بنتي والمطاعم شسوي

[أم توتو]

السلام عليكم كويتيات يارب تكونون بخير أنا عندي مشكله وياريت ألقى لهل حل أنا بنتي عمرها سبع سنين وتموت على أكل المطام الوجبات السريعه كل يوم تجي من المدرسه تبجي وتحن ليش ماتيبولي وجبه أقولها بعدين تقول أنتوا ماتحبوني ولا تذاكر دروسها وعنيدة وحتى بالمدرسه تروح وتعاند الابله وتعطيني ملاحظه أنها ماتجاوبت معاها اليوم وإذا قلت لهل ليش ماتجاوبين عند الابله تقولي عشان مايبتوا لي وجبه أمس وغير الازعاج وتحوس البيت فوق تحت بس تعبت منها ودي تاكل اكل البيت أنظف وأحسن بس ماكو فايده ألي عندها حل أوتجربه مرت عليها جذيه لا تبخل علي الله يجازيكم كل خير:yaaaaaarb:

 

[حورية بنت حواء]

السلام عليكم كويتيات يارب تكونون بخير أنا عندي مشكله وياريت ألقى لهل حل أنا بنتي عمرها سبع سنين وتموت على أكل المطام الوجبات السريعه كل يوم تجي من المدرسه تبجي وتحن ليش ماتيبولي وجبه أقولها بعدين تقول أنتوا ماتحبوني ولا تذاكر دروسها وعنيدة وحتى بالمدرسه تروح وتعاند الابله وتعطيني ملاحظه أنها ماتجاوبت معاها اليوم وإذا قلت لهل ليش ماتجاوبين عند الابله تقولي عشان مايبتوا لي وجبه أمس وغير الازعاج وتحوس البيت فوق تحت بس تعبت منها ودي تاكل اكل البيت أنظف وأحسن بس ماكو فايده ألي عندها حل أوتجربه مرت عليها جذيه لا تبخل علي الله يجازيكم كل خير:yaaaaaarb:

مرحبا اختى
الله يكون بعونج انشاء الله ، المشكله اللي انتي فيها مو هينة ، الله يقدرج عليها

اختى الموضوع مو موضوع وجبه وانها ما تبي تاكل اكل البيت لا واكيد انه اكل البيت انظف واحسن مية مره صاجه .
الموضوع عندج اكبر من جذي بوايد

الحين بنتج اسم الله عليها كبيره مو صغيره تتحايلين عليها او تطبطبين عليها
اهيا بعمر اللي لازم تخاف وتسمع لوالدينها ، والدلع بهالعحر صعب حيل

اختى انا ايام الجامعه كانت مدرسة الثقافة الاسلامية تقول انه جدتها كانت تقول لها لازم تكسرين في البنت كل يوم ضلع وما قهمت كلامها الا لما بنتي كبرت

بنتج في عمر اللي لازممممممممممم تخاف من امها وابوها وتطبعهم ، وشوفي اهيا ذكية ماشاء الله عليها تقولج انها ما تتجاوب في المدرسة علشان ما يبتبلها وجبه
شوفي وين وصلتج ، اختي والله ما ابي اشيشج على البنت بس لازم نعلم بناتنا حدودهم ولازم نبطل هالدلع اللي اهما فيه ، وتاكدي انه ما في شي اسمه بنتي عنيده وما تسمع الكلام كل شي يرحعلج انتي بامكانج تخلينها عنيده .
خاف ايينا يوم ونتمني الزمن يرد فيه علشان نغير من انفسنا انتجاه عيالنا


اختى الحين كل اللي تسوينه تحاولين انج تكرهينها باكل المطاعم
مثلا اشترى لها وجبه وحطي داخلها صرصور :eh_s(15):
وقبلها قوليلها فصة عن اكل المطاعم مو نظيف وانه وصخ وووو وبعدين قوليلها خلينا نفتش الوجبة قبل لا تاكلينها والمفاجئة هني الصرصور الكبير خليها تكره اكل المطاعم كله
وبعدها حاولي تغيرين من معاملتج لبنتج وقليلي منها الدلع على كثر ما تقدرين

انا اسفه على الحجي وتقبلي مروري

 

[أم توتو]

رد : بنتي والمطاعم شسوي

مشكوره أختي على النصيحه وماقصرت أنا مادلعها أبوها الله يهديه مايحمر العين عليها ولا أنا دايما أنصحها بس الراس يابس وسالفه الصرصور قلتها حق أبوها قالي حرام نعمه ومادري شنوا الله يكون بالعون

 

[eman12]

تصدقين تقريبا نفس معاناتى
بس الفرق انها بلشت بهالسالفه لما يبت البيبي الثاني
وكان عمرها وقتها 7 سنين وجننتنى خاصه انها فترة بروحها وجت اختها لعبت باعصابي
بس قمت احقرها واعاقبها
بدال ماترضخين لها انتى عاقبيها
يعني لما تسوي الشي اللي تحسين انها تستفز ج
عصبي عليها وزفيها وحقريها
حرميها الطلعه مع اليهال والالعاب لو اسبوع واحد بس علي شرط لما تبلشين معاها لازم تكونين قويه وتمسكين نفسج لو تقط عمرها من 3 دور
احقريها عامليها انها هواء ولا شئ
ولي قالت ماتحبوني
قولي لها من قال
قالت ادري
قولي لها انتي الى ماتحبين امج وابوج واهلج قاعده تاذينهم في يهال امهم وابوهم قطوهم ولا يهتمون فيهم وانتي تقلين ادبج علي وانا امج اللي تحبج
يعني كسري وجبري شدي معاها بس خلي كلامج لها شديد وبنفس الوقت قوي
والله يعينا يابنت الحلال علي هالجيل

 

[ام التاريخ]

الله يكون بعونج

 

[3rosa]

الله يعينج حبيبتي

 

[ديانا سبنسر]

كوني حازمة معاها حتى لوماتجاوبت مع الابلة بالمدرسة لاتغيرين طريقتج هي تستخدم الاسلوب معاكم علشان تظغط عليكم ان طنشتوها عرفت ان مافي فايدة

ولازم تكونين انتي وابوها حازميين مواحد يدلع وواحد يشد

 

[hneen2]

والله عبالي بس انا اعاني من هالمشكله


والله ينتي توها داخله ال٧ سنوات ومن ييت اختها صارت عنييييده واقل شي سولتنا فلم بجي وعتاب وزعل وماتاكل الا نجت وشبس و من المطاعم

وحاولنا معاها بلين والقوه ماكو فايده

الله يهديهم يارب

 

[om al ghaleen]

الغلط بالاساس من الاهل
ليش تعودون عيالكم ع المطاعم من الصغر
حرام لانه هالسن بمرحله التطور العقلي والجسماني
وهالوجبات مضره ومامنها فايده


فاللي عليج انج تنبهينها هالوجبات مضره واغلبها وصخه
وطلعي صور بالنت عن فضايح المطاعم
واكيد راح تقتنع
وتدرين بعد الحين نمر بأزمه فساد اللحوم .. الخ
بالمختصر خففي عنها الوجبات حتى لو تعاند الزم ماعليها صحتها
والله يحفظها لج يارب

\\

 

[مرايــــــــم]

اللـــــــــــــه يعينــــــــــــــج

 

[أم توتو]

رد : بنتي والمطاعم شسوي

جزاكم الله خير لكل اللي ردوا علي وماقصرتوا على النصايح موفقين خواتي

 

[ام شيخوه]

اب
اب

 

[فتونة الكويت]

حبيبتي انا اتذكر طريقة حلوة

بس المشكله انها الحين تفهم وتفرق بين اكل البيت واكل المطاعم يعني لو بادية بالطريقة هذي معاها من لما كانت ياهل ممكن

الطريقة الله يسلمج انج لما تطلبين لليهال وجبة خشي العلبة وجياس الوجبة والمرة الياية اللي تطلب فيها سويلها بالبيت ولفيه بجيس الوجبة وحطيه بالعلبة وعلى ابو ان المطعم وصله عند الباب والخدامة يابته جذي بتطوف عليها

بس المشكلة بنتج كبيرة الحين تفهم