بولد ونسبة دمي 8 حيل نازلة منو مرت نفسي

[ام الحلوين77]

بنات أنا حيل خايفة واحاتي

أنا محددين ولادتي يوم السبت

وأمس خذيت تحليل الا دمي واصل 8

منو مرت بنفس حالتي ودمها8

وهل احتاجة نقل دم خايفة ينقلون دم

وأبي متي يستدي نقل الدم للحامل

اذا نسبتها جم

 

[أم سعود1]

السلام عليكم
مثل حالتي ولادتي يوم السبت الي وراه
وصرف لي دكتوري دربات حديد اخذ دربين كل يومين
عشان يرتفع الدم

 

[رنيم الروح]

حبيبتي صدقيني عليك بالزبيب اليمني او الاسود سوا اخذتيه اكل بعد ماتنقعينه في مويه
او بشكل عصير يرفع الدم بنسبه عاليه حاولي تستمرين عليه لانه مع الولاده راح ينقص اكثر وبتفقدين دم كثير

 

[حكآية قلب]

الله يستر عليج ويشافيج


اناااا نسبة دمي٩ و صرفولي


حديد وريدي لمدة اربع اسابيع


استشيري دكتور شااااطر لاااتاخذين كلاااام احد

 

[Zaina-al-zaina]

حبوبه لاااااازم جيس دم


انا رفضت اخذ دم وكانت نسبة دمي نازله وقالت لي الدكتورا
لازم جيس دم وابر حديد !!!

وانا رفضت ! وصج صج تعبت بعد الولاده وانهرت !!! وقلت ياليتني خذيت من اول مرا !!!

واضطروا يعطوني دم اثناء الولاده وبعد الولاده !!! صحتي تعبت وااايد مو شويه !!!

اخذي دم ضروري ولا تخافين !!! اذا كلش متوترا استخيري !!!

واوصيج اكلي زين !! لاتقولين مااشتهي !! تغذي عدل قبل الولاده !!!


والله يوفقج ويسر ولادتج ويسر كل كل الحريم ...

 

[auoma]

ديري بالج هذه ولاده
انا كانت نسبة دمي ١٢
وبالولاده حاشني نزيف وولدت قيصري ونزلت نسبة دمي لي٧ وعطوني جياس دم وحبوب
بعيد الشر عن الجميع بس دبروا بالكم
انا قتلكم قصتي عشان تعرفون بالولاده الوحده ماتدري شصير

 

[no0oralq8]

انا بالتاسع ونسبة دمي 7 بس عطاني حبوب حديد!!
ماقال احتاج اجياس دم؟ منو دكاترتكم؟؟

 

[أأأميرة الورد]

انا بولادتي كانت نسبة دمي 8
والدكتور خاف لا يجيني نزيف بعد الولاده والحمدالله تسهلت الامور

بس كان اهمال مني ماكنت اكل فيتامينات ولا اهتميت بروحي

 

[ام الحلوين77]

مشكورين بنات

مناي وهناي

انتي بحزة الولادة كانت 8

ماركبولج دم انزين بعد الولادة جم صارت نسبتج

ضروري والي يعافيج

 

[اينااس]

عااادى احس انا ينزل الدم عندى 6 او 7 عليش باتغذيه

واذ نصحش الدكتور تر كبين دم حطى لانه اذ محطته قبل الولاد ه بيحطوونه لك بعد الولاده قصب عنش

 

[&هند&]

حبيبتي اكلي فلفل بارد احمر ويا الشمندر والزبيب الاسود يرفعون نسبت الدم بشكل سريع والله يهون عليج ويقومج بالسلامه ،،،،

 

[دلوعة مبارك]

انا نفس حالتج


وصلت للتاسع والدكتورة تهاوشني .... صرفت لي حبوب مانفعت وياي


اخر شي عطتني ابر حديد لمدة اتوقع 5 ايام او 7 ايام ..... فوق هذا تقول مو المطلوب بس اشواااا


عاد استمريت ع البقدونس و الطماط والفواكهة ..... والحمداللة وصلت للمطلوب


والحين تقول لي ملفج يخوف عندج قبل فقر دم والحين ديري بالج واكلي عدل واشربي قبل النوم حليب وهالسوالف



والله يقومج بالســــلامة يالغلا ....

 

[ام فواازي]

ضعف الدم خطر حزت الولاده يسبب نزيف حبوبه شوفي دكتورج شنو ينصحج فيه و سويه

 

[هيللو كيتي]

ام الحلوين الله يقومج بالسلامه يارب

بس مو زين و دامج عمليه اجليها وروحي للدكتور وعطيه تحاليلج

انا قبل بولادتي اول التاسع وديت تحليلي لدكتوري وانصدم نسبة دمي ٨ وقال ماراح افحصج ولا تسوين شي يساعد عالولادة

وكتب لي علي امبولات حديد بالوريد لمدة اسبوعين يوم وترك احط امبولتين اسمهم فيروساك كنت اروح لمستشفي خاص ويحطونهم لي بدريب ١٤ امبوله لين خلصو وعدت التحليل وحمدالله ارتفع حيل وعقب ولدني وكان مجهز لي كيس دم احتياط بعد..

نصيحتي لج لاا تتهاونين وروحي لاكثر من دكتور شاطر ..

ويارب ان شالله تسهل امورج

ولاحد يقولج عادي اسألي مجربين والاكل والحبوب تطول علي ماتجيب مفعول وانتي بالتاسع فالامبولات اضمن شي..

 

[اسيل الصمت]

هلا حبيبتي ام الحلوين
انا ولادتي كانت تاريخ 24-3

نسبة دمي كانت وايد نازله 6.5 والدكتور اثناء الولاده خافت وايد انه يصير فيني شي
هذا كله لاني ماكنت اكل حديد ولا فيتامينات حتى اكل ما كنت اكل وزني نازل 15 كيلو وانا حامل
حتى الدكتوره كتبت لي حبوب حديد وابر ماخذيتهم بس صرراحه وايد تعبت بولادتي وحتى اللحين بعد ولادتي
حاسه بتعب مو طبيعي انصحج حبيبتي تتغذين عدل وتاخذين حديد سواء ابر او حبوب واكلي عدل وان شاء الله ربي يسهل عليج

 

[om_3azoz]

انا نسبت دمي كانت 8 كنت اخر الثامن تقريبا صرفت لي الدكتوره دربات الحديد كل يومين لين صار بس 10 والحمدالله عدت على خير بس بعد الولاده طحت غشيانه

 

[ام فوااز]

حبيبتي تحت 8 يعطون دم
لاتعاندين الدكتور اهم شي اذا قال بيعطييج
والله يسهل عليج

 

[ام الحلوااات]

اللــــه يـــــقــــــومـــــج بــــاالــــســـــــلامــــه

 

[نوتيلااا]

وانا بعد نفس الشي بالتاسع ودمي ٨ موراضي يرتفع ادعولي.. بنات وين احسن مكان اخذ عنده ابر الحديد؟

 

[بنت الثانوية]

انا كنت 6 ونص بالسابع بس ما قالتلي الدكتوره اخذي دربات ولا شي ’’

بس انا من كيفي قمت آخذ حبوب حديد قويه ,, ما حطولي وقت الولاده دم بس عقب الولاده طحت عليهم ,,