بنت خالتي .. ولد عمي

[الكووول]

محمـد يدخل بيت خالتـه .. نوره من ورا الجلال :



هلا محمد ، أخبارك ؟ هاه عساك شاد حيلك عاد يقولون الحربية كرف وشي يهد الحيل ..
محمـد / هلا وغلا نوره ايه الحمد كلش زين .. والحربية يبي لها والمهتوي يقطع المستوي ..
نوره / صح صح يامهتوي ..



- طيب حياك للمجلس ....





* * *




* خالد يدق على بيت عمتـه ، ترد عبير ..



أهلييييين خالد ، أخبارك وين الغيبات يالقاطع ..
خالد / اتغلى
عبير / تتغلى ولا مسوي جامعي ومشغول ؟
خالد / لا والله بس تعرفين الدنيا ومشاغلها ..
عبير / اييييـه الله يعيـن ..


المهم بس ولا يكثر وين عمتي ؟ أدق على جوالها ماترد ..
طيب لا تدف بناديها لك ..





* * *




* يتخرج من الجامعة بتقدير امتياز هذا هو بدر ..



….. ألف ألف مبرووووك ، فرحت كثير بتخرجك
عقبال الدكتوراة يارب ….


........................ تم ارسال الرسـالة ..




-----




بعد هذي المقدمة البسيطة اكيد عرفتوا ( موضوعنـا )اللي راح نتناقش فيـه ..


.... العلاقة بين اولاد / بنات الخاله او العمـة ..
هل هي [ سطحيـة ] وعيب نتكلم معهم ،، وخلاص كبر ماعاد تتكلمين معـه ..
او فيها سواليف ، السؤال عن الصحة والحال ومباركة بالتخرج ورسايل والوضع فري ..!



- هذا اللي نبي نناقشكم فيـه ..


الموضوع مايكمل الا بتفاعلكم ونقاشكم الراقي أكيـد ..

 

[منار البربرية]

اكيد عادي يعتمد على الوحده واسلوبها وبيئتها

اذا عائله تمنع هالشيء واذا عادي وفري ​

 

[Vdieta]

up up

موضوعج حلوو

وانا مع منآر

 

[الكووول]

منوريييين حبايبي

 

[بنوتة كول]

يعتمد على العايلة نفسها
بس احنا اذا شفنا بعض بالصدفة يسألون شلونج وشخبارج وبسسسسسسسسس
اما اذا زرناهم لا ما نقعد مع بعض واذا بيدخلون يا نطلع او بسرعة نلبس عبينا
بس بالنهاية مثل ما قلتلج يعتمد عالعايلة نفسها

 

[الكووول]

منوره ياقلبي

وبصراحه انا بققولكم ان علاقتي مع عيال خالاتي و عيال عمي حيييييل مع بعض

يعني نحس ان اخوان ع قلب واحد نقعد مع بعض و نسولف مع بعض

مانحس ان احنا عيال عم او عيال خال نحس ان احنا اخوان

والاغلبيه اعمارهم بـ 20 و 18 او 17 يعني كلهم قدي واهلنا راضييين مو معترضين ع قعدتنا جذيه

 

[MiSs_6a7LooSHA]

والله عادي ع حسب العايلة مثل ماقالوا البنات احنا عندنا عادي بس شوفي مع عيال خالتي عادي لان احنا شوي من واحنا صغار حيل مع بعض فعادي لمن كبرنا نقعد مع بعض

وبعض عيال عمي مو كلهم اللي ساكنين لأنهم يمنا عادي نقعد مع بعض لأن بحسبة أخوانا أما الباجي لا ماتصير ان نتيمع بمكان واحد وووبس

خوش موضوع شكرا

 

[هنوو العنزي]

منوره ياقلبي

وبصراحه انا بققولكم ان علاقتي مع عيال خالاتي و عيال عمي حيييييل مع بعض

يعني نحس ان اخوان ع قلب واحد نقعد مع بعض و نسولف مع بعض

مانحس ان احنا عيال عم او عيال خال نحس ان احنا اخوان

والاغلبيه اعمارهم بـ 20 و 18 او 17 يعني كلهم قدي واهلنا راضييين مو معترضين ع قعدتنا جذيه

ايه صح عاادي


وحتى انا بس واحد ولد عمي احس انه اخوؤي حييييل مااحس انه ولد عميي


اما البااجي صرااحتن عييب مااكلمهم

لانه ولد عمي اللي اهوا اخوووي > حنا كلنا ببيت وااااااااحد حييل حييل اهله واهلنا مع بعض وبقووه بعد ونااااااااااااااااااااااسه
الله يخليهم لي ولا يحرمني منهم

 

[Tom ♥ Jerry]

,


شوفي آحنآ صوب عمآمي ، مآ عندنآ هالسوالف سلآم سلأم و بس !
بس مع خوآلي و خآلآتي هنآك كلنآ نقعد مع بعض .،
بعكس عمامي يكون منفصلين الحريم بروح والرياييل بروح
خوآلي لا عآدي الكل مع بعض و بالعيد نفرش سفره كبييييره و كلنآ نقعد .،
يعني خلط ملط .، بس آحنآ يا البنات نقعد بروح و الشباب على صوب .،
و نسلم على بعض و مرات نظحك و نسولف .,،
بس بـ آحترام متبآدل طبعا ومحد يتعدى على الثاني " يعني يطيح الميانه حيل "
جآن خوآلي يدوسون في بطونه لووول

 

[Tom ♥ Jerry]

.,


بس بصراحه انا آحب يمعه خوآلي آكثر !
لانه سوالف و ظحك تخيلي من ندخل ليه نظلع و آحنآ نظحك !
يعني نيه سليمه لووول مآعندنآ آنه عيب عشان ريال كبير و جي
لا لا عادي كلنآ نتغشمر مع بعض

الحين النتيجه شنو صارت !
آنه صوب عمآمي محد يدري عن الثاني كلش !
و مآ نشوف بعض الا من عيد ليه عيد سلام سلام و كل وآحد رآح الصاله مآلته
بس خوآلي نتيمع و وناسه و ظحك و غشمره .،
< جي يكونون الأهل : )

 

[بنت الكويت90]

اهو عالعايله مثل ماقالو البنات



بس بالنسبة لي بس سلام من بعيد واذا بيقعدون العايله احنا البنات نقوم ونقعد بغرفه ثانيه



لان بالنهايه مو محارم لي يعني حرام يشوفونا بس نسلم ونطلع

 

[Qatar girl]

عيال العم والخوال مش محارم

والكلام والضحك والميانه والتكشف عندهم حـــــــــــــــــــرام

اما سالفة عادي وعادي هذي العادات للاسف هي اللي خلتها عادي اما الشرع يحرم

 

[gala q8]

شوفي اعتقد العلاقه بين البنت و بين ولد خالتها او ولدعمتها لا تكون وايد اووفر إلا بس انها تقوم بـ صله الرحم .. يعني ما تتتصل عليه و تطيح معاه سوالف !
بس على حسب يعني في بنات مثل تربيتي .. يعني انامن انولدت و انا عيال خالتي مثل اخواني تربيه معاهم .. و مو بس انا حتى بنات خالتي .. يعني من و احنا صغار نطلع مع بعض و حتى اي مكان يون وبالعطله كلنا نتيمع فبيت خالتي بس طبعا الغرف تكون مفصوله .. بس كله مع بعض ..
ولمن كبرنا عادي نتكلم مثل الاخوان ما تتعدى هالشيء ..
بس انا الاحظ بنات خالي صاروا وايد قراب اما انا من عندي لا بعدت شوي ,, و خليت العلاقه شوي تكون بعيده لمصلحتي ..
و كل شخص عنده اسلوب ..

هل هي [ سطحيـة ] وعيب نتكلم معهم ،، وخلاص كبر ماعاد تتكلمين معـه ..

لا لازم تكون سطحيه .. حتى لو كانت متربيه معاه ..

او فيها سواليف ، السؤال عن الصحة والحال ومباركة بالتخرج ورسايل والوضع فري ..!
الرسائل انا مو معاها .. بس المباركه على الزواج او التخرج او الصحه لازم و نتزاور لي تعب .. ايد ما فيها عيب لانه تعتبر صله رحم و واجب ..

 

[الكووول]

كلامكم ع عيني و راسي

منورييييييييين حبايبي

 

[Miss Cherry]

احنا عندنا لا مو عادي لا من طرف عمامي ولا خوالي .. الحريم بصوب والرجال بصوب ممكن لو امر بالصدفة سلام وبس لكن ما نسولف مع بعض ولا فيه ميانه انا اتكلم بين الشباب والبنات


نعرف ناس عادي ولد عمها مثل اخوها يقعدون مع بعض واللي تتنقب ماتلبس نقابها يعني اهل عادي .. واعرف بنت يوصلونها عيال عمها تروح وتجي معاهم ومرات يسهرون مع بعض جنهم اخوان هالشي غلط والذنب ذنب اهلهم صراحة اللي ما علموهم العيب والغلط كل شي له حدود وشرعـًا ما يجوز

بنت جيرانه جذي نظامهم عادي مع عيال عمهم المهم هي كانت معجبه بواحد فيهم وطبعا علاقتهم حيل قريبة من بعض يدق عليها سوالف وضحك وغشمره سنين وهم على هالحال يوم بغى يتزوج قالوا له خواته عنها جان يقول لا مابيها مابيني وبينها شي جنها اختي وما تعجبني تحطمت المسكينة حتى عرسه ماحضرته على كثر ما كنت انصحها قبل بس كسرت خاطري

 

[زين الوصايا]

طبعا لا يعني عيييب انا كنت مع ولد عمي اخوان وقبل بروضه وحده ونلم بعض كل مايحطون الفيديو اهوو يقوم من الخجل وانا استحي خشيته عندي ماابي احد يشووفه افتشل
يعني ببيت واحد وعادي بس مااكلمه بس سلام شلونك مبروك التخرج مبروك الزاوج وجذي واذا اسال اقوله اخوي وينه وين فلانه جذي يعني بس
اما عيال خوالي استحييي حييييل منهم مااكلهم يمكن سلام بس مو انا اقول السلا م اهم لاني مااحب واهوو مو محرم لي فشله بعدين اطيح الميانه
ادري طولت عليكم بس اللي مطيحه الميانه عيب اختلاف في العادات ماتسمح حتى عيب المسن او البي بي ام اكلمه في واتمنى ان يعجبكم كلامي وهذي وجهه نظري ....

 

[الكووول]

كلامكم ع عيني و راسي وكل وحده ولها رأيها

منورييين حبايبي

 

[أم توتو]

احنا عندنا حرام نقعد مع بعض سواء الخوال او العمام مايجوز حتى لو اصغر مني السلام وعليكم السلام وبس اما سوالف وحجي لا متعودنا

 

[الكووول]

اهاا منوره يالغلا ام توتو

 

[FeShinGoOo]

من راي انه ماتكون العلاقه قويه حيل ..

مجرد صلة رحم وافصل بنتي عن عيال عمها وعيال خالها ..


لا يصير بينهم علاقه محرمه لا سمح الله ولا واحد عينه اتزيغ على بنت خالته ولا بنت عمه ويصير شي بالحرام لا سمح الله

وفبعض الحالات من كثر ماتكون علاقتهم قويه يحسون بعض كانهم اخوان حتى الزواج بينهم يكون صعب لان البنت تشوفه بحسبة اخوها واهو يشوفها بحسبة اخته