بنتي وبنات خواتي والحل سااااعدوني

[STILL G L A M ~]

حبيبتي نصيحه لوجه الله يمكن انتي كبيره او ماتحبين الي راح اقوله لج بسسس نصيحه سويه ​

لعبي مع بنتج ولاتقصرين معاها طلعو مجمعات مطاعم تعرفي على حريم وبناتهم وخل يطلعون معاكم
لاتنطرين من احد يغير بنتج ماااكو الا انتي لعبيها وونسيها وكشخيها وشركيها بنادي كراتيه او طلعو كل خميس حديقه متروسه يهال او لمدينه وخل تختلط بالناسسس ​

لعبي معاها بالبيت ولاتخلينها بروحها اذا رحتي لبيت خواتج ماتدرين شنو يسوون فيها وووو مرات اذا رحتي لبيت خواتج اخذي معاج هدايا واهيا خل تعطيهم مثلا العاب وجذي وتقولهم خل نلعب بسسس هاه خل يلعبون جدام عيونججج ..

والبنات ماقصروو بالردود:eh_s(17):​

 

[om-3azo-83z]

حرام عورت قلبي بنتج
انا مو ام بس بعطيج رايي
نادي بنت اختج الكبيره بعد اذن اختج عن المشاكل و زفيها جدام بنتج ختحس ان وراها ظهر و ما تخاف في احد ياخذ بحقها حرام تكبر و يصير فيها خوف الحين ياهل تنحل مشكلتها كل ما كبرت تصعب و البنات اللي بعمرها مثل ما قالت الاخت سوي حفله صغيرونه و خلي بنتج تعطيهم الهدايا بايدها و ساحليهم يلا لعبو مع بعض و جذي و مو ضروري تلعب بس مع اهلج رفيجاتج او وديها العاب و تتعرف على بنات يدد

 

[حورية آلكويت]

الله يعين وربي انا تعبت اكثر من بنتي من هالموضوع

 

[meen_ana]

برااي عطيني بنتج هدايا وخل توزع عاليهال ترى ينسانسوون خصوصا الصغار للي بعمرها وراح يحبونها وبنت اختج ام 10 سنين كبيرة عالسوالف اخذيهم بصفج يبي لها هديه سايريها قولي لها مالج شغل باليهال تراج كبرتي وخليهم يلعبون مع بعض

 

[om al ghaleen]

.. حببيتي الله يعينج انا قبل كنت اسكت عن حق عيالي اقول ماابي احط راسي براس اليهال !!
بس النتيجه انقلبت ضدي وضد عيالي وصرت الطوفه الهبيطه لوول وعيالي ماكو شخصيه

بس الحمدالله قدرت اعدل الوضع صج متأخر بس ع الاقل اعوضهم

ينطقون ! اقولهم ميخالف
ينسبون ! اقولهم الدعوه ترد لصاحبها
تتكسر اغراضهم ! اعوضهم بلعبه يديده

بس لي متى علشان ارضي الكبار واهما مطنشين ولايبين بعيونهم

فأنتي مسكي ام 10 سنين هالعوبه وكلميها بعين حمرا من غير طق بس بيني لها انج ماتحبين سوالفها او انج تشترين لها هدايا تكسرين عينها تحببينها ببنج لاني مااعرف طبيعتها
ومايحتاج دكتور ولاشي لاتعقدين البنت واهي صغيره

 

[m.tee]

السلام عليكم ..

هاي اول مشاركة لي هنيه ...

حبيت اعلق على موضوعج اذا تسمحين لي ..

..

انا ما عندي عيال .. بس عندي اخوي الصغير ما احب حد ايقوله شي ..

بينه و بين ولد اختي سنتين ..

المهم .. ولد اختي يضرب اخويه اول شي كان الموضوع ايضحك على قولت اميه (اقحطه و حسينوه) بس اختي و ولدها مصخوها ..

و اختي كل ما انقولها شي اتقول هو هناك يضربونه و ما ادري شو ... (عن ولدها) .. ما ادري اشدخل ها بها ..

المهم ،،، لا اميه ولا ابويه عايبنهم اللي يستوي بس بنتهم العوده شو بيقولولها ؟؟

...

اخويه هذا الله ايخليه لنا وايد متعلق فيني عاد انا معرسه فاحس كيف اقولها يودي ولدج .!!!!!!!!!

المشكله انها ما اتسوي سالفه ..

وي ما قتلج ترا اخويه عمره 6 سنوات ..

المهم الحين شوو الحل ؟؟؟؟

تميت يوم اسير بيت اهلي و هم يون اذا قالوله كلمه ارد بعشر و اذا دقوه اغسل شراعهم طبعا ولد اختي كرهني بس مب من زود ما انا ميته عليه ((لوول)) بس بنتها ولا جنه شي بالعكس اتحبني انا من بد كل العايله ..

...

ادري طولت عليج بس الزبده انا ما همني زعل اختيه هذا اخويه اقربلي و اعز عندي من ولدها الكريه ،،، و لو عندي عيال ما بخلي حد ايدقهم بس اذا اخويه قالهم شي ما عليه خالهم ما فيها شي .. و لو انه من الحين ايحبهم لول ...

...


المهم حبيبتي ادري وايد رمست بس حبيت اعطيج امثله و تجربه من شخص غريب عنج ..

..

بس انتي شكلج طيبه مب شريره مثلي ..

الحل الوحيد انه لا تودين بنتج هناك ،، هاتي البنات عندها بعيد عن الشريره هذيج ،، اما على لبس بنتج تمي على هواج لبسيها و اذا هذيج خربت شي شلي من عندها و عطي بنتج لا تخلينها تستقوا عليها حرام بعدين بتستوي شخصية بنتج ضعيفه ..
و نصيحه لا تفكرين تشتريلهم شي عشان يلعبون مع بنتج او حتى هي تعطيهم هدايا (اسمحوا لي خواتي اللي قالوا ها الشي انا احترم رايكم)،، لانه بترتبط علاقتهم معاها انه اذا تبا تلعب وياهم لازم تييبلهم شي و احس ها غلط بيلعبون معاها للمصلحه مب حبا فيها.. و هاي اللي تغار منها ديري بالج تاخذيلها شي !!! بتقول اتكافإني على اللي اسويه ببنتها و بنتج بتحس انها مش مهمه عندج .. و المفروض ما تناقشين اختج سيده تادبين البنت لانها حسبت بنتج و اللي يمشي على بنتج يمشي عليها !
..

اسمحي لي طولت عليج ..

..

اتمنى فدتج لو بالقليل ..

ادعيلي الله ينولني اللي في بالي ..

..

اختج من الامارات ..

 

[PuPa^^SWeeT]

ام عشر سنيين


المفروض لعبها بروحها مع اللي بعمرها او اللي اقرب


واتهد امهات ال3 لين ال 6 سنين بحالهم



بس والله الغلط من اختج مو من بنتها



عالاقل اتراقب بنتها و اتشوف حركاتها ؟؟؟


وليش بنت ال 10 سنين اتغار من لم 3 سنين


....


شنو ما تلبس ولا شنو ؟؟؟؟

 

[عسل سل]

هذي راح تاثر بشخصية بنتج مسكيها وكفخيها ههههه
لا والله صج قهرتني عوووبه قطيعه اكره هالنوعيه

 

[سالمه w]

ما تخلينها تلعب معهن تاني

وعوديها انها ما تخاف

قولها اللي يطقك طقيه

والله لو انا أعرفك. او اعرف بنتك كنت انا خليتها متل ما انتي تبينها

لو انتي قريبه مني. كنت علمتها ما تخاف وخليتها قويه وشجاعه

هاتيلي بنتك هاد وانا هعلمها وأقويها

والله بنتك صعبت علي