بنتي 5 شهور ونص شنو تاكل

[Roty]

قوة امهات

ابي خبرتكم بليز

بنتي عمرها 5 شهور ونص شنو اوكلها انا بس اعطيها حليب

بليز ابي ردود او راسلوني عالخاص افضل بليز ابي مساعدتكم ضروري​

 

[@ دهن العود @]

عطيها سيريلاك ارز

بسكوت فارليز

عصاير مخففه

خظار مسلوقه ومهروسه

 

[@حلاوة الدنيا@]

خضار مسلوقه
عصاير للأطفال
وسيريلاك حق 4 شهور

 

[*ماي الورد*]

رد : بنتي 5 شهور ونص شنو تاكل

نطري تكمل 6 شهور احسن

 

[noynoy]

الحين تقدرين تعطينها ميلوبا او سيريلاك
و تقدرين تسوين لها مهلبيه
و عطيها عصير برتقال مخفف بالماي
و هم تقدرين تعطينها خظار مفيوحه و مخلوطه بالخلاط مع شويه حليب و ماي مثل بطاط كوسا قرع جزو زهره بروكلي
او فاكهه مغليه بالماي و مخلوطه بالخلاط مع شويه ماي مثل تفاح و كمثرى موز
بس انتبهي لما تعطينها الخظار و الفواكهه او مره لازم يكون نوع واحد و كميه قليله
عقب ما تحسينها تعودت على الاكل عطيها كميه اكبر و ابدي خلطي لها نوعين او ثلاثه من الخظار و الفاكهه

و اذا كملت 6 شهور لا ابدي دخلي اصناف ثانيه مثل الدياي و اللحم و السبانخ و الشوفان (الكويكر) و الطماط و الجبن باكلها

يعني خلطيلها اي نوع فاكهه بس تكون مقشره و مقطعه بالخلاط و حطي معاها بسكوت الاطفال و شويه ماي او حليب الاطفال او عصير مع شويه جبن كيري
ولا اغلي لها تفاحه مقشره و مقطعه مع قفشتين عصير تفاح بعدين هدي النار لمده 5 دقايق و حطي تمر لمده خمس دقايق ثانيه بعدين ضيفي ربع قفشه صغيره دارسين و حطيهم كلهم بالخلاط و عطيها
و لا حطيلها شويه دياي تقريبا 50 غرام و اغليه مع عود دارسين و ورقه غار لما ينضا و عقب حطي شويه سبانخ و بطاط حق الماي اللي طبختي فيه الدياي و خليه 25 دقيقه و خلطي المكونات كلهم بالخلاط
و لا فوحيلها بطاطا صغيره و قشريها و هرسيها مع طماطه مقشره و قفشتين حليب اطفال و تكونين فايحه لحم او دياي على حسب الرغبه من قبل و تحطين البطاط المخلوط مع الطماط و الحليب بالخلاط مع اللحم او الدياي و عطيها
و لا فوحيلها عيش و قصصي معاه بطاط و جزر و كوسا و قرع الخظار اللي تبينها مثل بروكلي زهره او بطاطا حلوه و عطيها بس لازم تفوحين العيش عدل لما يصير لين حيل
و هم تثدرين تعطينها شوربه خظار او شوربه دياي بس لا يكونون الجاهزين لانه ماراح تستفيد منهم لا انتي سويهم افيد و احلى لها

اذا كملت السادس و دشت بالسابع عطيها هريس و يريش و عيش و مرق يعني راح تبدي تاكل من اكلنا العادي

 

[كريستال]

رد : بنتي 5 شهور ونص شنو تاكل


ماقصرت نوي نوي

 

[Roty]

رد : بنتي 5 شهور ونص شنو تاكل

مشكورين سجلت كل الكلام اللي قلتوه

الله يوفقكم

 

[إستبرق]

الله يحفظها لج عاد اليوم كنت اتسائل شوكل ولدي بس انا ببدى من عمر ٦ اشهر ونسيت شنو كنت اوكل بنتي

 

[eman84]

عطيها نفس السيريلاك اكووو جاهز بالجمعيات مركة ميلوبا وماركة اولكر جنه جذي اسمها على نكهات واايد

ومكتوب من عمر 4 شهور وفوق انا استخدمته حق بنتي

ابدي بكميات قليله وخليه خفيف علشان ما تستنكره ومع الوقت زيديه

وما انصح بالاكل المعلب ابد كل شي خليه فريش وبدون مواد حافظة و انظف

 

[Roty]

رد : بنتي 5 شهور ونص شنو تاكل

مشكورين حبايبي عالمرور

امس شريت حق بنتي مثل ما قلتولي

شريت:

سيريلاك قمح
ميلوبا خضار
بسكوت فيرلز

 

[^noonaa^]

هلاا ام سالم شلونج حبيبتي وشلون بنوووتج


انا والله اللي قالولي اياه اعطيهم خضار مهروسه ( بطاط وجزر وكوسا وبروكي وقفشه عيش مصري ) هرسيه وحطي شوة ملح وخلطه بالخلاط


وميلوبا اللي على خضار ماحبيته من ريحته وعيالي ماحبوه عطيها اللي على عيش احلى وبسكوت فارلز حطي لها اياه ويه الحليب

 

[Roty]

رد : بنتي 5 شهور ونص شنو تاكل

حبيبتي نونا انا بخير ولهت عليج وايد


مشكورة عالمعلومات

بدزلج عالخاص

 

[%F&R%]

سيرلاك
تمره ذوبيها بماي
خضار مفيوحه ومهروسه
فاكهه مهروسه
فارليز
شوربات خفيفه

 

[أم دانـــه]

المحلبيه مفيده ومغذيه
وتنفخها بعد

 

[Roty]

رد : بنتي 5 شهور ونص شنو تاكل

مشكووورين

بنتي ماحبت فارليز ما تكمل الحليب مادري ليش

حبت ميلوبا خضار مع العيش

 

[كتكوته22]

اب اب حتى انا بستفيد ما ادري شوكلها

عادي من الحين ابلش معاها عمر بنتي 4 اشهر واسبوع

 

[miss-chocolate]

عسى ربي يحفظها ويحميها

لازم من الحين تبلشين بالاكل المهروس

وبسكوت فيرلس دايم مع الرضعه لانه وايد مفييد

وتقدرين تسويلنها كريم كراميل بس تخففينه لها او محلبيه

ترى وايد زين لا تغلطين غلطتي انا ما وكلت بنتي عدل

لما صار عندها سوء تغذيه مسكينه

عسى الله يخليلج بنيتج ويبلغج فيها

 

[جواهر روعة]

بنات انا قاعده احاول مع بنتي اعطيها سيريلاك ميلوبا .. العيش والفواكه بس ماتاكلهم اثنينهم كله تقطه بره ... شسوي لها ؟؟؟

 

[@ دهن العود @]

ماااااااااااا انصحج تعطينها سيريلاك قمح الحين

خليه اخر شى

 

[Roty]

رد : بنتي 5 شهور ونص شنو تاكل

جواهر توها بنتج اسم الله عليها صغيرة انا بلشت وكلتها بعمر 5 شهور يمكن توها ما تبي او بلشي حطي بسكوت فيرلز بالمميه مع الحليب حطي ربع كسره