بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

[مزيونه وشقره]

بدخل بالسالفه على طوووول
انا اشتري من بو100 فلس


اسفنج للشدو
( ما استغنا عنهم كل ما اروح اشتري منهم)

العاب لعيالي

مفارش نايلون
( اخذتهم وحطيتهم بالحمام عزكم الله تحت الشامبوهات والسنفرات )


قواعد للصابون
( شريت منهم وحطيتهم لللشاليه شكلهم حلو )
0
كيس بلاستيك يكون على رول
( بصراحه مستحيل استغني عنه استعمله لسلة الزباله عزكم الله حتى شكله حلو وذرب وخفيفواحط فيه اي شي ابيه يعني مفييييد وحلو مثله بالجمعيات يبيعون 3 حبات بدينار وربع )

مقص
( اشتري كبير واخليه بالمطبخ افتح فيه علبة حليب او شوريه او بطاط او اي شي)

مشخال او منخل

اكسسوارات وتراجي
( اشتري حق خدامتي كل ما رحت اشتري لها شي وتستانس ومره شريت لها جنطه صغيره فيها مقراضه ومبرد وملقط وحدها فرحااانه فيها )

المشط الصغير الناعم
( تكون مجموعه محطوطه مع بعض اشتريهم واخذ اصغر واحد واحطه بجنطتي دايم لي ولبنتي )

شباصات لبنتي
( مره شريتلها شباصه على فراشه حلوه لقيتها بكليرز ب 1,750 )

دلاغات شفافه وثقيله بعد
( عند غيره الاقيم بنص او 3 بدينار )

دس نايلون
( للمطبخ دس نايلون او احط خلطه على ايدي واستخدمه كذا مره )

شور كاب
( يكون في 3 او 6 وبصراحه عجيب تستخدمينه اكثر من مره هم هالشي ما استغنى عنه )


شريت مره شدو بني من قبل 4 سنين للحين استخدمه ويبي يخلص حسافه

ها اشرايكم واذا تذكرت بعد بقولكم

 

[مزيونه وشقره]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

والله تذكرت مره شريت غندور للشكر والله يهبل وسهل ايستخدامه

وشريت قفاش نايلون للحين استخدمهم حق اكل عيالي

 

[@ دهن العود @]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

يا حلو ابو ميه يوووووووووونس هههههههه

انا اخذ منهم

كابات النايلون حق حمام الزيت

وعلب ادوات البدكير مانكير

ورد مجفف وسلات حق عزكم الله الحمام

علب فاضيه حق الخلطات والكريمات والزيوت

اسفنج للشدو

قواعد للصابون

كروت للهدايا الصغار

اكياس هدايا

تحف وشموع للتزيين

مشط

شباصات

ادوات خياطه



هذا اللى على بالى الحين اذا تذكرت رديت كتبت مره ثانيه

 

[شدن76]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

مشكورة على الموضوع


بس بغيت انبه على شغلة سمعتها من كذا مصدر

مو اي شى تاخذينه من ابو مية لان معروف ان تصنيع بضاعتهم من النوع الرديء

يعني بعض العاب الاطفال ديري بالج منها وبعد المكياج وشغلات المطبخ (الملاعق الخخخخخخخخخخخخخخخخ



عني انا اخذ منهم

كراسات التلوين

شباصات

نقوشات الحنة

قصص للاطفال

ظروف

أكياس الهدايا

 

[زلابيا]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

بو 100 مكاني المفضل لازم بين فتره وفتره اروج اجيك اشوف شمنزلين شي يديد
اشتري العاب حق عيال صفي
علاليق ( اللي ينلزقون بالطوفه)
اسفنج ( حق المكياج)
شبابيص
براويز ( اشكالهم حلوه تقدرين ترزينهم بأي مكان)
والله وايد سوالف انشاءالله اذكر واقولكم
مشكوره ام سالم

 

[كلي تفاؤل]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

ورد مجفف وسلات اسفنج للشدو واخذ منهم مناااظر للتفوق او الولادة والصق عليهم كاكاو ..

وصاجة شدن76مرة واحد من جماعتنا اشتر لولده كرة داخلها بودرة او شئ جذي الولد لعب بالكرة وبطها شطانه جهال صارت البودرة على وجهه على طووول حسس وانتفخت براطمة نوموه يوم بالمستشفى ...

والصحون البلاستك بنت خالى تشتغل بالمستشفى تقوول ديروا بالكم منها كل رصااااص ..
حبيت انبهكم بس ..من هالشغلات


ومشكور ع الموضوع يونسس

 

[مزيونه وشقره]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

شرفتوا الموضوع حبايبي شكرا عالمرووور وعالاشياء الحلوه اللي تشترونها

 

[chica_q8iya]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

مشكورة عالموضوع وايد حلو!

انا عندي أحلى شي عند بو امية الشباصااااااات أشكال وألوان!
واشتري منهم بعد المنظرة الصغيرة
وأقلام ومقصات وفرش تلوين
أشتري باند حق الشعر
شور كاب
دلاغات
وشريت منهم كذا مرة سي دي والت ,,,,,,,اللي يصير مثل بوك حق السيديات يشيل 24 سي دي ب100 فلس بس!
علب وقواعد للصابون وعندهم اللي يتلزق على طوفة الحمام!
دفاتر
جميع أدوات التغليف للهدايا

ووايد أشياء الصراحة ماذكرهم!

 

[مزيونه وشقره]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

اي بعد انا اشتري الورد اللي يتلزق على الهديه تلاقينه بالمكتبات بربع الكبيره وعندهم 100 فلس

وبعد مره من المرات شريت مداليه ب100 فلس لقيتها في بيت ديفا مسوينها تراجي ويبيعونها على 28 دينار شوفي الفرق ههههههههههههه

 

[خبيرة اعشاب]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

غرامي ابو ميه ...

طبعا اول ما ادش اروح للشباصات ...اشتري بعد شيره ( يجيبون الشيره السوريه اتهبببل )
العاب اطفال
ورود مجففه
مواعين
مشخال
فوط صغيره للمطبخ
الرول البلاستيك الازرق
قواطي صغيره للبهارات و السوالف هاذي

مكياج ابو ميه صراحه اخااف منه بس في مراات بايام زمان يجيبون شغلات حلوة ( بودرات و علب شدو..و حمر ..) دايما اشتري منهم كميه و اذا سافرت لسوريا و لا شي اهديهم على جيراننا السوريين اللي هناك يموتون فيهم ..
اشتري بعد ادلاغات و ملابس ذاخليه للخدامه

ما اري و الله المهم اني اترس السله و ما اطلع الا ب9 او 10 دنانير

بس صراحه الواحد يستانس فيه

 

[كويتية ذربه]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

ياحلاته ابو 100 اذا دشيته ماادري ليش ارز نفسي واحس اني تاجرره هههههه

شوفي انا اخذ منه جلاليب النشر مالت الملابس والصخره السوده والمقصات خصوصا الكبار روووعه والسكاكين يهبلووون مالوتهم في نوع معين حيل يعجبني هناك

الوان لعيالي وكم لعبه وانا الي راده البيت ههههههههه

 

[حبنا الله عليه]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

يحليلكم بنات انا اموت ما ادشه ريحتهم تذبحني

ولا اعرف اتسوق فيه احسه دثره من قلب

امي مرات تدشه تشتري اجياس زباله الرول ولا بيز للمطبخ

واختي تشتري لطلبتها خرابييييط مثل كراريس ومذكرات وتلوين .... الخ

اما انا ما اواطنهم لا اهم ولا المحاميد ولا الأسواق الشعبية كلها

 

[far007a]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

ام سالم ........ اي سوق بو 100 تروحين؟؟؟
انا اروح اللي بالمعلم في حولي مافيه كل هالاشياء اللي قلتيها

ماكو دلاقات شفافة ابي منهم شوقتيني

 

[العيون الثاقبة]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

فعلا أبو 100 فلس يونس بس أنا ما روحله دايم تدرون حكككككككككككككككككككككره

بس بناتي يروحون مع بنات خالتهم ويدتهم ويشترون :

شباصات

بوك

حقيبة أكل وحق ملابس الألعاب

صحون

كراسه وألوان ومقص ولزاق وصمغ وبنتي تقول صمغهم مو أصلي

مساطر

دفتر رسائل وأظرف


مساحات وبرايات ودفاتر

أدوات الحفر للبحر

إكسسوار

بالونات

مقلمات


8
8
8
8
8
8
8
8
8
ودمتم سالمين

 

[nono78]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

مااحب سوق بو 100 فيني عقده منه >>>>>>قبل سنتين كنت بالمدرسه وقطيعه كل ساعه مطرشيني سوق بو 100 عشان جذي كرهته

 

[كويتية ذربه]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

تدرون بنات مره رحت ابو 100 الي بالفحيحيل اسمه سوق مكه يم الغانم

تدرون شلقيت فيه

صحون فندقية صينيه مالت الفنادق الحبه ب100 تذكرت وحبيت ارد واكتب

 

[بنت الشمالي]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

ههههههههههههههههههه بنات تذكرت مره اخذت عيالي سوق بو ميه
ماخلو شي ماخذوه حتى القفاش حطوهم بالباسكت هههههههههههههه واااااي يفشلون

 

[الحياة]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

الله بو 100 عجيييييييب مالنا قناةة عنه

هههههههههه

عسى بس يدوم لانه كل ماله ويشيلونه

وبالنسبة للاغراض كل شي اشتري من مرايل حق المططبخ حق الخدم واايد حلوين الواحد بـ500دينار
واشتري مقصات
وترتر
تغليف هدايا واكسسوارات حق الهدية

وبما اني ابلة روضة فانا 24 ساعه اهناك والحين ماخذه اجازة من بو 100 ماادري شنو اليديد عنده
هههههههههههههههههه

اكسسوارات وتراجي حق البيت مع بجاماتي ودراريع البيت ،
اشتري عواد اذون واسنان..
وكبابيس النايلون مالوت الحمام هذيله شي ضروري..
عندهم مشوط حلوة حق الصبغة شفتهم عند الجوثن الواحد بدينار واهناك بـ100 فلس
العاب حق عيال اخوي وعيال اختي
طبعا اللعبه ماتطول عندهم يومين على بعض
ههههههههههه

وبعد خو بو 100 تدشين ماتطلعين الا والفاتورة 10 دنانير

 

[مزيونه وشقره]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

انا اروح بو اميه اللي بالفروانيه يم مجمع الحمرا مول المجمع اللي فيه عبي عنده الدلاغات الشفافه والمتينه وكل شي عنده واروح اللي بسوق الديره بس الفروانيه احلا عنده فناتق

 

[البسمله]

مشاركة: بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

اهليييييييين بالحلوات
انا ما احب ابو امية بسبة زوجي لان غراااااااااااامه ابو امية ودايما يطلع اشياء غريبة منه واللي يدور يلقى
امس رحت للي في المعلم اللي بحولي وشريت كراسي ( طاولة) حق مطارة الماي للبحر ب100فلس وملف لكروت الطبيب
بس احلى ابو ميه اللي بسوق المحاميد كل شي فيه