بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

[مزيونه وشقره]

شكرا عالمرور

 

[الدلوعه]

انا صراحه لما ادخل بو اميه انسى نفسي

كل شئ اشتري

مواعين
شباصات
اسيتون

شغلات حق الحمام وانتوا بكرامه

بس انا ابي اسأل كياس الزباله اللى تتكلمون عنها شلون صايره لان شوقتونى اشتري منهم بس ماعرفتهم
لايكون قصدكم الكياس السود .....؟

 

[مزيونه وشقره]

(( الدلوعه )) كياس الزباله وانتي بكرامه يجون على شكل رول شكلهم ما كانهم كياس زباله انتي سالي راعي المحل وقوليله ابي كياس الزباله او الكياس الرول هم مثل ماقلتلج رول والكياس متلاصقه ببعض وتقطعين كل كيس بروح وفي منهم الوان وردي ازرق ابيض اسود وحجمهم يكفي سلة الزباله الصغيره وانا استخدمهم حق كل شي يعني متعدد الاستعمالا <<< سوت دعايه مجانيه =)

 

[شكليطه]

مرحبا

عدنا مع الاكتشافات_(شكلي انا اللي نايمه بالعسل وتوني ادري عنها)



اكو يابنات اكياس حق حفظ الملابس........انا شريت حجمين

حلوين ..............لكن للامانه نوعيتهم مو ذاك الزود.......وخامه الجيس نفسه اي شي....خفيييييييفه جنها مالت كابات الشعر النايلون ملوت حمامات الزيت عرفتوهم؟

بس تصلح حق استخدام خفيف........يعني مو تكرفينه زود

انا علقت فيه البوالطو والبدلات اللي ما البسهم واااااااايد...وقلت اجرب واشوف شكثر يطول معاي؟

بس من اولها السحاب مخترب......


وسلامتكم

 

[ذكريات]

انا اشتري منهم اسنفج حق الشدو

و الشباصات

التراجي

عندهم مرات براويز حلوة

امي تاخذ العاب حق اليهال

المغناطيس اللي يتعلق على الثلاجة

اممممممممممممم

هذا اللي اذكره الحين

 

[مناوي]

السلام عليكم ورحمة الله وبركاته


انا اول صج صج ما احب شي اسمه ابو 100 انقرف اذا دخلته مع امي احين اموت فيه صج يونس انا شريت منهم :

فرشاة اكسجين
الباديه السوده حق الاكسجين
شباصات بانواعها سيور باندات حق المكياج ربطات ماشات كباسات
اخذ الاكياس الكرتون اذا رحت عرس ولا شي احد اغراضي

تصدقوووووون يبيله روحه خخخخخخخخخخخخخخخخخخ

 

[سوق الجمعة]

اي والله بو مية مالنا غنا عنه خصوصا وقت الدوام.. هدايا الجهال اللي ماتخلص .. وعنده الشباصات عجيبة وفرش الشدو..

بس اذكر مرة شريت منه صمغ طلع خايس من زمن جدي يوم حطيته على الفلين ذاب الفلين.. واذكر مرة شريت منه شريط فاضي يوم شغلته بالبيت طلع شريط درس انجليزي والمشكلة كان مغلف يعني جديد..

 

[نعومه]

بصراحة انا ما استغنى عن بو 100
اشتري
الوان
كراسات
استيكرز
صمغ
اقلام سبوره البيضاء
جلاد هدايا
ورود للهدايا
اكياس الزباله
ووو بس تعبت

 

[مزيونه وشقره]

يازينكم يا زين اللي تشترونه ويازين ذوقكم اشكركم عالمرووور

 

[واحشنى موت]

يونسسسس بوميه اروح واقول لعيالى طبواا وتخيروا ( يعنى كريمه )
المهم اشترى كاب شور - شباصات لان الاستهلاك عندنا زايد
مقراضة اظافر - كراس تلوين والوان للجهال - ستيكرات - علب حافظة نايلون -هدايا للخدامات من تراجى وغيره يااااااهى تسوى شغل وتونسهم

 

[مزيونه وشقره]

واحشني موت
مشكوره وفعلا الخدامات يفرحون بابسط شي

 

[مزيونه وشقره]

للفااائدة

 

[$ قطـوة المنتدى $]

رووووعه ..

ماشالله ..

سلمت يمناج يا ام سلومي ..( الله يحفظه ويخليه لج )

والصراحه خوش موضوع استفدت منه .. مرررة << على قولت السعودين

لانه مثل ما قلت لج انا ادخل بو 100 مادري شنو اشتري :S

يالله زين نحفظ حق اذا رحنا مرة ثانيه عشان نشتري ..

ويسلموووو على الموضوع الروعه حبيبتي

 

[مزيونه وشقره]

حياج الله قطوة المنتدى

 

[ياسميين]

مشكورة على الموضوع مزيونه
طبعا بو 100 لازم نمر عليه كل ما اروح السوق
والبنات كفوا ووفوا بالأشياء الزينه
اما هالأيام بما ان تجهيز مدارس لعيالي
اخذت اقلام اللوح منهم
السبورة اللاصقه اللي تنحط ورا الكتاب
مذكرات صغيرة
كلبسات ، فايلات
واذا ذكرت شي احطه لكم

 

[supermarket]

السبورة اللاصقه اللي تنحط ورا الكتاب

شنو هذي ؟؟ حطيلنا صورة

 

[مزيونه وشقره]

ياسمين الكويت من وين تشترينهم من اي سوق
حبايبي
شكرا عالمرووور

 

[لانا]

ابو اميه والله يونس اخذ منه...شباصات...ولاعات للفرن...اكياس نايلون..نوتات...سلال...اكياس للهدايا....اللزاق الشفاف اللي معاه قاعدته يتثبت عليها....هذا اللي اذكره الحين .....مشكوره حبوبتي على الموضوع

 

[ياسميين]

السبورة اللاصقة اللي يطلبونها المدرسات تنحط ورا الكتاب لتدريبهم على الكلمات او الاعداد.
ويكون مبروزين برسوم حلوه للصبيان والبنات
يا ليت اعرف أحط صورة
على العموم مزيونه انا القاهم دايما بمعلم الي بحولي او طيور الجنه واي استفسار انا حاضره

 

[قـ(عيوني)ـرة]

واااااااي شحلاته سوق بواميه
انا اذا رحت لازم اشتري جياس زباله وباويز والصخر الى جنه زجاج
والاصداف