بنــات متوهقه وفيني بجيه

[بنت الثانوية]

السلام بنات

بنات طلبتكم الله يجازيكم خير ولي ما تعرف تسأل احد يعرغف من دون مقدمات ترى عيوني تسبح بجي

السالفه وما فيها ..قبل اسبوع يايتني رفيجتي تبيني افرمت لابتوبها وهي ما ودته بره علشان في صور عائليه وااايد تبيهم
قالت تعطيني جهازها اضمن المهم انا خذيته معاي البيت ورحت نقلت الصور للهاردس الخاجي يعني سويتلهم cut

وفرمت الجهاز ومو فرمته وحده 6 فرمتات كنت بحط درايف يديد وكل ساعه أسوي شي ..

وبعدين بعد ما سويت الجهاز وخلصت قلت ارجع الصور واشغل الهاردسك الخارجي واتفاجأ ان الصور مو موجودين وبعد التحقيق بالبيت اكتشفت ان واحد من اخواني لغى الملف وهو ما يدري

دورت بزبالة الكمبيوتر الملف بس ما حصلته

والحين رفيجتي صارلها جم يوم كل يوم تسألني عن الصور وكل يوم اقولها الهاردسك عند اختي وهي مسافره

رحت كذا محل مال اجهزه اسألهم اذا كانوا يردون الصور ما حصلت إلا واحد يقول يرد الجيجا ب 350 دينار

تكفوون يا بنات ما تعرفون طريقه ارد فيها الصور او محل رخيص يعني قوية انا ما اقدر ادفع هالمبلغ


طلبتكم يا بنات انا في حال لا يحسد عليه

صايره مو طايقه احد كلش

الله يخليك بنات تكوووووووووووووون​

 

[ramiy]

السلام عليكم
هذه اول مشاركة لي في المنتدي واتمني ان اوفق فى مساعدتك
اليكي هذا البرانامج الذي سوف يعيد كل شئ قبل الفرومات
فقط حددي الدرايفر اللى كانت عليه الملفات سواء كانت صور او ميديا او ملفات مضغوطة
وسريال البرانامج بالمرفقات
والتحميل من هنا
http://www.recovermyfiles.com/

واتمني ان توفري 350 دينار
مع السلامة

 

[MiSs_ViSTa]

مشكوره ريمي خليني اجربا

 

[بنت الثانوية]

ريمي مشكوووووووره على ردج بس للأسف ات الابتوب رديته لها ابي ارد الصور من الهاردسك
عاعموم مشكوره على وقفتج معاي وربي لا يحرمني منج وان شاء الله ما تكون هذي آخر مشاركه

 

[فروتى]

حبيبتى اعرف مهندس وايد ممتاز واكثر ووايد جربوا شغله من المنتدى اهنى والحمد لله امدحوه وقريت موضوع لبنت انه رد لها الملفات المحذوفة بعطيالج رقمه بالخاص ودقى عليه وان شاء الله بيساعدج