بهالموقف توصفج بالأنانيه و قطع الرزق لها ..؟!

[راحيل العبدلي]

.

سلامٌ قولاً من ربِ رحيم ..

شلونكم كويتيات إن شاء الله بخار ؟!

:ggdw:


بنات صج والله قبل جم يوم قريت بمنتدى ثاني وحده تفضفض
لـ بنات المنتدى عن رفيجاتها الأنانيه ( على حد زعمها : ) )
عساس انها ادور لـ حماها أخو زوجها زوجه ( وووه أحس جنه لغـز )
و اهي ما لقت لها بال ولا دلت حمولتها عليها ..
.


يعني صج صج انشوف بنات يزعلون من هالشغله ليش ما رفيجتي الروح بالروح
او حتى الأخت ما تذكر الرفيجه او الأخت لـ حمولتها اولـ ناس يبون الستر لـ ولدهم ..
.

البعض والله يشيل بخاطره و ما يدرون ان الزوجه او الاخت اتشوف
ان رفيجتها او اختها ذهبه و هالرجال ما يستاهلها ..
فتصرف النظر عنها ..



حبيت انكم تدلون بدلوكم ..
شنو راح يكون موقفج لـو انحطيتي بهالموقف ..
يا بأخوج او حماج او رفيج زوجج ؟ !.
.

بس بليــز كويتيات ماكو هواش . يُفضل كل عضوه ما تقرى الرد الي قبلها
او تحتها عساس ما تتهاوشون :tomato2:
أتغشمر معاجـن .. بس بليييز من صجي والله ماكو هواش .. ( خلاص عرفتجن بس مو الكل :eh_s(1): )

.
.

 

[علولي]

والله عن نفسي اذا كان الشخصطيب واخلاق والبنت طييبة واخلاق
ممكن ادل

بس في مثل يقول


( امشي في جنازة ولا تمشي في زواجة)

 

[وهج الخير]

لو صديقتى من بيت طيب وعاجل وخوش وحده اتشرف في انى اخطبها واول من يطرى على بالى اهيا
بس اذا مو من مواصفات الشخص اللى ذاكرها لى راح احاول انى اقول لزوج المستقبل عنها وامدحها واخليه يشوفها من غير ما تحس بزواره او دوام وافق وافق ما وافق هذى حياته والله مو كاتب لها نصيب عنده
يمكن عشان رفيجتى وانا اعرفها فانحاز لها لانى مشيت عمر معاها واعرف اخلاقها بس بقول لها عشان ما تزعل وااااااااى يا فلان يبينى ادور له مره بس يبيها قصيره لان اهوا قصير جان زين لو انتى قزمه والله لخطبك له لوووووووول اخذها على غشمره عشان لسمعت انا آنا اللى خطبت له ما تقول حقرتنى او احط عذر ثانى يبى مواصفات معينه عشان ما اجرحها
بس فيه بنات اللهم يا كافى والله لسمعوا انك تدورين اشكره يتهاوشون معاج واهما قمه بال......... ما تقدرين تزوجينهم لاهلك من الجراءه وقواة العين فهذى اهاديها لما تفارج يحيل الله شنسوى بعد

 

[المكسيكيه]

والله عن نفسي اذا كان الشخصطيب واخلاق والبنت طييبة واخلاق
ممكن ادل

بس في مثل يقول


( امشي في جنازة ولا تمشي في زواجة)

رايي من رايها:eh_s(6):

 

[راحيل العبدلي]

والله عن نفسي اذا كان الشخص طيب واخلاق والبنت طييبة واخلاق
ممكن ادل

بس في مثل يقول


( امشي في جنازة ولا تمشي في زواجة)

علولي ..
خوش رايج و الله .. :tek:

و قواج الله اختي ..

.

 

[راحيل العبدلي]

لو صديقتى من بيت طيب وعاجل وخوش وحده اتشرف في انى اخطبها واول من يطرى على بالى اهيا
بس اذا مو من مواصفات الشخص اللى ذاكرها لى راح احاول انى اقول لزوج المستقبل عنها وامدحها واخليه يشوفها من غير ما تحس بزواره او دوام وافق وافق ما وافق هذى حياته والله مو كاتب لها نصيب عنده
يمكن عشان رفيجتى وانا اعرفها فانحاز لها لانى مشيت عمر معاها واعرف اخلاقها بس بقول لها عشان ما تزعل وااااااااى يا فلان يبينى ادور له مره بس يبيها قصيره لان اهوا قصير جان زين لو انتى قزمه والله لخطبك له لوووووووول اخذها على غشمره عشان لسمعت انا آنا اللى خطبت له ما تقول حقرتنى او احط عذر ثانى يبى مواصفات معينه عشان ما اجرحها
بس فيه بنات اللهم يا كافى والله لسمعوا انك تدورين اشكره يتهاوشون معاج واهما قمه بال......... ما تقدرين تزوجينهم لاهلك من الجراءه وقواة العين فهذى اهاديها لما تفارج يحيل الله شنسوى بعد

وهج الخير ..
ما شاء الله عليج و على أسلوبج في كسب رفيجتج .. عساس ما تاخذ بخاطرها ..
و صاجه في بنات الله يستر عليهن .. انا أحيانا صارت لي مثلا رفيجتي ادور لأخوها زوجه ..
و الحمدلله ما تضايقت قبل لا أملج و همن انا دورت لاخوي مره بدون ما أتطرق لرفيجتي مع
انها من القبيله الي اخوي يبي منهم و كان يأكدلي انه يبيها .. بس لاني متأكده انهم ماراح يتوافقون ..
لاني عارفه رفيجتي عدل و عارفه اخوي عدل .. والحمدلله تزوجت رفيجتي و معيله بعد ..
و قواج الله حبوبه ..
.

 

[راحيل العبدلي]

رايي من رايها:eh_s(6):

المكسيكيه ..

حياج الله و رايج وصــل .. :ggdw:
.
قواج الله ..

 

[brettey]

تدرين عيل انا رفيجتي تسولف لي مره عن سالفه بنت خالتها هالكلام من 5 او 6 سنين اهي حلوه وحبوبه وكشخه عندها وحده من رفيجاتها تغار منها غيره مو طبيعيه مع انها تزوجت قبلها وزوجها ملعوزها بس ماكانت تدري لان كانت كله تمدحه عند بنت خاله رفيجتي وحماها خربوطي ورايح فيها وكانوا بزوجونه وقامت من كثر ماتغار منها ذكرتها حق حماها واهي ماتدرى ان حمى رفيجتها خربوطي وتزوجها بس على حظ البنت تسنع لها ومسويها يادهينه لاتنكتين وخلى رفيجتها والي بنفس الوقت صارت مرت حماها تكرهها اكثر لدرجه ان اتهمتها بالسحر انها ساحره زوجها ولا اشلون تعدل من خذته

من حفر حفره لاخيه وقع فيها ذكرت رفيجتها حق حماها مسويه روحها تبيلها الخير واهي قاصده انها تضرها بس تسنع على حظ البنت تقول لدرجه ان مره سامعتها تتكلم بالتلفون صدفه قاعده تقول اموت واعرف هالخربوطي اشلون تسنع على حظها ؟اكيد ساحرته لانه كان مو مال زواج وكان العن من زوجي ومبين ان الي بتتزوجه بتتاذى منه اشلون تسنع على حظها ؟

 

[miss_math]

والله هالموقف صار لي بس عادي الزواج قسمة ونصيب

 

[الغدق]

والله لو أخوي أوكي عادي
بس اهل حمولتي مالي شغل
باجر يصير شي بينها لا سمح الله
مايتوالمون واتصير بويهي
ابعد عن الشر وغنيله

 

[شمووووع الليل]

حبيبتي على حسب الوووحدة ونيتهااا اذا كانت تبي الخيرر وتخاااف ربهاااا اوكانت العكس وسبحااان الله كل شي على حسب النية واللي ربي كاااتبة يصير وربي اللي يرزق الانسااان سبحاانة

 

[kekat kakaw]

والله عن نفسي اذا كان الشخصطيب واخلاق والبنت طييبة واخلاق
ممكن ادل

بس في مثل يقول


( امشي في جنازة ولا تمشي في زواجة)

عجبني المثل !!

 

[katoya]

brettey خوش موقف بصراحة

 

[ضعيفه وعصله]

الوحده لازم تقتنع لو العالم كله يخطبه ما راح تاخذ الا نصيبها

 

[hello.kitty_85]

والله عن نفسي اذا كان الشخصطيب واخلاق والبنت طييبة واخلاق
ممكن ادل

بس في مثل يقول


( امشي في جنازة ولا تمشي في زواجة)

مثل رايها .. وبعدين الزواج قسمة ونصيب وليش احط نفسي بهالموقف يعني يمكن تطلع البنيه مو زينه او تتغير او اتلعوز الريال ويمكن بالعكس يطلع الريال مو زين وتالي ينحط كل شي براسي واتسبب حق نفسي بحجي وملامه مالها داعي

 

[ام حمود الغالي]

لا والله الوحده على قولتهم تمشي بجنازه ولا تمشي بزواجه .. ماينوبج اخرتها غير المشاكل .. وعن تجربه.

 

[مناير البيت]

الزواج قسمه ونصيب وكلن بيجيه نصيبه,,

بس مثل راي الخوات امشي بجنازه ولاتمشي بجوازه,,

قواج الله ,,

 

[هاناا]

لازم الكل يعرف انها قسمة و نصيب


و في بعض الاحيان الوحدة تخاف تحط بذمتها

و بالاخر يمكن ما يتوفقون

وقتها تطيح باحراج

 

[om_3kash]

ايي صح قبل فتره وحده حاطه موضوع عن هلسالفه تتشره على عمتهـاا لييش اخطبت لهم وحده من بره عايلتهم و اهيه موجووده

بعد الزواج موو غصب يمكن الام رشحتلهـ هلبنيه بس الولد مايبيهـا و يمكن الريال يحب وحده وحاط اباله وحده

و يمكن الريال يبي مواصفات معينه مو موجوده بالبنت

وبالاخير كل شي قسمه ونصيب

انا اقول البنيهـ لو تخلي فكره الزوااج اخر اهتماماتها و تتفرغ حق دراستهـاا و حق نفسها وايد ابرك و متى ما يه المعرس يه