بنتي ماتااكل

[ام رينـاد]

السلام عليكم


بنات
بنتي عمرها 3 سنين صايره ماتاكل كلش احاول معاها واغصبها ماكو فايده وديتها الدكتور عطاني فاتح شهيه هم ماتاكل ليلحين شالحل تعبت ..؟

 

[Melazlaza]

حبيبتي الله يخليها لج

مالج الا المسايس لعبي معاها واكليها جنه مو وقت الاكل لا اثناء اللعب قطي بحلجها
كلنا نعاني من هالشي

هالعمر حركي ويحب يستكشف مايبي يضيع وقته بالاكل عرفتي

فمالج الا هالطريقة
للاسف المشهيات مامنها فووود وما تفتح شهيتها الحين من تجربة وايد ناس بتنفتح شهيتها لي كبرت

والله يعينج

 

[MOOON&M]

الله يعينج

ان شالله مايقصرون البنات معاج


ماعندي خبره لهالعمر


والله يخليها لج

 

[عنووشه]

اهم شي انج ماتخلين الاكل شي الزامين وتعصبين اذا ما كلت.

عشان ماتستغل هالشي ضدج

وبعدين خلي الاكل الوان

استخدمي التوست الملون. والزيتون وسوي علي شكل وجه جذي


والعيش حطيه بقلاص واقلبيه يصير مثل كووخ الثلج


وجذي افكار حلوه

وحطي العاب ووكليها


انا بنتي سنه وشهر ماتاكل الا اذا لعبتها احط العابها واحط طيور الجنه وابدي محااااايل



وحاولي قبل الاكل بساعتييين ما تاكل كاكاو ولا عصير عشان تجوع



والله يهديها يااارب