بنت اخوي متهمه(بسرقه) الموضوع شوشنا

[over love]

لاتسكتون على الموضوع ضرورى جدا تخلونهم يعترفون بالصج !

اعرف بنت مسكينه اتهمومها انها سارقه موبايل مدرستها هالسالفه قديمه تصوري لحد الحين تعالج من الأكتئاب والرهاب الأجتماعي وماكملت دراستها

الله يعينكم ولازم ضرورى تخرعونهم اما بكاميرات المسجد الى انسرقت من الأغراض او تنادون كل وحده بصوب وتقولولها ان زميلتها الثانيه فتنت عليها عشان يعترفون

 

[سمو الغلآ]

هذول وللحين اعمرهم 9 سنوات


الله يعييين ..,


مثل ماقالوا البنات

يقولوهم ان في كاميرا وصورتكم

والشرطه شافت البصمات


ؤصراحه حييل مكبرين الموضوع الابله مسويه سالفه كله مسباح وخرابيط

 

[ام عفاف الكويت]

لا مخفر ولا كاميرا
يعتبر تهديد ووزاه التربيه ماتسمح
وان ولي الامر عرف انكم مهددين بنته عواقبه وخيمه
والقانون بيصف معاهم لو اشتكوا عليكم
سوه اجتماع باولياء امور البنتين ومرته اخوج
وخل يدخلون البنات وجدام اهاليهم
ويشوفون كلام كل وحده
تري البنت تخاف من امها

 

[إحسسسآس]

.. يآحيآتي ماعليج تصير هالمواقف ..
وخاصـه هذيلا اطفآل .. ماعليه لاتحاتون ..
واهم شي الثقه لاتروح منكم هاذي بنتكم وعارفين انتو شلون
مربينهـا ..

امممما رفيجاتها لاتكلمهم احسن لآن مبين" مكآآرآآت "

 

[مغرومه بنفسها]

خليهم يضغطون ويخوفون منيره اكثر
لانها ذيك المره بسرعه قالت لحرمة اخوك انه مو بنتها
اللي سرقت .فالابلات لو خوفوها ووروها العين الحمره
وقالولها نجيب امك ولا نضربك انتي ووعد قدام البنات
والله لتعترف
وانشا الله ربي يظهر برائتها

 

[..<< ندى الورد >>..]

خلي اخوج يروح المدرسه وينادي البنات كلهم لانهم يخافون منالرجالويعترفون وخليه يحمر العين عليهم

 

[أعذب إحساس]

خلي المديره تجيب وحده من البنات وتهزأها اللين ماتصيح البنت وتطلع من غرفتها وهي مكسورة الخاطر
ويكون عند الباب صديقتها الثانيه ويدخلونها على طول عند المديره
بس لا يكلمون بعض وخل المديره تقول لصديقتها اللي دخلت اكتبي تعهد ومن هالكلام وفصل وخل تخوفها شرطه وماشرطه
لأن صديقتك اعترفت وتقول انتي سرقتيها
اكيد بتنهبل وبتعترف بكل شي ..

 

[ber00]

ششششي يرفع الضغط اعوذ الله هذولا اطفال وكذا يسووون ويفكرون ويمكرون كيف لاكبرووو؟!!


الله يكفينا الشررررر

انا اقوووول العصى لمن عصى تجي المعلمه او المديره وتهددهن بالضرب اذا ما اعترفن وزي ماقالو البنات يقولون ترى شفنا بالكاميرا

 

[بنت العقربيه]

من الاساس لية يحطون في المصلى شغلات غالية او اكسسوارات مالة داعي هاذا مصلى وبنت اخوك ان شاءالله يثبتون انها بريئة لازم يحطون كاميرات في جميع المدارس كثرت المشاكل والسرقات الله يعافينا ويكافينا

 

[آتعــبني غـلآآك]

طيب البنت ردت الاغراض ليش مكبرين السالفه والمدرس اكيد يدرون من اللي
سرقت خصوصا وعد لها سوابق

 

[Vdieta]

خلي الابلات يحققون وياهم اكثر

 

[ms_kakawa]

اذا كبروا بيسررقون البنك والذهب ! اللحين شسالفه

 

[ياليتهم يشعرون]

شوفي دامهم يهال العبوا عليهم هالعبه
حطيهم ثلاثتهم ودخلي عليهم ابله مايعرفونها وقولي لهم هذي الي راح تطلع من السرقت وغمضوا عيونها وخليها تقول هذي هذي يلا نقطع ايدها طبعا راح يخافون وخصوصا عيونهم مغمضينها ههههههه احس اسوي فلم بس والله عشان تثبتون براأتها المسجينه

 

[Queenleo]

هذوول ياهال
ياما انباق منا عادي الحياة سعيده
الياهال مايفكرون ان هذا بووق
شيء يبونه وبياخذوونه مايسون حساب لرد الفعل
نعتبرها غلطه ولازم تصلح
بس شدعوى عليهم المدرسه هذا مو اسلوب يحلوون فيه المشكله
هذول تتوهم ياهال المفروض يكونون حكيمات :/
المهم
مادري شلون تبينهم يعترفون بصراحه ماعندي حل كلش
توصلوا لحل مع الاداره والله يعين

 

[سكوتي بذوقي]

خل يقولون لهم عندنا صوركم وانتو تسرقون

راح يخافون ويقولون كل شي

حسبي الله ونعم الوكيل أطفال بهذا الخبث !

 

[انصاريه قمره]

صج ماكوا برائه قمه الخبث وضروري تمسكوون منيره ووعد وتستدعون اولياء امورهم وخل اخوج ومرته يوقفون مع البنت مو يعقدووونهااا

 

[sosowaty]

حسبي الله و نعم الوكيل كلمي المدرسات يكلمون بنت اخوج و يقولون لها احنا غلطانين لا تتعقد البنت امبيه حرااااام كسرت خاطري

 

[ღ❤سـنــيـــڪـرز❤ღ]

هلااااااااااا حباايبي اسفه بجد والله على التأخيييييييييير

ضرووفي مااسمحت لي ادش وارد الف شكر لكم وعلى تعاونكم معاي

رحت انا وزوجت اخووي وكلمنا المديره واصر ثنتينهم مسرقو لاكن بعد عنااااااااااا اعترفو والحمدلله

(وعد) اهي من بدأ بسرقه ثم اجبرت( منيره) تاخذ ثم امسكو( بنت اخوي) وقالت لها اخذي عادي احنا اخذنا

الاستاذه تقول البنات اهم اضغطو على ((بنتكم ))تاخذ

الله يسامحهم وعد ومنيره اتفقو على بنت اخوي وطلعو انفسهم بس الحمدلله اعترفو انهم اصرو بنت اخوي تاخذ وانه عادي زي مااخذنا اخذي
بس وقت فقدان الاغراض اصرو انها اهي من سرق وان مالهم شغل