بولد ونسبة دمي 8 حيل نازلة منو مرت نفسي

[عالمي المجنون]

حزة ولادتي كان دمي 6 واايد تعبت اثناء و بعد الولادة

و فقدت وايد دم و أنا أولد لان اشفطو ولدي

فبعد الولادة حطولي مغذي حديد لي بعد الولادة ب10 ايام

و الحين أنا حامل و الدكتور حده خائف من نسبة دمي

بال40 وايد تعبت كانت تصيدني رجفة و دوخة و ما اقدر اعتني بالبيبي

 

[ام فوااز]

أنا جذي بولدي فواز كنت بالتاسع ونسبة دمي 8 وعطوني جيس دم
أنا يمكن اخنلف عنج أنا معاي انيميا منجلية. مرض مزمن فلما ينزل دمي بالحمال ينقولولي دم
وهالشي إذا لابد منه بعد لازم.

 

[همس الغلا..]

انا كان سبعه وعطوني كيسين دم

 

[نوتيلااا]

بنات وين احسن مستشفى او عياده حق الابر

 

[روح الأحزان]

والله خوفتوني انه عندي انيميا وبعيد التحليل السبت اذا مومرتفع بتعطيني ابر حديد

 

[مظلومة حيل]

انا كان دمي ٨ ضبط شوي وبينزل كنت باخر السابع
زفتني الدكتورة قالت وقت الولادة راح ينزل و يبيلج اكياس دم مو زين جذي و راح اتعب بالولادة
عاد انا ماحب لا فواكة ولا خضرة من احمل لين اولد و تخرعت سويت بحث بقوقل اكتشفت ان فقر الدم
يقلل وصول الاوكسجين للمخ و كنت كل شوي ادوخ مرات اطيح مغمي علي
ويقلل وصول الاوكسجين للجنين و ممكن تصير له مشاكل
و يسبب تشمع للكبد عاد كل شي يتعوض الا الكبد
و يسبب ضربات سريعة للقلب و كنت اتعب احس كاني راكضة
و دوخة




بس الحمدلله حطيت حيلي بالجرجير و البقدونس و الفواكة و الحمدلله ارتفعت و صارت ٩ ونص بس للحين فقر دم بس احسن من اول والله يشافينا و يقومنا بالسلامة

 

[brettey]

انا نفس حالتج كله دمي نازل وفقر دم بس تلاحقت عمري بحبوب تراي هيميك او اخذي انبولات الحديد مع عصير برتقال بس كلمي دكتورج
بس انا اساسا معاي انيميا وللاسف طريقتي بالاكل غلط
بس كنت اخذ هالحبوب من الشهر السادس على ما ايي وقت الولاده يكون دمي اوكي بس بالنفاس اخر ولاده لي عطوني انبولات الحديد مع عصير برتقال اخلطه