بولد باأول شهري بطلق صنعي مابي انطر

[فووشيه كول]

بنات شرايكم انا تعبانه نفسيتي من الحمل وماقمت اتحمل ودي اقول لدكتوره تعطيني طلق صناعي واولد انشالله في وحده نفسي ولدت نفسه

 

[*فرحة عمري*]

وااااايد الي يولدون نفسهم
بس اول شي سوي تحاليل شاملة
سوي تخطيط و سونار
و استشيري

و اول شي استخيري الرحمن
وعسي يارب يريحج ويريحني بشوفه عيالنا مشافين معافين​

 

[فووشيه كول]

امين الله يجزاج خير حبيبتي

 

[يا عيون سمي]

كل هذا اجر

لاتستعيلين

 

[فووشيه كول]

بنات منو ولدت نفسه او تعرف وحده ولدت باول شهره بطلق صناعي

 

[فووشيه كول]

انا ودي عشان برتاح والله نفسيتي حيل تعبت

 

[مشتطـه]

والله يا اختي الولاده خليها إتيي من الله احسن

عشان يكتمل ؟؟؟

 

[الحــــــلا كله]

ما اايد يعني انتي تحملتي ٩ شهور كمليها اسبوعين بالكثير وتولدين ان شاء الله

 

[فرااااولة]

اللي فيه الخير الله كاتبه
لا تستعيلين
شدعوه نطرتي كل هالاشهر يت على جم اسبوع!!

 

[زنوبيا]

الله يهون عليج وعلى كل الحوامل بالسلامة

 

[aady]

7awli tamshin gabl el 6lg el9ina3i

 

[بيتي بوب بس كويتيه]

حبيبتي تحملي كلها أسبوعين او اكثر بشوي وتولدين
انا كنت احن ابي أولد اول التاسع وسبحان الله يالي الطلق اوله وولدت بدون طلق صناعي

 

[فووشيه كول]

امين انشالله اولد بدون طلق اتمنه

 

[قلبي خالد]

مادري احس مغامرة احطي بالج احتمالات انه مافتح الرحم بالطلق الصناعي او ضعف نبض البيبي لانه الطلق الصناعي ينزل ضغط البيبي او مانزل البيبي للحوض او او او او او عشان جذي فكري عدل و تحملي نتيجه قرارتج و لاتحسفين

 

[Ahwk]

شكلج بجر وماتعرفين الولاده والله ماادري انا عن نفسي انطر واحيانا ادش العاشر واخليها علي الله ترا الولاده مو سهله سبحان الله طلعت روح من روح
انصحج تنطرين وسالي الدكتوره والله يسهل عليج وتولدين بسلامه

 

[فووشيه كول]

جزاكم الله الف خير حبيبي ماقصرتو مشكورين علي النصايح

 

[مظلومة حيل]

لا لا لا تفكرين تولدين بطلق صناعي انا قبل لما تعبت باول التاسع قلت لدكتور طلق صناعي و تحاميل تفتح الرحم قال اذا حطينا طلق صناعي و تحاميل و ما فتح الرحم احتمال يرتفع الضغط و و تزيد ضربات القلب بقووة و تتعبين و نسوي لج عملية و تتعذبين دام نطرتني كل هالثمان شهور انطري هالشهر سهالات
بس نصيحة لا تولدين من نفسج واحتمال الجاهل يبي يقعد اكثر و كل ما قعد اكثر ترى تزيدة مناعه واحسن له ولج

 

[ام الحلوااات]

حـــبــيـــتــــي نـــطــــري ســـــااااعــــــة ولادتــــــج ولا تـــســتــعـــيـــلـــيـــــن وااايـــــــــد انـــتــي نــطـــــرتـــي 9 شـــهــــور مـــا فـــيـــج تـــنـــطـــريـــن اســـبـــوعــــيـــن ثــــلاثــــه صـــبـــري ولا تــعــــرضـــيـــن نـــفــــســــج والـــبــيــبــي للـــخــــطـــر
عـــســــى اللـــــه يـــهـــــووون عـــلـــيـــج ويـــقـــومـــــج بـــالــــســـــلامـــــه مـــن دوووون طــــلـــــق صـــنــــاااعــــي​

 

[عشقي حقيقي]

هلا حبيتي انا ولدت نفسي في ولد عند الدكتوره ماجده اليتامي. والحين انا باخر الثامن انشاء لله باخذ من التااسع 10 ايام بولد. طلق صناعي.

 

[أم عزيـز]

اعرف وحده من تدش شهرها ويتأكدون من وزن البيبي وحجمه يولدونها طلق صناعي
بس اهي حاله خاصه لان مرت بظروف حمل سابق وتوفى البيبي
ومن بعدها قاموا ما ينطرونها تخلص شهرها تقريبا ثاني اسبوع من التاسع يولدونها