بيخطبني شخص مو كويتي .. شلون اقنع اهلي ؟

[الأيـــام]

السلام عليكم ..

بنات ابي رايكم بموضوع مهم ولا اقدر افاتح فيه احد كبير من اهلي

بيخطبني شخص احبه لكنه مو كويتي وخايفة ابوي يرفض


للعلم انه احسن من ولد خالي اللي هم متقدم لي
بملاين مرات ..


اهو اوروربي - مقدوني من اصل ألباني (بس مو مثل الصورة اللي في بالكم)

يدرس في الشريعة آخر سنه نسبته 3.7 .. حافظ القرآن وااايد مثقف


لدرجة انه يعطي محاضرات والناس تصوره.. وصار إمام في مسجد كبير وأم لآلاف الناس

غير هذا عنده واسطات وايد مهمه بالكويت وبره ويقدر يدبر له بعثات بعد التخرج و احسن وظيفة ..


هو قادر يدفعلي مهر (ذهب و فلوس و نفنوف العرس و تكاليف العرس)

ويدفع مصاريف شهر العسل..

واحتمال نسكن في المانيا أو مكان يعجبني في اوروبا يقولي اختاري اللي تبينه ..

وهذا اللي تحلم فيه كل بنت




احنا نحب بعض من سنة تقريبا و وايد متعلقة فيه واهو وايد متعلق فيني ..

عندنا رومانسية غييير وهو دايم ايبلي هدايا ويوقف معاي


باصعب اللحظات حتى يوم صارت مشاكل مع اهلي ما خاف ولا تخلى عني

ودايم يكون معاي لما امرض أو اتعب ..


ان شاء الله راح ايي يخطبني هالشهر بس خايفة من اهلي

مادري شقولهم أو شلون اقنعهم أو حتى شلون افاتحهم بالموضوع

ياليت تساعدوني بهالنقطة **


اخلي وحده من اهله تكلم امي و عقب

ايي يخطبني للعلم انه ما راح ايي بروحه باي معاه وزير و مدير دار القرآن حسب كلامه

شرايكم بنات والله محتارة بين كلام اهلي و بينه

اخاف اندم ..


الشغلة الثانية قلبي منكسر نصين

مادري اسمع كلام اهلي ولا اسمع كلام قلبي و اعطي فرصة للي يحبني

حتى يخطبني هالشهر


توني صغيرة وخايفه اندم طول عمري

على قرار مثل هذا


محتاجه مساعدتكم



​

 

[mf6nt el3lat]

الله يكتب لج اللي فيه الخير بس انتي تقدرين تتغربين بره .. ترى شي وايد صعب حبيبتي ..

بعدي أطباعه غير عن الكويتين لو قايله انتي عربي جان ما يخالف يتررقع بس مو أجنبي ..

انتي شوووفي خلي يتقدم لج بس اشرطي عليه انه أول سنه زواج تقعدون بالكويت تشوفين تتوافقين معاه ولا لأ احسن ما تكتشفين أطباعهه بالغربه .. وترى العشره تبين أطباع الانسان هو لمن يكلمج غير ولمن تعاشرينه غغغير

الله يوفقج ويكتب اللي فيه الصالح يابنت ديرتي

 

[دبه موت]

اذا هو كاتبه لج راح تاخذينه لو تنقلب الدنيا فوق تحت
ودامه راح يجيب وزير وحركات ان شاء الله اهلك يقتنعون فيه يارب
وحتى لو رفض ابوج المره الاولى يحاول مره مرتين ثلاث لين يوافق
وتاكدي اي شي ربي يكتبه لج فيه خير وصلاح

 

[غيابك حلم]

بصرآحه مآدري احس ان فيني رأيين متناقضيين
الأول اقول كلمي اهلك وحاولي تقنعينهم واشتري دييينه
الثاني هم بعد الغربه صعبه واختلاف الجنسيه فكري باكر لو جو لك اولاد شنو يصير فيهم
الله يقدم اللي فيه خير لك

 

[s a b b o o s h]

ماشالله علييه ، انا عن نفسي احس مافيهآآ شي واذا يعني مو كويتي

بالعكس عقولهم انظف وقلوبهم اصفى ،

اهم شي مسلم

موفقة حبيبتي ، توكلي على الله

 

[بنت سويسراا]

ما اتوقع ابوج راح يرضى لانج راح تتغربين و الغربه شي مو سهل

فكري ا 10 سنين جدام فكري باعيالج و مستقبلج

 

[فووشيه كول]

ولو بس العاداة والتقاليد مهمه

​

 

[MiSsY HottY]

يارب اهلج يوافقون حافظ القران وشريعه بعد راح يخاف الله فيج

 

[Tantoshah]

ماشاء الله ونعم الرجل والسول عليه الصلاة والسلام يقول لافرق بين عربي أو أعجمي إلا بالتقوي واذا الريال مسلم ويخاف الله ويعرف الشريعة استخيري وتوكلي علي الله وياحلاة اوروبا وانتي بنت الديرة اي وقت تشتاقين تطقين هالتذكرة وتنامين بحضن أهلج وعاد مو تمصخينها كل اسبوع مسويتلي تكاليف ههههه والله يتمم عليج حبيبتي كل شي قسمة ونصيب خليه يجي لاهلج يشوفونة يمكن سبحان الله يقتنعون فيه من غير ما تقنعينهم انتي سيماههم في وجوهم والله يوفقج ويستر عليج ويهنيج عاد ابي عرس التذكرة علي حسابج وفندق اقل من 5نجوم ما اسكن واذا نفنوفي عليج هم ما قول لا موفقة حبيبتي وموفقين اجمعين الله يجعلكم من اهل الثبات والقارئين لقرءانه العظيم تقبلي مروريي

 

[غرور الشمري]

]دامهاااااااا ع كلامج

يدرس في الشريعة آخر سنه نسبته 3.7 .. حافظ القرآن وااايد مثقف


لدرجة انه يعطي محاضرات والناس تصوره.. وصار إمام في مسجد كبير وأم لآلاف الناس

غير هذا عنده واسطات وايد مهمه بالكويت وبره ويقدر يدبر له بعثات بعد التخرج و احسن وظيفة ..


هو قادر يدفعلي مهر (ذهب و فلوس و نفنوف العرس و تكاليف العرس)

ويدفع مصاريف شهر العسل..

واحتمال نسكن في المانيا أو مكان يعجبني في اوروبا يقولي اختاري اللي تبينه ..

وهذا اللي تحلم فيه كل بنت


شنو المشكله ان اهلك ماااااااايوافقون
بالعكس مو عيب انه اوربي؟؟؟؟

 

[الأميرة جوري]

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

ماقال كويتي او اجنبي وماشاء الله فيه صفات خلق ودين واذا الله كاتبه لج بتاخذينه في دكتوره كويتيه ماخذه سودانى وتعرفت عليه بالغربه ايام الدراسه وعايشه حياتها

 

[a7la-elbanat]

حاولي تبينين لهم ان هاذي حياتج الخاصه وانتي اللي تقررين الشخص اللي يناسبج

موفقه

 

[ندى~~]

حافظ للقرآن ..ودارس شريعه ...ماشاء الله صراااحه ..

والله مدري وش اقولك ..لكن الله يختار لك الخير...

 

[Killer^Girl]

سمعي نصيحة اهلج
وحطي في بالج ترا الحب شي والزواج شي ثاني
الدنيا غير مو مثل ما انتي متخيله والسعاده مو انج تعيشين برا
ترا السفر سياحه شي وانج تتغربين عمرج كله شي صعب حيل

 

[- BambeNo -]

صلي استخاره فديتج واذا كان لج خير الله بيسرلج..
أنا أشووف وحده من هله تتصل تكلم أمج .. قبل لا
يزووركم وأكيد بيفاتحونج بالموضوع ..وحاولي تبينين
انج تبينه..ومرتاحه من الاستخاره..

 

[miss_whitemocha]

دايما البنت في غمرة أحلامها الوردية تنسى الواقع و تعيش بعالم خيالي..
الإنسان اللي يحبج اليوم يكرهج باجر..
وإذا اليوم متفقين و سمنة على عسل..باجر خلافاتكم على كل لسان..
فكرتي بنفسج و بوناستج و نسيتي عيالج؟؟؟
مستعدة تغامرين فيهم؟؟
تزوجتي و أنجبتي بنين و بنات..وفجأة انقلب الحال و وصلت للطلاق..
العيال من حقه بالقانون..
مستعدة تتخلين عنهم؟؟
ولي بغيتي تزوجينهم..منو بياخذهم؟؟ أوروبيين؟؟؟
بعتي أصلج كله عشان علاقة حب؟؟؟؟

وبعدين شنو هذا اللي حافظ قرآن و دارس شريعة و يكلم بنت لمدة سنة من ورا أهلها و طايحله حب و رومانسيات؟؟؟
شنو هالتدين الأعوج؟؟؟؟​

 

[مشآعل مطير]

آسسستخيري والله يوفقكك

 

[مشآعل مطير]

^^

تصصدقين مآنتبهت لهالنقطه
ششلون متدين ويكلم ويحب تنآآآقضض
عالعموم الله يكتب لك الخير

 

[* Snow White *]

خل يروح يخطبج جدامهم والله يوفقج يارب
وانا اتوقع لو بس يسمعون اهلج صفاته وكل اللي كتبتيه بيوافقون انشاءالله
هذا راح يصير عايلتج بالمستقبل اصلا
وحتى لو اغتربت بنات شفيكم؟ يعني شنو من صجكم البنت عندكم حتى لو تزوجت لازم تكون ملزومه باهلها؟!
اوكي بتشوف اهلها وكل شي، بس الحين ريلها بيكون عايلتها وبتكون عايلتها الخاصه وياه
الله يوفقج يارب .. لافرق بين عربي ولا اعجمي الا بالتقوى
الدين ماحرم هالشي ولا خالفه، حتى الرسول صلى الله عليه وسلم تزوج مصريه قبطيه الي اهيه ماريا رضي الله عنها وكانت مسيحيه
وتزوج يهوديه واصلها عبري بحت واللي اهيه صفيه بنت حي رضي الله عنها واسلمت
بس على كلامكم الي منع هالشي العادات والتقاليد الدخيله بالدين للأسف،
اللي كانو يسوونها ناس يعني سوري عالكلمه همج ومايفهمون شي ليش نكرر شغلات كانو يسوونها اهيه غلط اصلا وتناقض العقل

استخيري وموفقه ياااارب :*

 

[روائع الجوري]

لا لا لا لا لا لا لا لا حرام تكفين بتظلمين نفسج لالا لال لا لازم تسمعين نصيحت الي اكبر منج لا وبعد انا متزوجه واحد مو كويتي عنده فلوس وخير ويموت فيني بس كلت هوا ماابي اقولج قد شنو اكلت ندم وتحسفت انتي من صجج تحرمين اطفالج من الجنسيه الكويتيه حرام فكري بمستقبل عيالج طيب وانتي شلي حادج على الغربه انا جربت الغربه بموت واحب الارض الي امي تمشي عليها نفسي احب راسها ورجولها بس هي وين هي بعيد بيني وبين ابوي وامي وخواتي مسافات غير اني انحرمت من الوظيفه ياحلو الكويت ويازين شبابها شفيه ولد خالج حلات الثوب رقعته منه وفيه لا تتهورين طيعيني انا مجربه والله والله بتندمين ندم قد شعر راسج خلي المشاعر على صوب ترا الحب مشاعر غريبه الله مقلب القلوب يوم بكره بتكرهينه لانه راح يكون سبب بتعاستج اللهم بلغت اللهم فشهد ما قدرت ما انصحج ولا انصح اي كويتيه تظلم نفسها مع واحد مو كويتي الا اذا حدتها السنين وجهة نظري وانتو كيفكم