~>> بنـــات كـــل وحـــدة تلـــزم حدهــــــا <<~

[C'est La Vie]

قوة بنات شلونكم؟
وايد اسمع عن قصص ناس تغدر بناس
منهم اصدقاء واقرباء وغيرهم
المهم سؤالي
هل هالشي يصير لأن احنا ما ورينا الناس حدودهم معانا؟
يعني لو احنا وريناهم يا فلانة ترى انا ما ارضى هالشي هل راح تخاف وتحسبلج حساب؟
واذا احد شافج ساكتة مرة مرتين هل هذا يعطيه المجال انه يتمادى؟
مادري فهمتو قصدي ولا لا
بس هل اذا خلينا الناس يعرفون حدودهم معانا راح يقدرونا ويهابونا اكثر؟
يعطيكم العافية
وبنات كل وحدة تلزم حدها :dddds:

 

[إنسانه بكل حالاتي]

يشرفني إني أكون أول من يرد على موضوعج بس حلاته تخلين الوحده تعرف حدودها معاج عشان تحسب لج الف حساب أما إذا خليتيها بكيفها راح تتمادى وماتحسبلج حساب وتقول هاذي عادي عندها وفي ناس صراحه لما تعطينهم وجه يتمادووون بالغلط معاج وانتي على نيتج والأحسن من البدايه ماتعطينهم مجال وتحطين حدود بينج وبينهم راح ترتاحين

 

[㋡..PRINCESS..㋡]

انا برايي ان على حسب شخصية الشخص اللي جدامج .. يعني حتى لو انتي وريتيهم ان في حدود ، في ناس يحترمون هالشي و يتقبلونه ويعاملونج على هالاساس .. بس في نااااس لا لو مهما تحجين وتسوين ماكو فايده هذا طبعهم يطيحون الميانه مع كل الناااس على غير سنع ماعندهم شي اسمه حدووود ! :eh_s(1):

ومشكووووره عالموضوع:eh_s(17):

 

[توست و زبده]

طبعا لازم تحطين حدود لنااس عشان لا يتمادون آنه قبل ما كنت اعرف احط حدود لعلاقتي بالناس بعدين حسيت قامو يتمادون و يستغلون هالشي و يسببولي مشاكل فقلت لااااا و الف لااا فحطيتلي حدود بس بطريقه حلوه و ما تنفر الناس مني

 

[Om_Ksha]

انا يبيلي اتعلم شلون احطط حدود .. في ناس ماتحس شلون تتعاملين معاهم !

 

[*البدرة*]

هااااااااااااي خوش موضوع...
والله انا ما فهمت هالموضوع شوفي وانا عمري 31 سنه الا توني..
قبل سنة والا سنتين ووووكنت ما شيه على سجيتي وعادي بس اكتشفت اني مو طيبه
عبيطه انه مااعطي حدود للي جدامي..؟؟؟ بعدها فهمت انه لازم من مروا علي اشكال الله لا يوريج
الله يعين الناس عليهم....؟؟ بصراحه قمت مااثق باحد واعطي الانسان حد عند كل شيء يقوله
ما اطيح الميانه بسرعه...
وووبس

 

[brettey]

اي والله المفروض الي يتمادى من اولها نوقفه عند حده ولازم يعرف حدوده انا قمت اطبق هالشغله

 

[جوك احلى جو]

الافضل بدال مانتوعد العالم وكل شخص نواجهه ان احنا ننتقي الناس الخلوقه وماننخدع بمظاهرهم لان الغدر ممكن يكون من اقرب الناس لكن الحذر من الانجراف ورا العواطف واجب ودايما لاتعطين وايد عشان ماتندمين وايد سواء بالمشاعر والاحاسيس او بالماده

 

[alb7ranya17]

انا ماعرف احد حد بيني وبين الشخص الي قبالي ولمن يتماده ويهي عريض اعرف ارد عليه عدل

 

[سياسيه]

موضوعج حلوووووو ... انا جذي اذا شفت وحده تمادت اوقفها عند حدها بطريقه حلوه مو هوشه وبس ..

 

[الحــــياة]

موضوعج حلوووووو ... انا جذي اذا شفت وحده تمادت اوقفها عند حدها بطريقه حلوه مو هوشه وبس ..

نفسي بالضبط

 

[Gatwa]

هل هالشي يصير لأن احنا ما ورينا الناس حدودهم معانا؟
يمكن ببعض الاحيااان تمادو معانا وطوافنا لهم مره مرتين جذي بيتمادون ويمكن تصير حساسيه شوي بالموضوع
يعني لو احنا وريناهم يا فلانة ترى انا ما ارضى هالشي هل راح تخاف وتحسبلج حساب؟
موكل واحد يحس على دمه في ناس معدومة الاحساس مهما تقولين لهم عمك اصمخ مايسمعون
واذا احد شافج ساكتة مرة مرتين هل هذا يعطيه المجال انه يتمادى؟
بصرااحه اي وانا جربت هالشي وااايد
بس هل اذا خلينا الناس يعرفون حدودهم معانا راح يقدرونا ويهابونا اكثر؟
صدقيني مو كل الناس في ناس ماتمشي معاهم اله العين الحمره وفي نااس تتعاملين معاهم من البدايه برسميه ماراح يتمادون معاج صدقيني وشي جربته

يعطيج العافيه على طرحج

 

[happy&single]

C'est La Vie
دايمـــــا مميزة بطريقة طرحك :eh_s(7):

اولا انا عندي قنــاعة ان ما يحصــــل للانسان هو من صنع يديـــــه
بمعنى كما تدين تدان ،، وكما تغدر يغدر بك

والحدود لا تحمي الانســـــــــان من الغــــــدر بل تجعله وحيـــــــــــد

تعاملي مع الناس بمثل ما تحبين الناس يعاملونج واختاري صح ،،

والدنيا حلوة والناس حلوة خليكم حلوين وتفاءلـــــوا ..:hjy5jewf:

 

[q8iLady]

خوش موضوع اختي ,,, أضيف على خواتي إن أصل العلاقات و التعاملات هو " حسن الظـــن " ,, فإن أحسست ان هناك من يتمادى و يستغل " حسن ظنـــــي " نبهته بأدب ,, وإن أخذتـه العزه بالإثم قارعته بالحجه ,, و إن أنكرعلي كل ذلك ,, تركته داعيه له بالهدايه و حسن التدبــر لا بالأقوال فقط و لكن بالأفعال ايضا ,, فمجادلة الأحمق ستلحقنـــي به :wqedqw:

 

[الصعيريه]

اكييد أحسن شي انج تخليين اللي حولج يلزموون حدهم معااج
يعني لازم يكون لج إحتراامج ...


وتسلميين يالغلا عالطرح..

 

[صلي على النبي]

بسم الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا

 

[المـــــها]

حسب كل شخصية

يعني في ناس سواء وريتيهم حدودهم ولا ما وريتهم

بيتمادون قدامج او من وراج

المهم انتي و شخصيتج اللي الناس تعرفج فيها

لأن الناس تعرف بعضها

و هالشكال ما ينشره عليها

و ياااا جبل ما يهزك ريح