" بنـــآت خـــلاص انا بتـــزوج مع الســلآمه بترفــع عنكــُم "

[فارسة خالد]

تصير مغروره شي وماتقدر تتواصل معاكم مثل قبل شي ثاني

بالنسبه لي وايد ناس مااقدر اتواصل معاهم مثل قبل اولا مشغوله بيت وزوج وغسيل وكوي وتنظيف وترتيب ومجابل حموله

يادوب الوقت الباجي اريح نفسي واتفرغ لنفسي واهلي

وثاني شي في ناس زوجي مانعني عنهم يقول خرابين بيوت لاتقربين صوبهم

انتي لاتحكمين على الوحده على طول صج في ظروف تمنع من التواصل

واساسا المتزوجه المفروض تواصلها يكون بحدود حفاظا على زواجها واسرار بيتها

معاهااا بكل كلمة قالتها :ggdw::ggdw::ggdw:

عدل كلامها انها تصير مغرورة شي

وما تقدر تتواصل مع رفيجاتها شي ثاني

في رياييل من قبل الملجه يقول ماكو طلعات مع رفيجاتج وجذي ويمعه وسوالف << صارت معاي :krkrkr::krkrkr:

 

[> Miss M6ereiah <]

والله بنات فيهم نقص ..
بنت جيرانا عمر معاها اصغر مني بسنة من واحنا صغار مع بعض ..
الله كتبلها وتزوجت قبلي رفعت خشمها وماقامت ترد صرت مو من مستواها عبالها انها خذت جائزة نوبل واكلمها واسأل ماترد علي بعدين اكتشفت انها تتواصل مع مرة اخوي .. شفتوا التخلف هههه ..
يعني بتوصلي مسج انها متزوجة وماتقدر تكلم اي احد
اللهم لك الحمد والشكر على العقول اللي جذيه

 

[F9F9]

اييه انا اعرف بنت خالتي رفعت خشمهاا بعد ما تزوجت !! ماادري ليه ولا كانا تعرفنا ولا نامت عندنا ولا لعبت و سهرت معاانا !!@@
بصرااحه على راحتهاا هي الي رسمت صورتها كذا قدامي وانا مستحيل انسى هذا الشي لانه يحز بالخاطر مهما يكون !

 

[عاشقه رويشد]

اي عادي وايد جذي اول ما تتزوج تغير خطها وتنقلب اميه وثمانين درجههه مادري ليش

 

[كويتيه سبيشل]

صح كلامج في وااايد بنات جذي

جنها اهيا اول واخر وحده بتزوج

بس مثل ما قالت اختي جولينار

قلة عقل

 

[دآنة آلرشآيده]

يآكثرهم والله
بس هذيلي فيهم نقص
الحمدلله والشكر شكلهم ماصدقوآ يتزوجون​

 

[عمرها السعودية]

مرو علي هالمتخلفين اللي كذا الحمدلله والشكر .. وبعدين يرجعون لوراء بس الطاف احلى شي

لان معدنهم مثل وجههم .. واعرف وحدة من ملكت وتزوجت ماتغيرت علينا بس صارت مصدقة نفسها

كثير بكل شي زوجي قال زوجي سوا اليوم مدحني وقال تهبلين يغار علي ومن هالكلام اللي يطول

لليل ماخلصة .. لية طيب وش هالتخلف لهالدرجة مانتي واثقة من نفسك ..

طيب بنات سالفتنا بكوم واللي بقولة بكوم ثاني .. وحدة من خوياتي كانت معي حييييل كل يوم تدق

تراسلني وع المسن من ادخل جات ركض بس انخطبت انا تغيرت وعذرها ان عندي زوج حتى اذا انا اللي

دقيت عليها تقول لاتطولين الحين خطيبك يدق يلقاة انتظار وخير يعني مافيها شي انا الحمدلله ماتغيرت

ولا تكبرت على احد ومعدني ذهب لان ماعندي هالتفكير الغبي ... تخيلو بنات بملكتي ولاجات هي وخواتها

وعذرهم ابوهم ماكان راضي يجون الصالة وانا اعرف انهم كذابين .. وملكو خواتها 2 ومادريت الا بيوم ملكتهم

بنفس اليوم ارسلو طبعا فية فترة بينهم بس نفس الحركة ماقالو وانا اللي قبل التحليل واول ماجاو خطبوني قلت

لهم .. والحين معهم رسمية لا اكثر ولا رحت لهم باركت نفس الحركة اللي سووها لي مافية حد احسن من حد ...

ووحدة منهم اللي تزوجت حملت وولدت ومادريت الا انها ولد باسبوعين مخليين الموضوع سري جد عاهات الله لايبلانا

وثانية من خوياتي يوم ملكت اختي اللي اصغر مني تغيرت معي حييييييييييييل ومن انخطبت اختها علمتني اخر شي

وتغيرت حيل ودايم تقول الزواج اخر همها .. ومدري ايش .. هذيلا عكس الناس لا نخطبو خواتهم كذا كيف لو هم يا الله

بيصير تغيير جذري والله يعين عايشين وبنشوف وش الجاي .. وسوري طولت قلبو عذريني بس من الحرة الي فيني

واللي تسوي كذا ماردها للي تركتها .. يقول المثل مارد الكلب لباب قصابة ..يعني مصدقة حالك يوم تتركين البنات عشان

رجال .. لية مانتي شايفة خير ؟؟؟؟؟ كل وحدة بتاخذ نصيبها ويمكن نصيبها احسن من نصيبك ونسب يشرف وعز ومال وقتها

انتي اللي بتنكسرين .. لانك اغتريتي عليها وبيجي يوم يحق لها المسكينة تغتر عليك لانك الصراحة ولاشي << هالكلام للمشاحيف مو لصاحبة الموضوع فديتها

 

[نـ(المطيري)ـازكـ]

وااااااااااااااايد وودي اقول كلهم << طبعا اتحجى عن رفيجاتي ..

والله انقهر منهم وتنبط جبدي يعني اهيا ماخذتني تغزيره ..!

 

[غمزه وإبتسامه]

نقص نقص نقص ياادافع البلا

 

[نونه العنونه_H]

99% يصيرون جذي
اموت واعرف لييييييييييييييش؟!؟

 

[اميره1980]

انا بقولج اللي صار معاي انا لان اختي الله يسامحها قالت عني نفس كلامج اني صرت مغرورة و طبعا هذا مو صحيح
بقولكم علاقتي مع اختي قبل ما اتزوج
كنا انا معاها اكثر من خوات و كل الناس حسبالهم توائم من كثر الشبه اولا بيني و بينها ثاني شي لاني كنت حيل وياها حتى بالويك اند انام في بيتها و في غرفة عيالها ، حتى بنتها بكرها كانت تناديني ماما من كثر ما كنت حيل مع عيالها و كانو حسبه عيالي و اخاف عليهم و مربيتهم مثل عيالي
اللي حصل اني تزوجت من سنة و طبعا مع ظروف الزواج تغيرت 180 درجة على اختي بحكم الزواج و اني ما قمت انام عندها و عيالها ما اقدر اخليهم عندي اذا سافرت لاني الحين مرتبطة بزوج و عايلة و ما عندي خدامة و ما قمت اكلمها بالتلفون كل شوي مثل قبل فخذت عني فكرة اني مغرورة و جنه محد تزوج غيري و جذي
انا حسيت انها ماخذه على خاطرها مني و فهمتها الوضع و الحمدلله شوي شوي تعودت هي و عيالها على فراقي و ان مو كل يوم لازم اكون عندها او احاجيها بالتلفون لان الدنيا تلاهي

 

[كراميلا مرة]

ايي والله شكثرهم
بس ابي اعرف وش السبب ؟؟؟؟؟

 

[بنت العقربيه]

ياكثرهم اغبياء بنظري


انا قلت اذا تزوجت ماراح اعطيهم وجهه خاصة للي كنت اعتبرها اختي وصديقتي ولماتتزوج تصير وحدة ثانية كنها ماتعرفني ان شاءالله كل البنات يتزوجون
وذاك الوقت اذا جات تبغى الموية ترجع لمجاريها اقولها ماعليك شر تامرين على شي مثل ماسوت انا بعد اسوي وكان الي تتزوج ملاك الحمد لله والشكر وش بيجيها من الزواج غير الهم والعيال والغيرة والنكد اللهم لك الحمد

 

[manoooram]

الحمدالله على نعمة العقل
صادفت هالنمونه اللي تقولين عنها من قراب وبعاد بس ما أقول الا الله يشفي حالهم من الكبر

 

[Plus69]

بنات عندي خالي يدور مراة لزواج عمره 42 مطلق [email protected]

 

[عادت ذكرياتي]

إذا عرف السبب بطل العجب

 

[شلة بنات وبس]

تصير مغروره شي وماتقدر تتواصل معاكم مثل قبل شي ثاني

بالنسبه لي وايد ناس مااقدر اتواصل معاهم مثل قبل اولا مشغوله بيت وزوج وغسيل وكوي وتنظيف وترتيب ومجابل حموله

يادوب الوقت الباجي اريح نفسي واتفرغ لنفسي واهلي

وثاني شي في ناس زوجي مانعني عنهم يقول خرابين بيوت لاتقربين صوبهم

انتي لاتحكمين على الوحده على طول صج في ظروف تمنع من التواصل

واساسا المتزوجه المفروض تواصلها يكون بحدود حفاظا على زواجها واسرار بيتها

عين العقل اختى كلامج انا جذي قبل الزواج شي ولما تزوجت شي وغير ان زوجي منعنى من بعض رفيجاتى ومعاه حق من غير ماندخل بالتفاصيل وانا ابي رضا الله سبحانه ثم والديني وزوجي مو معقوله بخالف اوامر زوجي واجامل رفيجتى على حساب بيتي وعيالي وممكن هالشي يتسبب فطلاقي وحياة المتزوجه غير العزبه او العانس او المنفصله والله ماكثر غيرة البنات والردود تكفى لتثبت هالشي من الغيره بدال ماتفرحين لها وتتمنين لها السعاده والستر تتمنين لها الشر اعوذ بالله من هالبنات وقلوبهم الحقووووووده

 

[شلة بنات وبس]

انا بقولج اللي صار معاي انا لان اختي الله يسامحها قالت عني نفس كلامج اني صرت مغرورة و طبعا هذا مو صحيح
بقولكم علاقتي مع اختي قبل ما اتزوج
كنا انا معاها اكثر من خوات و كل الناس حسبالهم توائم من كثر الشبه اولا بيني و بينها ثاني شي لاني كنت حيل وياها حتى بالويك اند انام في بيتها و في غرفة عيالها ، حتى بنتها بكرها كانت تناديني ماما من كثر ما كنت حيل مع عيالها و كانو حسبه عيالي و اخاف عليهم و مربيتهم مثل عيالي
اللي حصل اني تزوجت من سنة و طبعا مع ظروف الزواج تغيرت 180 درجة على اختي بحكم الزواج و اني ما قمت انام عندها و عيالها ما اقدر اخليهم عندي اذا سافرت لاني الحين مرتبطة بزوج و عايلة و ما عندي خدامة و ما قمت اكلمها بالتلفون كل شوي مثل قبل فخذت عني فكرة اني مغرورة و جنه محد تزوج غيري و جذي
انا حسيت انها ماخذه على خاطرها مني و فهمتها الوضع و الحمدلله شوي شوي تعودت هي و عيالها على فراقي و ان مو كل يوم لازم اكون عندها او احاجيها بالتلفون لان الدنيا تلاهي

الله يبارك لكم ويسعدكم انتى وزوجج يارب ويتمم عليكم ويكفيكم شر الحسد ياليت البنات يكونون مثل تفكيرج واخلاقج مو تفكيرهم محدود ويفسرون الامور على كيفهم

 

[sunshine22]

اي شكثر
خصوصا الحضريات

مستحيل تلاقين وحده متزوجه ووو رفيجتها مو متزوجه
المتزوجه فيهم ترافج متزوجه نفسها

الا ما ندر


لانهم يخافون المثل

خاويني واخاويج واخذ ريلج واخليج

 

[دلوعة الطائف]

أنا الحمدالله صديقاتي تزوجوا وعادي علاقتنا مع بعض حلوه ومتواصلين أكيد مو مثل قبل وانا اعذرهم لأنهم مشغولين اكثر منني

يعطيك العافيه ع الموضوع