بنتي عمرها تسع سنوات ونص صار فيها ابو وجه ودي اصيح بس ماسكه نفسي استغفر الله

[اريام22]

ما ادري والله المشكله ان اللي رحت لها تقول لاتاكل علج كلش ولاتسمعين كلام احد

ياااربي الحمدلله على على كل حال والله قلبي من الخرعه يعورني وقاعده الوم نفسي ليش ما وديتها بسرعه للطبيب

بنات معناته انها الحين راح يترك اثر إلا ما شاء الله استغفر الله ولا حول ولا قوه الا بالله*

 

[كنوشة 2009]

روحي الطبيب مثل ما قالو لج البنات بنتج صغيرة وان شاء الله يصير العلاج اسرع
الحين صار علاجه سهل وبسرعة يبين مفعول العلاج
ما عليج من المراة اللي تعالج بنتج

 

[اريام22]

شرايكم بنات اوديها لاي مستشفى


خاص والا عام شرايكم والله يبعد عنكم كل شر يااارب

والله كافي الخرعه استغفر الله والحمد لله على كل حال

ضروري اي مستشفى عادي مستشفى المنطقه والا خاص <<> مستشفئ هادي مثلا

 

[أم بتول*]

الله يشفيها ويعافيها وديها المشفى

 

[كويتية بحتة]

وديعا الطبيب من صحح محليهما
اتوقع راح يعطيها علاج كرتزون
لان وحدة من الأهل صار معاها وعجنها كرتزون

 

[دارين العنبر]

ما عليها شر واسم الله عليها
اختي وديها الطبيب لا تتاخير اكثر لان السبب ارتخاء فالعضلات والطبيب بيكتب لها الادوية اللي تناسبها وبيسوي لها علاج طبيعي والعلاج الطبيعي مفيد لكن يبقي له وقت
لا تتاخرين اكثر وديها الطبيب من اليوم ومن هاللحظة لا تتاخرين اكثر لان كل ما شخص المشكلة مبكر يصير حلها اسهل واسرع
يبقي لها طبيب تخصصه مخ واعصاب
لان مشكلة بنتج فالاعصاب وتصير خصوصا ادا تعرض الواحد لهواء بارد والحين هواء المكيف يضرب خصوصا ادا صار في نص الوجه او جهه الاذن
وديها الطبيب وطمنينه عنها وما عليها الا العافية ربي يبلغج فيها وتجوفينها احلى عروس

 

[الفتاة الثلجية]

لا يا حبيبتي لازم تودينها عند استشاري مخ وأعصاب.....هاذي أعصاب الوجه تبي لها علاج......

والشي الثاني ادهني وجهها بالمـــره.....بللي المره بماي ودهني وجهها فيه....والله يشفيها
وحده من أهلنا كان عمرها نفس عمر بنتج جاها بو وجه والسبه نايمه تحت المكيف...بس الحمدلله اتعالجت بالادويه عند الطبيب وراح عنها.
الله يشفي بنتج

 

[بنت الناس ما تنداس]

بنتج مراح يفع فيها الا الكـــــــــــي وديها عند مره وخليها تكويهاااا,
تكوي العرق الي مسبب ابو وجه
اتوقع اسمها ام عصام بس مادري وين والله لان رفيجتي جاا ابووجه وراحتلهااا والحين مافيها شي كوتها صوب الاذن اليمين واليسار
بس تحسين للين فيها اثر
والله يشافيهااااا .. وبششرينا عنها

 

[Miss sensitive]

نصيحه
ديري بالج من الحريم اللي يدوسون ويجمدون وخرابيط
والله يوقفون عرجها وتقعد طول عمرها جذي
لا سمح الله
الله يشافبها يارب

الطبيب افضل

والله يطمن قلبج

 

[أعرفك نفسي]

الله يشافيها لج سوي مثل ما قالولج
وانا بسألج ان لقيت شي رديت

 

[عبير العنزي]

العصب السابع ...

ضروري تروحين للطبيب..

واهو اكيد راح يوصف لج علاج الكورتيزون او العلاج الطبيعي والتدليك

ماتشوف شر يارب وان شاء الله تبشرينا بالشفاء التام

 

[مقمش لولو]

حبيبتى بسرعه طيري فيها حق الهادي من صجج اسبوع وساكته خاصه ابو الوييه اذا نشف العصب صعب علاجه

الهادي يسوون جلسات تدليك بس اول دخلى علي الطبيب

خالتى حاشها ثلاث مرات صارت زينه مع المساج مال الهادى كل جلسه ياخذون منها عشره طبعا بعد استشارة الطيبب

لان هم كثرة المساج موزينه

ولازم تسوي تمارين شوفى يبي لها تفاخيه وقولى لها تفخيها كل يوم خل تحاول


بعد قلبي يمكن سبحتيها ومانشفتى راسها وحاشها هوى عموما مدامها صغيره لحقى عليها والله يشافيها ان شاء الله

على فكره ابجى موعيب البجي بس لاتشوفج البنت ونتى تبجين

 

[غرقانة بالحزن]

واي الله يشافيها باذن الله هذة قصة حياتنا مع هالمرض الله
عمتي طاح فيها 9مرات اللهم ياكافي وكانت تروح للطبيب ويسويلها تدليك
بس اثر عليها وعلاجها وايد طول وترك اثر للاسف بس اختي هم طاح فيها
بعد 7مرات بس كانت تروح لوحدة بالرقة وتدلكها والحمد الله تحسنت عليها بس
ضروري مايشوفها نجس ولا وحدة عليها الدورة لان يزيد سبحان الله بالنجاسة
ولايحوشها تكيف وكانو يسون لها ماسك من القرنفل وزيت الزيتون
وخليها على طول اتعلك ولازم تنفخ باللون البلونات احسن تدريب
حتى عمتي الطبيب كان كلة يقول لها ويوصيها بالبالونات والله يشفيها
انا حاسة فيك وانشاء الله تطيب بس يبيلة وقت وصبر واي شي تبينة انا حاضرة بس
دزيلي رسالة على الخاص والله يشافي بنتك يارب العالمين

 

[.:!:. ونس .:!:.]

وديها الطبيب وطمنينا عليها

 

[اريام22]

يعطيكم العافيه ياارب

وكل وحده ردت علي عسى الله يفرحها باغلا ما عندها ياارب

وديها الطبيب مثل ماقلتولي المستشفى وقالي ليش ساكته عليها جذي وعاتبني 

وحولني ع التدليك الطبيعي واخذت موعد لها بالتدليك وباجر اول جلسه لها

بنات واللي يعافيكم باليوم المبارك من شهر رمضان واهوا اول يوم كل وحدا تقرا ردي تدعي لبتي واللي يعافيكم ياارب

*

 

[أعرفك نفسي]

جيكي على الخاص ضروري

 

[المستغفرة 74]

حياتي ما تشوف شر
انا بنتي حاشها العام بهالوقت وتضايقت حيل
ولله الحمد غدا شرها بس لا تودينها للحريم يلعبون فيها
وديها للمستشفى عادي وراح يعطونها ادوية فيها كرتزون وفيتامينات مع مساج للعلاج الطبيعي وتمرينات
يعلمونج تسويها عشان تقوي العصب السابع مثل تجابل المراية وتسوي التمرينات وتتفخ بالونات
والطبيب عطى بنتي جلسات لمدة 10 ايام كل يومين والثالث مساج
وكلمت السستر وبغششتها بفلوس عشان اهي متخصصة وعارفة للمساج واتفقت معاها تجي للبيت باليوم اللي
بنتي مالها موعد بالمستشفى وتسويلها التمارين ولله الحمد والمنة تشافت بنتي 100 بالمية
بس ديري بالج لازم تسكرين عينها اللي ما ترمش ببلاستر عشان ما تنشف وتتضرر القرنية وتدشين بمشكلة ثانية
والله يشافيها ويعافيها وتكفين روحي للمستشفى بسرعة لا تتاخرين عليها لان الايام مو بصالحج

 

[أحبج يمه]

الله يشافيها ويطمن قلبج عليها

 

[oM 5doood Pink]

الله يشفيها يارب ويحفظها

 

[اريام22]

ياارب يشافيها يااارب

بنات في حريم يقولون روحي عند احد يقرا عليها مع الطبيب شرايكم
ومنو تعرف احد متخصص بعلاج ابو وجهه والا ماله داعي

وكافي الطبيب بعد الله سبحانه وتعالى

بتات تكفون اللي تقرء موضوعي وماتبي ترد تدعى لبنتي بالشفاه من عند الله سبحانه وتعالى