بنتي وبنات خواتي والحل سااااعدوني

[حورية آلكويت]

هاي كويتيات

طالبه منكم المساعده

بقولكم عن بنتي عمرها 3 سنوات البجر بما انها اكبر وحده كل يوم اوديها بيت اهلي علشان تلعب

مع بنات اختي

اهما ثنتين وحده اكبر منها ب 3 سنوات والثانيه اكبر بسنه ونص تموت عليهم ويحبونها حيييييل

اذا يوم ماشافتهم تنجن وابوها يقول وديها كل يوم خليها تلعب معاهم

بنت اختي الكبيره عمرها 10 سنوات غيوووووره حيل حيل حيل تغار من الحريم فما بالكم بالجهال

ماتحب بنتي ماتدانيها تشوفني اهتم فيها وكشخها وماحب احد يزعلها تجي بنت اختي هاذي اللي

عمرها عشره عند بنات اختي الصغار تقول بلعبكم وونسكم بس لا تلعبون مع هاذي انا ماحبها

وخايسه وهالسوالف هذوليج صغار يقلدونها وقاموا كله يطردون بنتي ويطقونها وانا اقولها لا انتي

كبيره وهاذي بنت خالتج ليش تسوين فيها جذي تقول ماقلت وانا احبها اهما اللي مايحبونها

المهم مره بعيد الفطر السنه اللي طافت كانت بنتي احلى وحده بالعيد وكانت مستانسه على لبسها

وتمشي عند اهلي وتقول شوفو شوفو عن اكسسواراتها ماما جابتهم حلوين

نادتها بنت اختي الكبيره قالت تعالي خلينا نلعب وراحت سكرت عليها وطقتها طق

وقطعت اكسسواراتها اللي لابستهم بنتي ماعلمتني علمتني خدامة امي وبنتي كانت خايفه وماتبي

تعلم المهم هاوشتها وعلمت امها اللي هي اختي وماكو فايده صارت تحشر بنات خواتي الصغار

لا تلعبون معاها وخايسه وهالحجي الحين بنتي الكل ملاحض عليها ان شخصيتهااا حيل حيل متغيره

وصايره تخاف ولما يصير تجمع بس تقعد عندي واي احد يكلمها تبجي بسرعه

وربي ماكانت جذي ولما اقولها انتي كبرتي والحين صرتي قويه اللي يطقج طقيه

تقول لا ماما اخاف بعدين امهم تجي تطقني انا والله خايفه ان بنتي تصير مكسوره سالفة

الاكسسوارات اللي بالعيد حيل اكسرتها بنيه مستانسه بلبسها ويجي احد يقطعهم اكيد راح تنكسر

والمشكله بنتي ماتعلم عن اللي يسويلها شي

الحين مادري شسوي يا بنات انا كل يوم اقولها انتي قويه وخايفه ان كلامي يحسسها بأني ادري

بضعفها وبنات خواتي الصغار ماعاد يحبون بنتي عززت فيهم الكره هذيج الكبيره

بيت اهل رجلي مافي احد تلعب معاه واخاف تكون انطوائيه وحضانه دششتها وشافت الابله تطق

صبي وقامت تبجي ومارضت تروح نهائي

الحين قولولي ساعدوني شلون اطلع بنتي من اللي هي فيه والله حتى اللي اول مره يشوفونها

يقولون بنتج فيها شي تنزل راسها وترجف وتستحي واخر شي تبجي

ناطره ردودكم وعلى ثقه تامه انكم بتساعدوني

 

[mannawy]

انصحج تسالين اختصاصي اطفال. لان لو كل وحد بتنصحج بتروحين وتردين وتجارب. يعني انا من وجهة نظري لو بنت اختي مسويه في بنتي جذي راح اواجهم ببعض واخلي بنتي تسوي فيها بالضيط وتاكل مني جم زفه وتهزيء وهم جدام امها بس ممكن اختج عندها مو عادي. احنا بالعايله عندنا خالتج يعني امج تربيج وتربي عيالها. هذي ام 10 سنين لاز تاكلها زفه وكفخه على ايدها تكون محترمه ولازم تتفشل جدام الكل عشان تتوب بالمره. ولازم بنتج ترجع ثقتها بنفسها

بس للامانه اخاف اسلوبي مايناسبج عشان جذي قلتلج روحي اختصاص اطفال.

 

[حورية آلكويت]

وربي مفكره اروح اختصاصي للاطفال بس حيل خايفه

 

[ام دندوونه]

حبيبتي تمسكي بنت اختط هذي وقولي لها عيب عليج اللي تسوينه وزفيها وقولي لامها عشان تنبهها ان مالها شغل ببنتج لاتسكتين وبالنسبة لبنات نواتج سوي حفله صغيرة ووزعي هدايا علي بنات خواتم وقولي لهم يلعبون مع بنتج وان شاء الله فترة وتعدي

 

[رزه وكشيخه]

عندنا وعندج خير

كل البنات غيورات سواء كانوا صغار أو كبار لازم تصير بينهم جم وحده غيوره

أنا بناتي وبنات خواتي (الصغار ) إذا جت حزة العيد نشتري لهم نفس اللبس , واذا جت حزة قرقيعان نفس اللبس وبالعرس بعد نفصلهم مثل بعض
وأعمارهم تختلف بس مقاربه لبعض
ونشجعهم نقول شكلكم حلووو وأنتوا صديقات ومن هالكلام

اللي فهمته من كلامج ان بنتج دايما تكشخ زياده عن اللزوم وتلفت اللي حولها علشان جذي اشتغلت الغيره عند أم 10 سنين وأكيد تسمعكم تمدحون بنتج علشان جذي مسكتها وقطعت اكسسوارها

ما أنصحج تزفين ام 10 سنين لأنها راح تعاند أكثر وتكرهج وتكره بنتج و راح تكبر وتحقد عليج والأطفال دائما ما ينسوون معاملة الكبير لهم ويكبرون والصورة تكون لاصقه بالذهن , واختج بعد راح تزعل عليج

قولي لأختج تفصل لبناتها مثل بنتج , وانتي بين فتره وفتره اشتري لهم اكسسوارات مثل بنتج , الأطفال يحبون الهدايا

وبنتج صغيره 3 سنين ما ينفع تودينها اختصاصي اطفال وما أنصح بهالهموضوع لأن بنتج ما فيها شيء جايد , مجرد خوف بسيط تحتاج منج تشجيع ولازم تخلينها تلعب مع أي أحد مو شرط بنات أختج

وقولي لبنات أختج اذا ما طقيتوا بنتي وصرتوا شاطرين وصديقات راح أوديكم الألعاب , يعني عشميهم ههههه ترى الجهال يحبون أسلوب الهدايا والمقابل والمكافأة


ومسكي بنات اختج الباقي وقولي لهم شنو سوت لكم بنتي مو حرام , وتكلمي بلغتهم قولي اللي يحارب الله يحطه بالنار , يلا تصاحبوا وتلقينهم على طول يتصاحبون ويمسكون أصابعهم ويفرونها ههههه

أتمنى أكون فدتج

 

[رزه وكشيخه]

وسالفة اللبس مو دايما تنفع !

بناتي ألحين ما يبون يلبسون مثل أحد , يبون يصيرون مميزات ومعصبين علي , يقولون كل مثل بعض ما نبي

وهالعيد راح أفصلهم غير , والله يعينا على الغيره

 

[أبله أريج]

واختج ليش ما كلمت بنتها وعقلتهااااااااااااااااااااا

 

[عسل مرت قيمر]

الله يعينج


الواحد يتعب على عياله وايون عيال الي حوالينه يخربون كل شي


شوفي


حاولي تقربين بنتج من البنات الي بعمرها ترا بنت اختج الي عمرها عشر سنين مو من عمرهم عشان تلعب معاهم !!!!



حاولي انتي تكلمين البنات الي بعمرها وخليهم مع بعض


والله يعين


وترا بلعكس طريقتج صح


انا قاريه دكتوره تقول


ان وايد زين تمدحين عيالج وتقولين لهم انتو اقويا انتو شجعان انتو ما تخافون


انتو ابطال هلأشياء كلها زينه

 

[احلى ديما]

وييييي.الله يعينج بس بصراحة انا رايي من راي اول اخت ردت عالموضوع انتي خالتها يعني تمونين على رقبتها ييبيها وعطيها كلمتين بالعظم جدام بنتج اول شي عشان اهيا تبطل.هالطبع الخايس لانه راح يبعد اليهال عنها وثاني شي عشان بنتج تحس بالامان تحس ان في احد يدافع عنها ويحميها

 

[دلال و غلا]

الله يحفظ لج بنتج وسالفة الغيره تعور الراااس
انا ملاحضه انه الغيره بين الجهال كثرت
وبعض المرات تسبب مشاكل بين الخوات وهالشي شفته بعيني

انا انصحج تردين تقربين بنتج من بنات اختج اللي قريبين من عمرها حاولي تطلعينهم مع بعض الالعاب
واشتري لهم شنطه او اكسسوار نفس الشي لان هالشي يحسسهم انهم قراب حيل من بعض
وبيونسهم وموضوع الكبيره ام ١٠ سنين حاولي تبعدينهم عن بعض

 

[شيهانه شماليه]

يووووووو الله يعينج والله العظيم حااااسه فيج


اما نفس الطريقه بس مو بنتي مع ولدي


المهم انا اشوف انسب جل انج تكسبين ام ١٠ سنوات بصفج يعني اشتريلها هدايا طلعيها معاج ميزيها عن غيرها عشان تتعلق فيج وتحبج وتحب بنتج مالج الا جذي شتسويين

 

[Hello_kitty]

واي عورتي قلبي على بنتج..

سوالف اليهال انتي مو حلوه ومانلعب معاج هذي عادي..بس ان وحده عمرها عشر سنين تسكر على بنتي الباب وتطقها طق

وتقطع اكسسوارتها والله ما اسكت عنها..اختي تهمني بس بنتي اهم..هذي طفله صغيره اذا ماخذيت حقها وصرتلها سند

بتنكسر شخصيتها وتصير مداس تنداس من الكل..تصرفي مكانج اخذ بنت اختي وازفها واسمعها كلام وأهزاها عدل واطقها جدام بنتي وجدام اليهال لازم اكسرها واوقفها عند حدها واخلي بنتي تشوف بعينها عشان ارجع ثقتها بنفسها واخذ حقها ويبرد قلبها..

لاتقولون ياهل ام عشر سنين اللي تتصرف هالتصرف وبنتج ما علمت شوفي شمهددتها فيه وشمسويه فيها هذي مو ياهل..

والياهل لازم يتأدب ويتعلم الأدب عشان تحسب حق بنتج الف حساب وقوليلها مابي اشوفح مقربه صوب بنتي ولا مضايقتها بكلمه..
هذي مو ياهل بنتج الياهل مسكينه اللي انكسرت فرحتها وطفولتها واهتزت شخصيتها..

انه هذا رايي وتصرفي بنتي اذا كانت مظلومه وغلطانين عليها والله عندي اهم من الكل اخذ حقها والكل يحسب حسابها مثل ما احب الغلط على اعيال الناس واخذ حقهم اذا اعيالي غلطوا بعد ما احب احد يقرب صوب اعيالي..

لااساحل ولا اجامل ام عشر سنين اهي اخر همي الزم ما علي بنتي وبس وشوفي اشلون بعدها بنتج بتسترجع ثقتها بنفسها وتصير قويه والابيظل موقف بنت اختج طول العمر شايلته بقلبها وكاسرها وبتظل ملطشه حق بنت اختج وغيرها

 

[Omali835]

والله كلام أختي كيتي عين العقل كفت ووفت

 

[سلاسل ذهبيه]

ماقصرو البنات بس فيه نقطه مهمه حابه اقولها اذا شريتي لبنتج شي جديد اشتري لبنت اختج وعطيه امها على انها شاريته لها عشان ماتحس بالغيره من بنتج

 

[حورية آلكويت]

هاوشت ام 10 سنوات جدام امها وزعلت اختي الكبيره

وتدافع عن بنتها تقول بنتج دلوعه وبنتي ماتقولها شي اكيد بتدافع عن بنتها

انا الحين ابي بنات اختي الثانيه اللي اهما في عمر بنتي

ابيهم يحبون بنتي نفس قبل ويلعبونها

تغيروا حيل عليهااا

والله حقدت على نفسي لأني اخرت الحمل حيل

لو جايبه ورا بعض جان بنتي الحين عندها اخو ولا اخت يلعبون معاها

 

[-MaYa-]

لاتروحين بيت اهلج اذا اهما موجودون
عرفي بنتج على اصدقاء غيرهم
وديها نوادي للاطفال وحدايق واماكن ترفيهيه خل تختلط بناس غير وتقوى شخصيتها

 

[mannawy]

انتي هاوشتيها بعلم اختج مسبقا؟ لازم اختج تكون مقتنعه ان هالشي بياثر على بنتج
ياما مشاكل بين يهال فرقت كبار كلمي اختج وفهميها وجهة نظرج وبيني لها ان لو بنتج تغلط على وحده من بناتها بيكون عقابها بنفس الطريقه عشان ماتحس انج حاقده على عيالها ولازم اختج تعلمينها ان في بينكم اسرار وخاصه بالتربيه عشان تتعاونون الكل يبي الزين لعياله ومثل ما قلت عيالج عيالها و عيالها عيالج.
الله يرحم زمان اول اللي حتى الجيران لاشافوا شي غلط ادبوا اليهال

 

[WAAAW]

مسكي بنت اختج وطقيها خليها تتأدب .. شنو هذا وين قاعدين ؟؟؟ من صجج انتي ساكته ؟؟؟؟؟؟؟؟؟؟؟؟؟

هذي شكبرها مو بيبي عشان تسوي هالسوالف .. تطق البنت وتكسر اكسسوارتها ياقلبي ........ لاااااااااا تسكتين هذي بنتج باجر تتعقد البنت والسبه بنت اختج ؟؟؟؟؟؟؟؟؟؟؟؟؟؟؟؟
ومسكي اختج وقوليلها ادبي بنتج ....... بصراحه قهرتيني

 

[كوريا وبس]

ويييه هذيل اليهال سوالفهم سوالف
طول عمرنا نتهاوش مع بنات خالاتنا لاكن توصل ليل الغيرة القوية
وانها تمد ابدها على بنتج حبيبتي بنتش سمل الله عليها مافيها شي
هذي بنت خالتنا الغيورة هي الي مريضة ومحتاجة علاج ونصيحة مني لاتاخذينها لليمعه
وصدقيني ماتحتاج لطبيب بس انتى حاولي تقوين شخصيتها حاولي تخلينها ماتقعد مع الي يضايقونها
واذا كنتي بتاخذينها للجمعه لا تخليينها تروح عنج ولا تغيب عن عينج خليها طووول الزيارة قاعدة يمج
وحاولي تكلمين اختج وقولي لها ترى الموضوع صار جد بنتها لا هي ياهل ولا شي عمرها 10 يعني هي كبيرة
ترى اذا سكتت ممكن بنتها تمد ايدها على بنتج وتعورها لا قدر الله وبعدين صدقيني حتى انا وانا صغيرة صار معي جذذي مع بنت خالتي بس انا كنت اكبر منها وكانت تغار مني وتكفخني بس الحين خل تستجري تبطل حلجها اكسر عظامها هههههههههه
بعدين انا حاسة انو بنتج اذا كبرت بتطلع كل الطق الي كلته منها وبترده لهاا هههههههههه
تقبلي مروري

 

[ديانا سبنسر]

مع راي رزة وكشخة