بيت يديد

[اللدمي]

خواتي صديقاتي عفيه انا نازله بيت يديد بس انه مره قديم بس مو مشكله اهم شيئ انه ملك لنا المشكله انه قديم مره يبي ترميم وتعديل وانا مو موظفه وريلي عليه اقساط كيف اقدر ايمع حق الترميم شنو الطريقه

 

[ورود خذلتها العاصفه]

مادري بس حبيت ادش واباركلكم بالبيت الجديد منزل مبارك يارب

 

[اللدمي]

الله يبارك فيج بس عافيه ساعوني بافكاركم

 

[iTaLiyA]

والله مادري شلون بس اذا عطاج مصروف خشي منه شوي و دشي فيه جمعيه
و عساه منزل مبارك

 

[eman84]

والله مادري حبوبه

 

[نوره في وسط صوره]

والله اقتراحي عليج لو طابقين ممكن تاجرين طابق وتنطرين جم شهر وترممينه كله او اذا فيه ملحق هم حلو انج تاجرينه وتستفيدين منه وهذا الحل انج اتساعدين في توفير شي للترميم والله يباركلج فيه يارب

 

[sereen]

عساه منزل مبارك يارب يعطيج خيرة ويكافيج شرة شوفى عمرى :
1-اول شى عرفى الكاش وين يروح على شنو قاعدة اصرفينه كل شهر ؟؟؟؟ فى عندج خيارات:
*اتسوين budget نسيت شنو اسمها بالعربى
* سوى ورقه فيها كل مصاريفج
مثللا تبين اتسافرين :
روحى دول رخيصه وخلى السفر على خارج season عشان التذاكر ارخص
2- الاكل فى الخار ج والمطاعم ماله داعى مرة بالشهر حتى لو كنتى من النوع اللى ياكل بالدوام حضرى اكلج معاج لان اكل المطاعم خاصه
الفاست فووود والفلافل ترى على نهاية الشهر الحساب يجمع بالتالى اكل البيت يظل ارخص او تشترين وجبات الخاصه بالمايكريف.
3- اشترى سيارة قليلة الصيانه وقليلة استهلاك بنزين
4- قليلى فاتورة الكهربا والماى من خلال ستخدام نوع اضاءات معينه وسكرى التكيف او التدفئة اذا مافى احد فى البيت استخدام الاباجورات اكثر
5- فواتير السل فون
دايما اخذى العروض بس ها تاكدى من العروض تكون صج مجزيه وتوفر عشان لاتنصدمين باخر الشهر مرات اتحطين خدمات انتى فى غنى عنها ؟

6- قيادة اقل خلى مشاويرج قدر الامكان بيوم واحد او استخدمى البا ص ولوانى اشك يعنى بس حاولى حاولى طبعا لو فى بلد اوربى ياحلوة من باص اقعد فيه طول اليوم
7- اغراض البيت , اشترى من محلات الجمله مثل الايرانين مركز سلطان الشويخ بس ديربالج هالاماكن بعد اتخليج تصرفين خاصه السوالف اللى انتى منتى تستهلكينها عشان جذيه سويلج لسته بالاشياء اللى تحتاجينها عشان تخلصين اطلعين لا تسمحين لنفسج بالتمشى ابدا
8- طلع مع الربع والبنات افضل شى ان يتم اختيار مكان رخيص بتعدوا عن الغالى لان بصراحه ماهو اكل كثر ماهو سوالف وجو عدل ؟
9- جمعى كوبونات وعروض وكثر من بوبلاش يعنى اخذ واحد والثانى مجانا او نص السعر يعنى هالسوالف

10- لا تسجليين فى نادى رياضه لا لعبى بالبيت احسن لج
11-- ابدا ابد لاتستخدمين كردت كارد او فيزا بالسوق خلى كاش وعرفى جم سحبتى ورجعىى البطاقه البيت لاتخلينها معاج عشان اتراقبين صرفج
12- جمعى فلوس وسيفى
13- تبين تشترين شى شغله نفنوف او تحفه عطى نفسج 48 ساعه راجعى نفسج وراجعى الشغله وسالى نفسج محتاجتها ولالالا و حق شنو وليش
14- شراء اغراض مستعمله مثلا سيارة او ثلاجه او استعيرى اغراض وقتيه مثلا فستان او اكسسوار او حذاء خاصه بمناسبه وسوفه تنتهى بوقت قصير

 

[ام سعودي باشا]

احسن شى كل شةر سويلج شغلة وبعدين اهلة واخوانة مايساعدونة

 

[دهن عود معتق]

منزل مبااااااارك

جان زين اقدر افيدج
بس انا فااااااااااااااااااشله درجة اولى بتيمع الفلوس
انا هدفي بالحياة تفسفس الفلوس
هههه

بس اعتقد الترميم يبيله مبلغ كبير
الافضل تاجير البيت وتقعدين في بيت اهله
او تاخذون قرض للترميم

الله يساعدج

 

[MaZyOoOoNa]

والله اقتراحي عليج لو طابقين ممكن تاجرين طابق وتنطرين جم شهر وترممينه كله او اذا فيه ملحق هم حلو انج تاجرينه وتستفيدين منه وهذا الحل انج اتساعدين في توفير شي للترميم والله يباركلج فيه يارب

نفس راي اختي بس عدلوووه شوي الطابق الي بتأجرونه..وعساه منزل مبارك انشالله:klhfl:

 

[بنت زايـــــد]

عساه بيت مبارك ان شاء الله..

 

[brettey]

بالمبارك حبوبه الله يعطيكم خيره ويكافيكم شره

 

[ScarletteO'Hara]

عساه منزل مبارك يا رب
تقدرين تحوشين مبلغ صغير كل شهر اذا زوجج يصرف عليج
و زوجج نفس الشي, خليه يفتح حساب توفير يقط فيه شهريا الي يقدر عليه, و شهر بعد شهر راح يتكون لكم مبلغ حلو, و انشالله تقدرون ترممون البيت

 

[ملح بدويه]

مبروووك الله يعطيج من خيره ويكفيج شره

 

[الكويت غالية]

نزلة مباركة وعسى الله يعطيج خيره ويكفيج شره

 

[dalprincess]

اخذي قرض وررموه دام حق البيت مو حق شي ثاني وسكريه على 5 سنوات

 

[yam_yam]

منزل مبارك

 

[برديس]

منزل مبارك ان شالله وشايفين خيرة يارب
اذا سكنتوه اجرواا الفاضي منه
وانتي وكم وحده سووا لكم جمعية تاخذينها بالأول مع الاجار مع اللي تاخذينه كل شهر
بيصير عندج مبلغ محترم اتعدلين فيه الأرضيات والجدران هذي اهم الأشيا بالبداية
وبعدها نفس الشي بس اتكون هالمرة للاثاث
وآخر وحده للمطبخ
بجذي تكونين انجزتي
بس لو تمسكين نفس المبلغ واتحطين بالصالة اشوي والمطبخ اشوي والغرف اشوي
بتحسين انج ماأنجزتي وكل مكان بتبين نواقصة بهالحاله
وزوجج بعد لو يسوي مع ربعة جمعية عشان لاياخذ منكم وقت
والف مبروك ان شالله

​

 

[محبة الاستغفار]

منزل مبارك

الجمعيات تساعد ولا تضغطون على نفسكم ابدوا بالطابق الارضي وعدلوا في الطابق العلوي على راحتكم