بنتي عمرها سنه و 4 شهور شنو أعطيها في السفر

[أم عزيـز]

بنات من العنوان واضح سؤالي

انا اذا الله كتب ان شاء الله ناويه اسافر اوروبا
بس احاتي اكل بنتي (عمرها سنه و4 شهور)
انا في الكويت دايم اهرس لها خضروات (بطاط بروكلي جزر قرع كوسا) بس هرس خشن ومرات احط لها عيش وروب

ولين الحين تقريبا عنها 6 ضروس بس اللي جدام طلعوا يعني ما عندها طواحن عشان تعلج الأكل عليهم
فأنا قاعده احاتي شنو اوكلها بالطلعه ؟ مو معقوله كله بوكلها بطاط شبس !! ولا اقدر افوح لها لأن راح نسكن في فندق

بس ياريت بنات اللي عندها فكره تقولي شنو اقدر اسوي لها اكل حق الرحلات الطويله وحق السفر
واذا في جمعيات في اوروبا تبيع أكل مسلوق جاهز ؟ عشان اشتري واوكلها منه

او حتى اذا في معلبات حق الأطفال ووجبات تنباع في مركز سلطان اقدر اشتريها

بنات الله يخليكم لا تبخلون علي بالمعلومه

 

[الهلالىه]

هلا حبيبتى -حرام توكلينها شيبس راح يسببلها قبض اناعيالى الكبير فيهم بالثانويه والصغيرخمس سنوات-لما كنت اسافرلازم معاي عده المطبخ هى جنطه فيها جدر الكهرباءمن تيفال ملاس صحن -بهارات-مكرونه شوربه ماجى نودلز-انامااسكن الا فنادق موشقق درجه اولى بس معدتى تتحسس من الاكل الجدر ركبى بلاكه بالكهرباء حمسى بصلج ديايتج اوصب الماي حطى مكرونه وغطيه اهو من ينضى الاكل يتسكر ويصير سخان تتعشين انت وبعلج الذ وارخص وبنتج حطيلها بالتابرويرللرحلات الطويله-رحله سعيده ان شاء الله

 

[العود الأصلي]

اختي حرام بنتج سنه وفوقها وتوكلينها مهروس حلوة فكرة هلالية انا بصراحة عجبتني
بس انا عن نفسي رحت اوربا مرتين ولدي اول مرة 7شهور والمرة الثانيه سنه ونص الله يخلج جمعياتهم عندهم اكل معلب بس شوفي مطاعمهم طلبي عيش مهروس واكل مهروس تحصلين بس حرام ديري بالج من البطاط

 

[أم عزيـز]

الهلالىه
من صجج اخذ معاي جدر واحمس واطبخ بالفندق ؟؟
لا صراحه صعبه ما اعتقد هالحل يفيدني خاصه اني قاعده في فندق مو حلوه
وانا ماخذه معاي عيالي 7 سنين و6 سنين يعني مو بس انا وزوجي وبنتي


العود الأصلي
شنو اسوي ما عندها ضروس عشان تعلج الأكل ؟ لازم احطيها شي لين
بس تره اوكلها مهروس مو ناعم !! يعني افوح الخضره واهرسها هرس خشن بالقفشه افتتها يعني
واعطيها عيش بس مو مهروس لا عادي مع روب

وسمج هم اعطيها لأن السمج لين ويتفتت

اما البطاط انا بنفسي كاتبه في الموضوع اني ما ابي اوكلها بطاط شبس حرام
بس اقصد شي تقدر تاكله ويكون شوي لين وترف

والحمدالله انج قلتيلي اني اقدر احصل في جمعياتهم هالسوالف ريحتيني ويعطيكم الف عافيه


بس محد عنده فكره اذا مركز سلطان فيه هالسوالف ؟ معلبات اكل حق الأطفال تصلح لسفر وتكون ترفه ولينه

 

[pinkmoon]

شوفي حبيبتي آنا جربت السفر مع الياهل في اوربا هناك كل شي سهل الجمعيات متروووووووسه من الاكل المخصص للاطفال (المعلب)من فواكه او خضار بس عندي ملاحظ عشان ما توهقين اشتري من الكويت هني معاج حق الطيارة ولما توصلين من باجر لأن ماتدرين شنو ظروفج هناك (وقت الطلعة _مكان الجمعية) يعني اخذي حسابج حتى اخذي جيس توست وجبن قليهم بالجنطة والله ينفعون لأن مرات اليهال ييوعون بليل أو الصبح وماكو وقتها اكل والجمعيات تكون مسكرة يعني ينفع (( آنا دايم آخذ احتياطاتي لأن معاي صغار )وما اعرف سنو راح تكون الظروف هناك اول ما نوصل

 

[أم عزيـز]

pinkmoon مشكوره بعد عمري ما تقصرين