

[قطرالندى]

sky lite girlيعطيج ألف عافيه:tek:



معبودة الجماهير يعطيج ألف عافيه:tek:



الصراحه ماقصرتوا معاي معلومات مفيده فعلا زيت كبد الحوت أذكره لمن كنت صغيره



جدا مفيد بس أول مره اسمع انه فيه منه بأوميغا3



جزاكم الله ألف خير_03BA:_03BA:

 

[bronzya_cool]

خل تاكل جوز يقوي الذاكره خل تاكل مشمش مجفف وتاكل زعتر وفي العاب تقوي الذاكره والله يقوي ذاكرتها انشالله

 

[منوله كويتيه]

كلام البنات عدل جزاهم الله الخير كله

كلام اختي سكاي لايت مضبوط وفي ماركه روعه منهم وفي منها حبوب للكبار وشراب للصغار اسمها seven seas وهي قديمه وصناعه انجليزيه وعليها بالعافيه انشالله

 

[قطرالندى]

برونزي كول شكرا لك:tek:

منوله شكرا لك :tek:


والله يابنات ماقصرتوا وجزاكم الله الف خير


:tek::tek::tek:


:eh_s(8):

 

[بنت باباتي]

اي امثر من وحده اسمعها تقول هالمشكله بس هم لاحظت ان اللي تكون سنعه وهبت ريح ومريحه اهلها ماتحب تدرس او حتى لو تدرس ماينفع معاها ولو تعطينها اغنيه او قصه او اي شي تحفظه برى الدراسه راح تحفظه بسرعه
بنتج عبقريه وذكائها قوي بس المنهج اللي تدرسه مايناسب ذكائها


يعني تكون مبدعه بالعلوم والمواد العمليه او اللي فيها حركه وماتستوعب الدين والعربي


صح 0000000(ترى ناطره ردج لاني احب احلل)

 

[قطرالندى]

بنت باباتي ماقصرتي :tek:

وكلامج صح لأن بنتي عطيها أي مسأله بالرياضيات تحلها لج برق

تموت بالرياضيات والاشياء التي تنفهم لكن قوليلها أحفظي مايدش!!

وجزاكم الله خيرجميعا_03BA:

 

[بنت باباتي]

تدرين شنو احسن طريقه للحفظ اذا قصيدة عربي قصيها لها مثل القصص الاسطوريه يعني قولي بيت واشرحي معناه والايات بعد قولي لها قصة الآيه بطريقه تشد انتباها حيل وخليها تحفظ بصوت عالي




0



0

 

[قطرالندى]

:tek:

ماقصرتي يابنت باباتي:tek:

وكل الطرق حاولت معاها ماكو فايده والظاهر اني باشتري

حبوب زيت كبد الحوت وأتابعها




وجزاكم الله خيرجميعا_03BA:

:eh_s(8):

 

[Hambka Q8]

اوميغا 3
مفيده للتركيز

انا اختي تعطيه ولدها مايركز

فيه منه حبوب و سائل..

 

[omajiad]

بعلمج شي من القرآن الكريم ومجرب مع بنت وحده نفس بنتج وأكثر كثر ما أمها تدرسها تييب 1 من 5 وبعض المرات صفر والحين كله 4 من 5 وتييب درجات كاملة

أول شي تقرين في بطل ماي مع النفخ بس لازم تكونين على طهارة ومقابل القبلة:











1. سنقرأك فلا تنسى 100 مرة




2. ففهمناها لسليمان وكل آتيناها حكما وعلما 21 مرة


جربي وما راح تندمين وخلج من الأدوية

 

[نسمة-1970]

حبيبتي الله يعينج ان شاءالله انا مثل مشكلتج طول هالسنين بس انا بنتي عمرها 12 وما خليت مكان ما وديتها آخر شي عرفت ان عندها ديسلسكيا اللي اهي صعوبه بالتعلم ولا تخافين مثلي انا كنت احسب ان هذا مرض طلع هذي حاله مو مرض وممكن ان الطفل يتخلص منها بالدروس الخاصه فيهم يعني بنتج عندها ( شورت مموري ) يعني الذاكرة القصيره مثل بنتي ما تقدر تحفظ شي

واذا اي استفسار تبين انا بالشوفه ويارب تشوفينها دكتورة ان شاء الله