بهارات

[حور الحلوة]

حبايبي كويتيات شلونكم وشخباركم


ابي بهارات حلوه وكل شي فيها يعني بهارات جربتوها روووووووعه انا اسوي بهارات بس طبعا في انواع ما الاقيها ماشاءالله بهاراتي حلوه وريحتها روه بس ابي اغير ابي شي حلو روووووعه لا تخلوني قولوا لي وين ومن وين قبل رمضان الله يبلغنا وياكم ان شاءالله

 

[أنهار الكويت]

الصراحة انا استخدم البهارات المجيسه الي بالجمعيات والكل يمدح طبخي ...

 

[اطياب طيبه.أم عبدالله]

بهار الجمعيه حلو مجدي وكويتانا احسن شي

بس حق التميز والكل يوم جرب طباخي امدحه

احمس البهار الحب واطحنه بنفسي ويكون فريييييييييييش

 

[::كيك وعسل::]

صح مثل ماقلت ام عبدالله احسن
شي انتي تطحنين..,,

 

[دانه_83]

الصراح انه استخدم بهارات مطحنه سمراء عدن واى ريحتها اتهبل اتبط راسج من كثر ما ريحتها قويه اتصحج فيها حتى لمن تستخدمينها ايدج تصبغ من الريحه

 

[قمر2009]

xxxxxxxxxxx

ممنوع العروض التجاريه

 

[خضيرة]

وين مطحنة سمراء عدن

 

[أغلى حبيبه]

رد : بهارات

انا بهاراتي كلها من سمراء عدن

جدامج يطحنها وريحتها فريييش وتهبل

ومكانها بالديره من توصلين البلوكات سالي عنها ويوصلونج

 

[حور الحلوة]

وين صايره مطحنه سمراء عدن عفيه قولوا لي ياكويتيات !!

وصفوا لي مكانها بالضبط وين ؟ ورقمها بعد ابي اروح لها يوم الاحد او باجر

 

[noorq8]

سمرااااااااااء عدن يامحفوظة السلامه بالديره تعرفين التقاطع اللي على يسارج يصير مجمع البنوك (الثلاث عمارات البنك الدولي وأظن بنك الأوسط) خليهم على يسارج ولفي فرعي يمين الحين على ايدج اليسار بناية شركة وربه للتأمين روحي سيده تقريبا مسافة 500 متر عاليسار مطحنة سمراء عدن بوجهك الدوار ومطعم شهريار .
واذا انتي جايه من جهة قصر الشيج جابر الله يرحمه كملي سيده (شارع أحمد الجابر وخلي المخايطه ملوت الدشاديش (عمارات العوضي ) على ايدج اليمين وكملي سيده طوفي المسجد ومحل دوناتس one in wholeأتوقع اسمه جذيه وطوفي شهريار وكملي الدوار سيده راح تكون سمراء عدن على يمينج.

 

[الغاليه نونو]

تبين اكل يبيض الويه وريحته خنينه وشغل عدل مثل ماقالولج البنات مطحنة سمراء عدن وبسسسسسسس لا مجدي ولا ممدوح هههههههههههه

 

[بحر الذكريات]

انا مرات اشتري الاكياس من الجمعيه ومانستغني عن القوطي الاخضر كويتنا واشتري من تمور القصيم((محلات القهوه)) ومرات انجيب من السعوديه

 

[على الدنيا سلام]

سمراء عدن ادلها بس ما ادري شلون اوصف لكم ياها قريبه من شهريار .. تكفين شلون تسوين بهارات قولينا الطريقه ...

 

[red eye]

بتضحكون علي انا أشتري بهاراتي من الحفر

 

[AL-FATA]

انا اخذ من وحده تجيب بهارات من السعوديه حق رمضان صج ريحتها تهبل والكل ياخذ منها
65062948 بهارات ام عبدالله

 

[".. دلـولـه .."]

بهارات البحرين امي ملعوزتنا فيها تبيها

أظن يبيعونها بمحل بالكوت جدام مركز سلطان

​

 

[الغشمريـــه]

انا والوالده والاهل ناخذ من سمره عدن

 

[اطياب طيبه.أم عبدالله]

شيشتوني بجرب سمراء عدن

منو عنده رقمهم ؟؟