بنتي و الالتهابات الشهرية ؟

[حكآية قلب]

السلام عليكم امهات



انا تعبت والله بنتي اسم الله عليها سنه ونص و كل شهر التهاب بالضبط كل شهر

التهاب اذن طبعا

والله انه بيوم 25 رمضان رايحه للطبيب وماخذه مضاد والحمدالله تحسنت


و اليوم 25 شوال يعني شهررررررر


انا كنت اقول لا اكثر و تتبعت روحاتي لمستشفى و تقريبا شفت اوراقي كلهمممم شهريااا


تخيلو بنتي اعطيها مضاد كل شهر !!!



بنات اامضاد مو زين واخاف عليها منه و البنت مسكينه تبجي و تصرخ و ماتبي تمشي من اختلال التوازن



و الحين فيه احد يعرف السبب ؟ وهل فيه علاج غير المضاد


انا تعبت والله واخاف بعدين يأثر بالسمع عندها :eh_s(11):

 

[نور دنياه]

الله يشافيها ان شالله ماعندي فكره ان شالله الباقي يفيدونج

 

[M!SS.LOBY]

الله يحفظها لج ولا تشوفين فيها مكروه

 

[M!SS.LOBY]

عمرها سنه ونص حاولي تخلينها تاكل فواكهه تقوي المناعه عنده
تقوية التغذية عندها

 

[امـ خــزامـى]

الله يشفيها


الحليب لاتشرببه وهي نااايمه ه>ا اهم علاااج

 

[حكآية قلب]

مشكورين امهات


التهاب الوسطى وقالت لي الدكتورة المضاد مايضر الحمدااله


وقالت حليب نان موووو زين مايعطي مناعه للطفل

و غيرته خذيت ايتاميل جونيوز و حبته والحمدالله

 

[M!SS.LOBY]

الله يحفظها

 

[!!الزينه!!]

حكايه يقلبي بنتي كانت نفس حال بنتج
وقالي الدكتور السبب لانج تشربينها حليب وهي نايمه بفراشها

المفروض تشيلينها وترفعين رأسها وإنتي تشربينهاا

والله يشافيهااا يارب

 

[مدّهره !]

ربي يشاافيهاا لج ....~

 

[Bio_reem]

انا ولدي نفس الحاله بالضبط لين فحصنا اللحميه و شلناها ومن يومها مناعته اقوى واكله احسن، ووحده اعرفها كانت تعاني ونصحتها تفحص وقالولها فعلا اللحميه كبيره ... بس انا ولدي بعد السنه مايشرب مميه عشان جذي الاحتمال الثاني اللي قالولج اياه صحيح بس ماينطبق على ولدي
بس الطفل بعد السنه يشرب حليب مثلنا مو بودره اطفال، واصلا ماكو حليب يقوي المناعه المواد اللي تقوي المناعه بالحليب تكون فعاله اذا ماتعرضت لحراره لازم تكون طول الوقت تحت درجات حراره منخفضه فاغلب الدعايات مو واقعيه ، الفاكهه تقوي المناعة او سئلي الطبيب ادا تحتاج فيتامينات وترى الفيتامين ما ينعطى وقت المرض ولا مع المضاد

 

[حكآية قلب]

تصدقين بنتي فيها لحمية!!


يعني منها ؟

 

[الغضى]

شوفي خلي اللحميه على صوب اللحين
انا بنتي نفس بنتج بالضبط التهاب الاذن الوسطي
وكل شهر مضاد هذي حالتي والحرارة تطق ال40
بنتي مافيها لحمية
وتشرب الحليب واهي مرتفعة
بس شنو قالي الدكتور قالي بنتج تحرصين على خشمها لا تزكم
لأنه من تزكم عندها الانبوب اللي بين الاذن والخشم حيل صغير وهذا طبيعي
انه يضغط على الاذن الوسطى ويسبب لها التهابوقال كل ما كبرت كل ماتخف الأزمة
وفعلا الحمدلله خفت
بس تصدقين بنتي اللحين كله تصارخ وعصبية ؟؟؟

 

[M!SS.LOBY]

اب اب اب

 

[حكآية قلب]

الغضى بنتي بعد


الله يخليهم لنا


انا خايفه من السمع لا يتأثر

 

[.. BNT ..]

انتبهي اذا روستيها لايدش اذونها ماي

 

[Bio_reem]

حكاية
اذا فيها لحمية سئلي الطبيب اذا راح ينفعها انكم تشيلونها او لا
شغلة ثانية الطبيب سواها قبل لا يكلمني عن اللحمية طلب فحص الاذن اذا فيها ماي او لا ، لانه فعلا الماي ياثر على السمع انتبهي ولد خالي خف سمعه صار يلبس سماعات، اسم الله على بنتج بس مو خسرانه لي فحصتيها

الغضى
سوي تخطيط اذن للماي لان اذا عشان اذنها صغيرة كل اليهال جذي بس مو كلهم يحتاجون مضاد كل شهر من اذونهم ، المضاد الحيوي ياثر على المناعة

 

[أم بتول*]

ذكرتيني ببنتي كان عمرها 5 شهور وتبكي تبكي طول الليل ما اعرف شو فيها وديتها الدكتور قال التهاب وعطاني مضاد شربتها المضاد وطول الليل تبكي ما اعرف شو صار فيها قلت معقول المضاد عمل فيها شي تاني يوم الصبح شفت القيح طالع من أذنها وفوراً حملتا ورحت الدكتور قال هاد التهاب قوي لازم ابر وعطيتها إبر التهاب والحمد الله طابت وما عاد رجع التهاب

 

[attoosh]

حبيبتي الجواب واحد اانا عيالي كلهم جذيه العلاج لا ادش الماي كلش اذونهم يعني روحي الصيدليه واخذي سدادات اذن تكون نفس الطين ولما تحميمينها اذونها سكريها عدل مدل ولا يدشها ماي ككلش وبجذيه راح تخف اذونها وترتاحين من المضادات لانها تقتل المناعه دربالج لا اقصون عليج هل الدكاتره الدايخين ونسيت اقولج لا تنظفين اذونها دايما يعني بالاسبوع مره بالكثير مرتين وبتدعيلي

 

[حظ من عنده انا]

اي غالب التهاب الاذن من النشله الزكام


ثانيا

فيه طريقة انا اسويها وانصح كل الي فيهم التهاب بالاذن والحمد لله يخف الالم



اخذي ثوم وقصيها بالنص

واخذي النص وحطيها داخل كلينكس وغمسي الثوم والكلينكس بزيت زيتون

وحطيها باذنها وقولي باسم الشافي المعافي

 

[.. Ro3a ..]

اهلين
انا بنتي مثل بنتج من رمضان بدت معاناه الاذن انا كل عشر ايام بالضبط تلتهب التهاب قوي
ما يفيدها المضاد لازم ابر تخيلي عمرها سنه
تعبت بعد عمري اذا التهبت ما تنام الليل بس تصيييح وتشاهق من الالم
وبالنهار بس حاطه اصابعها باذنها وتفرك بعد عمري
اتوقع بنتي من الحليب لان صح لما تقعد بنص الليل تبجي اعطيها حليبتها بفراشها تمسكها بيدها وتشربها وهي نايمه
بنات شنو الحل احط لها مخده كبيره ولا شنو ؟!