بنتي والسباحه،، ابي حلللللل

[زين ودلال]

السلام عليكم

بنااات بنتي عمرها سنه و7 شهور ميننتني بسالفة السباحه كل ما ابي اسبحها من تدري اني بسبحها على طوووول ترجع تكرمون تخاف مادري ليش مع ان محد يسبحها غيري كللللش

والله مادري شسوي تعبت من هالسالفه وتبجي بجي مو طبيعيييييييييييييي تعافرررررر حيل حيييييل شوي ويوقف قلبها اسم الله عليها


يعني سباحتها كلها على الماشي

يعني بال10 ايام او اسبوع قمت اسبحها مره شسوي

جربت كل شي دخلت معاها العابها ماكو فايده
دشيت تسبحت معاها ماكو فايده
ابوها تسبح معاها ماكو فايده
خليتها تشوف اخوها واهو يتسبح هم ماكو فايده ��

تكفون اللي مرت مع عيالها بهالشي ولقت حل تساعدني لان الوضع صاير متعب

 

[زين ودلال]

والحين دش الصيف يعني لازم تتسبح كل يوم او يومين

واذا كل ما سبحتها بترجع مشكله لان بروحها ماتاكل وعصاقيل ��

 

[RO0O7Y KUWAITYA]

هااااديهااا

يعني لا اتحسسينها ان غصب

انا ولدي كان جذي يستنفر اذا بسبحه

ومره جربت احط له حوض واعبيه ماي ونتفه ديتول ويقعد فيه اسسسسستانس وحطيت له العاب

ويلعب بالماي ويطلع رغوه من الديتول

وصار كل ما دخلت الحمام بغسله قال ماما ابي حوض

وارتحت من سالفة سباحته

 

[noo7a]

يمكن تخاف من الماي

انتي جربي تحطينها بحوض سباحه خليها تلعب و تطقطق بالماي
ليما تحبه
بعدين شوي شوي ليما تحب تتسبح

 

[fofo90]

الله يعينج بس أخاف
الماي يكون بارد أو حار عليها وأنتي
مووومنتبه عشان جذي
تعافر ماتبي تتسبح حاولي شوي شوي
تخلينها تحب الماي والسباحه أول شيء خليها تحط أيدها
بالماي تلعب فيه بأيدها بعدين مسحي على جسمها
لين تأخذ على الوضع وبعدها حطيها بحوضها
مال السباحه انشاءالله بتكون خذت على الوضع
بس مو على طول تسبحينها ..

 

[زين ودلال]

اي احطها بالحوض على رسومات وببايات هم نفس الشي

والماي اكيييييد انتبه عليه لابارد ولا حار

والله سباحتها صارت هم على قلبي افكر مليون مره قبل لا اسبحها اخاف تكبر وتعود على هالشي ان ماتتسبح على طووول

ياربي احس ماكو سبب يخليها تسوي جذيه ��

 

[زين ودلال]

فكرت احطلها حوض سباحه بالحوش واخلي عيال اختي يتسبحون معاها عل وعسى تطخ وترضى

بليز بنات ابي افكار بعد انا حاليا بجرب كلللللل شي لما القى حل

 

[om MaRyooM]

غريبة لهالدرجة تخاف .. هذا يسمونه فوبيا الماي مو خوف طبيعي


كلميها مرة ومرتين لاتحسسينها انه غصب
طولي بالج عليها وانشالله خير

 

[صفاءء]

حبيبتي عندي قبعة السباحه الي تحطينها على راس الطفل اكيد تنفعج عشان ماتخلي ينزل صابون وماي على ويهه

 

[نـعـومـه]

ترجع مره وحده !!!

ارقيها وادعي بصلااتج الله يهديها

وترا مولازم تسبحينها كل يوم اذا ترجع حرام

شوفي جنه بالمواضيع في استشاري حق سلوك الاطفال شي جذي استشيريه

 

[باقة ورد]

انا بنتي كانت جذي تخاف من الماي بس قلت خل اجرب اعطيها الدوش بيدها يعني اهي تمسكة و تتحكم فيه و انا اساعدها فتعجب اني شفتها استانست عليه وقامت تقعد ساعة بالحمام ماسكته وهي موجهته صوب صدرها تطالعني و تضحك..

 

[عنووشه]

مثل مشكلتي مع بنتي بس انا تبجي ليين تفحط


حاولت فيها بكل السبل مووراضيه تحب السباحه

 

[زين ودلال]

انا بنتي كانت جذي تخاف من الماي بس قلت خل اجرب اعطيها الدوش بيدها يعني اهي تمسكة و تتحكم فيه و انا اساعدها فتعجب اني شفتها استانست عليه وقامت تقعد ساعة بالحمام ماسكته وهي موجهته صوب صدرها تطالعني و تضحك..

بجرب وان شاء الله ينفع معاها

ماقصرتي