بنوتج لبسها حلو وكشخه وغريب ... حياج بتجمع البنوتاااات الكشخخخه

[مدام فاشن]

انا اخدت حق بنت كلوي وبربريز حق العيد
وبخيط لها بعد نفنوف دانتيل بس

الحين ابي اكملهم

عزكم الله جواتي بشوف اكسسورز اول شي

وبنات وين في هيلاهوبات خفاف حلوين وذربين

وابي تونز ناعم ساده اف وايت انا ابي اركب عليه دانتيلات نفس النفنوف ؟؟؟


وبنات للي تبي نفانيف راقيه وحلوه عندنا بمشغلنا من عمر 3 اشهر الى 9 سنوات

 

[بربيره]

مدام توني راده من مذركير لقيت هيلاعوبات ناعمه بو حيييل شفافه مناسبه حق الجو الحين يعني مو شفاف شفاف ولا قطن ثقيل و عليها نقشه خفيفه لونين مع بعض اوف وايت ووردي فاتححح و من ورا كشكش لووول كان يونس بس ما ادري هذا الي في بالج ولا لا

 

[PuPa^^SWeeT]

بالعافية عليكم بنات

 

[نوادر*]

ماشاء الله روعة مامات على الكتاكيت الف عافية يارب

 

[سموره 87]

الهيلاهوبات محل هديل بمجمع السندس
ومحل هياوين بمجمع الايوب طبي وتخيري من الهيلاهوبات

 

[ورده عنابيه]

انا رحت هديل اللي بالسندس هيلاهوبات اتينن للبنات

 

[ورده عنابيه]

وفي هيلاهوبات بمذركير حلوين بس مو كل الالوان موجوده

 

[برميت]

قوه بنات
الي تسأل عن الهيلهوبات

بينتون عنده تشكيله كبيره
و اذا تبين كشخه حق العيد فيهم ستراس و حركات بمحل بالافنيوز محل اسمه قرانت و مسوي تنزيلات 50 الى 60 %
و عندج بدريم مول جم محل يبيع هيلاهوبات حلوه و دلاقات كشكش
و عندج بعد لحظه من فضلك ..هيلاهوباتهم كد و مد و صوب الحفاظه كشكش و فيونكه سعره 8 و في شي سعره 11
هذا الي شفته لحد الحين

 

[برميت]

دام انا بالدوام و ضايق خلقي خل اشاركم بمشترواتي حق كوكاتي

في شي من الكويت و شي من دبي

وسوري على التصوير مو واضح وايد لاني مصوره بالايفون
دايما اصور هدومها علشان لما اروح السوق اعرف شنو ناقصني و اكمل لها البدله بدون لا اخذها معاي و افتر فيها

بسم الله نبدأ

هذي بدله كابوي من اش اند ام دبي ..بس اهني مصورتها مع بدي ..بس خذيت لها قميص من زارا طلع وايد احلا

وهذي من ماماز باباز من دبي ..جنه ما نزلوها للحين بالكويت ..بنطلون هاي وست ..وبدل الشباصه الي حاطتها ..خذيت لها باند الي فيه سلك داخله الي هابين فيه البنات يسمونه ارنوبه على ما اضن

هالجاكيت من زارا

 

[برميت]

هذي بدله من زارا

 

[برميت]

من ماماز باباز بدبي بس شفتها موجوده بالكويت

 

[برميت]

وهذي اختي شرتها لي من دبي ..بس موجود المحل بالكويت اسمه بمبيكن

و هذي انا خذيتها من نفس المحل ..مكانه سوق شرق فوق ...و خذيت لها هيلاهوب نفس اللون بس يلمع ..اللون مو واضح بالصوره لونها بنفسجي غامج و خامته مخمل

و هذي من مذركير ...ابوها خذاها

 

[برميت]

و هالبدلتين من جيمبوري ..اموت فيه هالمحل لانه يبيع البدلات كامله مع اكسسوار الشعر و الشوز ..بس للاسف بسرعه تخلص بضاعته

وهذي حق الهاليوين

 

[برميت]

هالتونره خذيتها من الرايه و حست هوسه على البدي ..و ابي افتك خذيت من مذركير ..مو لايق وايد بس شسوي تعبت

 

[Roty]

عليكم بالف عافيه

برميت جم عمرها بنوتج
لان بتوقيعج عمرها سنه وشهرين
وقريت بعلاق بدلة مذركير مكتوب من 6-9

 

[برميت]

وهالبدله تونس ..امبيه هالمحل ما ادري عنه بالافنيوز في محلات يبيعون هدوم يهال ..غير الي صوب بربري ..مكانهم يم المتحجبه

لقيت محل موناليزا ..احب هدومه ..و ينزل بضاعته بلحظه من فضلك بس الحين فتحله محل ..
و في محل اسمه dp..am نفس طقه جيمبوري ..يبيع البدله كامله مع كاب و كوت و هيلاهوب ..حده يشوق .. خذيت نفنوف مع كاب ..و شكلي بروح اخذ كوت البدله و هيلاهوبها ...و عنده ترنقات ..و عندهم هدوم هبيان حلوه

هذي بدله من موناليزا ..حسافه مالبستها الا لبسه وحده ..خدامتي لبستها و كنت مو موجوده و طلعت كبيره عليها ..تضحك تحوس فيها ..يبيلها ثلاث حفاضات علشان تضبط القصه لوول
دخل الاشتى و ما لبستها ..بدور لها جاكيت رمادي و البسها اياه

 

[برميت]

هذولا ترينقات من مذركير و بينتون ..حق الجواخير و البر

 

[برميت]

هذي بجامات ..ويبيلي بعد جم وحده

 

[برميت]

عليكم بالف عافيه

برميت جم عمرها بنوتج
لان بتوقيعج عمرها سنه وشهرين
وقريت بعلاق بدلة مذركير مكتوب من 6-9

الله يعافيج يا قلبي

بنتي عمرها سنه و شهرين
بس نتفه بتيت :eh_s(2):
والله مقاس 9 اشهر كبير عليها
في محلات مقاسهم صغير يصير قدها 12 سنه و في محلات مقاسها كبير مثل مذركير
علشان جذي دايما اخذ لها نفانيف علشان ما يبين انها عصله مسحوته :eh_s(1):

 

[برميت]

هذا قميص خذيته من محل يم لغز الاطفال الي بالسالميه ماادري شسمه ..القميص عجبني ..بدورله شي بعدين

و هذا من ورا ..عجبنتي هالقصه ..و طلع باللبس حلو و مرتب

وخذيت من نفس المحل هالتنورة ..اهي اهي ..تهبل و اعجبتني حييل بس كبيره عليها لما تمشي تطيح مع انها مقاس 9 اشهر
و بدور لها شي بعدين