بنتي والاسهال ساعدوني

[بنت ذآك الأمير!]

شلونكم بنات
متازمه حدي من بنتي غيرت حليبها من فتره من اس26 الى نان بحكم انه اس26 ذبحها بالغازات وماتشربه كله
المهم غيرت لنان حبته وتشربه سببلها بالبدايه امساك والحين سهال تكرمون مع كل مميه تخرج ع طول
رحت الدكتوره عطتني تركيبه لمده اسبوع عقب ارد لحليبها مارضت تشرب التركيبه كلش ثقيله وترجعها ع طول
الاسهال مستمر 
وهي وزنها نتفه شسوي شوروا علي ولاحظت هالفتره حرارتها ترتفع وتسعبل وتحط ايدها بحلجها هل هي بدايه تسنين ولا شنو

 

[(*ام عهــــد *)]

هلاحبيبتي ​

لاتحاتين هذي فترة تسنين يصير جذي وأكثر​

حراره واسهال ومرات ترجيع,,,,,,​

حطي لها الفروك رووعه يبرد على لثتها ويريحها ويخلي اسنانها تطلع وترتاح ان شاءالله​

اما التركيبه اذا مارتاحت خلي الدكتور يبدلها واذاوقف السهال لاتشربين حليبها عى طول لا بالتدريج قبل لاتخلص علبة التركيبه بشوي حطي لها رضعه من العادي علشان تتهيئ عليه مو فجأه تبدلين ترا حتى مكتوب عليه بالتدريج اذا وقف السهال​

وحطي لها النشا يوقف السهال ان شاءالله​

والمنطقه هويها ع طول لان مع السهال تحمر وتلتهب ​

وشربيها نعناع بالليل يريحها ويخليها تنام​

وماي الغريب حق المستوصف روووعه يهدي الجاهل ويسكن العوار...​

​

واسمحي لي ع الاطاله ​

 

[(*ام عهــــد *)]

وبالنسبه للحليب
عندج حليب ابتاميل رووعه للغازات وحليب وبيبي لاك وكلهم بالتموين
خفاف على المعده وحلو يسمن الجاهل ويغذيه

 

[STILL G L A M ~]

حتى انا نفسج من ولدتها واهيا سهال وصاير لها طفح جلدي مو راضي يفجها هالاسهال
ووايد وايد واااااااااااااااااااااايد ضعيفه جنها ام شهر ابي نصايح بنات فيديوني

 

[رجفة وهم]

بفترة التسنين يصير معاها اسهال وحراره

رشاد محموس ومحلب ومره اطحنيهم وفركي لثتها فيها

اذا طلعوا اسنانها بيخف الاسهال باذن الله

كل عيالنا مروا بنفس حالة بنتك انتي لاتخافين بس انتبهي تحطين عطور اوبخور قوي عشانها بتتحسس حييييل

والله يشافيها

 

[el.mlkaa]

مممآدرري والله بس الي اعرفه ان الي يسعبل وووايد بيطلعله ضضروووووسس و آب

 

[فرس بيضا]

ما قصرو الخوات اللي فيها تسنين
كابتين ممتاز للأسهال بس مادري يناسب عمرها

 

[رحماك ربي **]

اتوقع بتسنن الله يشفيها

بس اللي اللي اعرفه ان اللبن الزبادي (الروب) وشوي نشاء اخلطيهم مع بعض يوقف الاسهال ان شاء الله

بس مو عارفه كم عمر بنتس وهل يناسبها ان شاء الله مايضرها مفيد الزبادي​

 

[بنت ذآك الأمير!]

مشكورين حبيباتي يعني ما اغير حليبها
فديتكم لا خلا ولاعدم

 

[بنت ذآك الأمير!]

اب

اب

اب

 

[طيبة83]

انا بنتي صارلها جذي وعطاها الدكتور حليب ما فيه لاكتوس لان هل ماده تسبب حساسية واسهال لبعض اليهال

 

[STILL G L A M ~]

طيبه يعطيج الف عاافيه

 

[بنت ذآك الأمير!]

طيبه طيب تشربه عادي ولا رفضته
ستل الله يشافي بنوتج ويمتنها بصحه وعافيه