بنوتج لبسها حلو وكشخه وغريب ... حياج بتجمع البنوتاااات الكشخخخه

[q8 knosha]

لوووووول ولصبياان مالهم تجمع؟

 

[ام دودو المزيونه]

لبس بنتي شئ من الكويت وشئ بره من مواقع طلب ابصراحه اول كنت احصل لها بالكويت بس الحين اغلبه طلب من النت لأن سوقنا لوعة جبد حتي الصبيان قمت كل اطلب لهم وافك عمري اغلب شئ من موقع امازون وكنت اطلب من غمبوري بس من تبطل بلكويت حولت عنه
البنت فيه اكثر من ماركة عند امازون والولد غالبا العملي بوما واديداس وغيس والكشخه رالف لورين وdkny و levis للجنزات

 

[فلافل وبطاط]

نسيت اصور كشخة العيد وكل صورها مع الاهل حساافه
امس صورتها بغدا بيت حمولتي ،، لان رايحه الظهر وعالغدا
على طول فكشختها خفيف كشخة غداا هههههههه

 

[يارب احفظ عيالي]

فلافل وبطاط الله يخليها ويحفظها ويبلغج فيها يارب

 

[فلافل وبطاط]

الله يسلمج ويحفظ عيالج ياقلبي ...

 

[om MaRyooM]

فلافل وبطاط

لوووووول يحلاتهاااا بكشخة العيد
الله يحفظها

واهم شي الهيلاهوب المغري لووول فديتها

 

[PuPa^^SWeeT]

فلافل و بطاط


اسم الله عليها

الله يخليها لج

 

[zain-bh]

بنات عفيه ابي باند حق بنوتي من سن 6 اشهر وفووق وابي جيجي دانتيل عيزت ماحصلت

جوكو حبيبتي عيدج مبارك ولو انها متأخره

شلونج وشلون بنوتج؟؟ وحشتيني

شوفي الباندات انا شريت لبنتي من النقره الشمالي اول محل عند البوابه اللي على الشارع الرئيسي عنده سكشن كامل باندات بس حق النيو بيبي وتقدرين تطقمين لج ولبنتج

 

[Ice Princess]

اهني بنوتي كانت 7 شهور
نفنوفها من غاب و باند مني

روووووعه ماشالله وتركيبتج للباند ووووايد كيووووت

ذوووق ماشاءالله

 

[q8dvd2000]

اب اب

 

[::كيك وعسل::]

ماشالله عليج ام يويو حلو ذوقج نفس ذوقي في لبس بنوتاتي
الله يحفظها لج وتشوفينها عروووسه

 

[مدمنة ككاو]

واااااي حلات البنات زوغة زوغة



بصراحة سوق الكويت مو مال كشخة ولا مال تشترين للبنوتة

لأن ان شريتي بيقولون اييي يا مذركير .. او زارا .. او اتش اند ام
لوول ماعندنا غيرهم



انا الحمدلله الكل يمدح لبس بنتي عمرها سنتين ونص
كله اييبلها من امازون .. او التاجرات اللي عندنا ..
نفس بظاعة ام يويو مثلا .. حييييل مميزة و زوغة

حبيت اعلق على ردج
بصراحه الكويت ما عليها قاصر كل الماركات الايطاليه والفرنسيه والاسبانيه والانجليزيه موجودين ومعرفين من ناحية الجوده احسن من الامريكي لان خامات الامريكي مو ذاك الزود وامي من النوع اللي ماشاء الله عليها تحب السفر وتسافر اوربا تقول كل اللي شافتهم بره موجودين بالكويت اغلى واحلى الماركات موجودين

عندج كل لحظه اغلى واحلى الماركات العالميه فيه من النفنوف او بدله لي الجوتي وانتي بكرامه لي الباند او التاج لي الجنطه
وعندج لغز الاطفال
والسرداب
وكد ستور
وغير محلات الماركات نفسها جوتشي وفندي ورالف لورين وبيربري كلهم اييبون ملابس يهال

وكل المحلات روحي شوفيهم الهدووووم زووووووغه بس قطي مبلغ بس تطلع بنتج شي

بس لا تقولين سوق الكويت مو مال كشخه بالعكس اكشخ الهدوم حق اليهال اكثر من الكبار بس يمكن انتي ما تعرفين هالمحلات روحي شوفيهم وصدقيني ماراح تلقين احلى وارقى منهم

 

[فلافل وبطاط]

الله يسلمكم ويخلي عيالكم ،،

 

[Sugar cube]

يا حلاه البنات و كشخه البنات

< نتوفتي البسها من كل مكان

اي شي يعجبني لها اخذه و احب اركب لها

احب افنتك لها قطعه من هالمحل و قطعه من هالمحل لين يطلع لبس يعجبني

والبادات احب الشي اللي يصير اكبر من راسها هالنتفه حبيبتي لاعبه فيها لعب

< و المايوهات استخف عليهم صج انها توها ٦ شهور بس ماكو شي حطيته بخاطري كل شي لبستها

< حتى نظاره شمسيه لبستها لوووول < ما غي العب فيها و اتشكشك صور *




الله يخليهم و يحفظهم لنا يا رب
و يالله انه يصلحهم و نفرح فيهم دايما بصحتهم و عافيتهم

 

[اخت فايز]

ماشااااء الله تجمعكم رووووعه واستفدت منه حيييل

الف شكر لصاحبة الموضوع ولكل من شارك فيه

ولي عوده باذن الله

 

[ام خدود ورديه]

الله يحفظهم
انا بنتي توها عمرها شهرين ماشريتلها نفانيف الا حق عمر اكبر شويه بنات ابي مكان يبيعون باندات حلوه وذربه وين؟

 

[PuPa^^SWeeT]

لا المايوهات امبيييه احس سوالف الدلع عليهم يونسون

 

[um_yoyo]

مشكوووورين على كلامكم العسل

هذي بدله من ميلون

وباند من ام يويو ههههههه

 

[ام سلطان21]

موضووووع روووعه ثانكس لصاحبة الموضوع ^_

 

[ام خالد 78]

ماشاءالله تبارك الرحمن