بيت الكويت للاعمال الوطنيه

[فطومه من تمر]

هذا متحف موجود بالشويخ بجانب المسرح الشعبي

شي روعه اللي يروحله يحس انه في عالم ثاني يخلي الواحد يحس انه فعلا نحب الكويت ونخاف عليها

انا كنت متطوعه هناك وكنت اقابل الوفود والزوار بس ظروف الزواج ابعدتني شوي


انصحكم تزورون هالمتحف الروعه وهو عباره عن بانوراما للكويت من النشأة الى يومنا هذا


وتمثال صدام اللي انكسر بالعراق ترى راسه موجود بالمتحف



اتمنى لكم طيب الزياره

 

[سويتي الحلوه]

ينن المتحف
اصلا جم مره انا سويت حق الطلبه الي عندي رحله له

صج المتحف متعوب عليه

واحلا شي لاياج الاستاذ صالح ويبدا يشرح للطلبه عن الغزو

الصراحه انا مااطلع من هالمتحف الا باجيه
لان صج يذركني باليوم الاسود بحذافيره



وان شاء الله هالسنه بعد بسوي زياره للمتحف حق الطلبه




وصج الي مازارته خل تروح تزوره
ورسم الدخول بس دينار

 

[فطومه من تمر]

الاستاذ صالح والنعم في بوسعد ومليون نعم

والله انه ابونا كلنا

 

[NoWay2know]

مشكورة حبيبتي ... ان شاء الله لا صار وقت رحت هناك شكله حلوو

 

[فطومه من تمر]

كلمه حلو شوي بحق المتحف