بيخطبني شخص مو كويتي .. شلون اقنع اهلي ؟

[q8dvd2000]

والله مواصفاته ما تتطوف

لو مكانج بوافق
كافي انه دارس شريعه يعني اخلاق ودين
وبصراحه الاوربين والاجانب اخلاقهم صاااارت احسن من اخلاق وايد ناس من الديره

 

[المكسيكيه]

اذا من نصيبج الله يكتب فيه الخير لج

 

[المكسيكيه]

 

[ابي قطوة ميوووو]

البنات ما قصرو بس في سؤال
الحيين اهوا مدييين !! حافظ قرأن ودااعية !!
ويكلم @@!!!!!!
شلووون تعرفتيي عليييه وشلون حبيييتييه!!
وشالي يضملج انه باجر مايكلم غيييرج!!!!!!!!!!!!
لا تقولين مدين وحافظ ..الله اعلم اذا كانت كذلك بس اذا كان مديين ! شلون يكلمج ويحبج شلون يكلم بنت واهوا يعرف انه حرام هالشئ !!!
استخيري

 

[قلبي محمد]

اذا فيه خيره لج ان شاءالله يكون من نصيبج حبيبتي
ولما يخطبج حاولي تقنعين اهلج بوجهة نظرج
وصلي استخاره وربي يكتبلج اللي فيه الخير يا قلبي

 

[الأيـــام]

تسلمون بنات عالردود .. انا احبه من سنه و وايد متفاهمين

ان شاء الله اول سنه بنقضيها بالكويت الين اخلص جامعة .. عقبها بنسافر لفينا حتى يكمل ماستر

صليت استخارة اكثر من مره واحس ان احساسي ثابت اتجاهه

ادعولي خواتي ان ابوي يوافق ..

 

[ابدا يالغالي مانساك]

حاولي تبينين لهم ان هاذي حياتج الخاصه وانتي اللي تقررين الشخص اللي يناسبج

موفقه

غلطانه ياختي هذوللي اهلها
ومافيه حيااه خاصه بعيد عن الوالدين هم اللي يقرورون يصلح والا
وربي يقدم اللي فيه الخير
اهم شي انج ماتكلمين ولا تطلعن مع شخص غريب
ولا تقولي سنه نعرف بعض هذا مو افتخار وبينكم رومنسيات

 

[ابدا يالغالي مانساك]

والله مادري..ما استوعبت شغله..
حافظ قرآن وامام مسجد ويخطب بالناس وينصحهم..وهو متعرف على بنت واهلها مايدرون!!!!!!!!!

يعني مااتخيله ينصح الناس عن العلاقات والحلال والحرام وهو مسوي علاقه وحب من ورى اهل هالبنت!!!!!

صادقه وهو هذا الدين والامااااااااام مسجد ثقة الناس
وهومطيح سنه علي قولتج رومنصيااااااااااات
هذا باجر وشلون تثقين فيه

 

[*المــــلكة*]

حبيبتي ادعي اذا كان زواجج منه خير لج في دينج ودنياج الله يكتبه من نصيبج ويسهل امورج معاه
لا تفكرين بكلام الناس وجنسيته وعادات وتقاليد وتخلف
ماتدرين يمكن الله كاتبلج السعادة والراحة مع واحد مو كويتي
خليج متمسكة برايج مهما صار لو كنت واثقة انج تبين هالزواج من قلبج وعقلج
الله يوفقج حبيبتي​

 

[عادت ذكرياتي]

لا تقنعينهم ولا شي نطريه ليما يتقدم لج ويطيح الفاس بالراس ساعتها راح يفكرون عدل ...

والله يكتبلج اللي فيه الخير بما إنه شخص ملتزم ....


موووووفقة

 

[كراميلا مرة]

بصراحه اهم شيء الدين
بس اختلاف العادات والتقاليد والغربه صعبه
فكري عدل واستخيري قبل لايصير شيء

 

[الأيـــام]

بس العيال بقانونهم يصيرون من حقه
وحتى لو خذيتيهم بيتبهدلون هني مالهم حقوق
درسي هالنقطة عدل
وتقدرين تتغربين عن اهلج كل هالمدة وتتحملين اوضاع مادية قليلة ولاا لاا

فكرت في هالشي .. احنا مقررين نيب اول ياهل في النمسا بالوقت اللي بيدرس فيه ماستر

حقوق الجنسيات الأوروبية وايد زينة .. وإن شاء الله ما تصير مشاكل

 

[الأيـــام]

لا تقنعينهم ولا شي نطريه ليما يتقدم لج ويطيح الفاس بالراس ساعتها راح يفكرون عدل ...

والله يكتبلج اللي فيه الخير بما إنه شخص ملتزم ....


موووووفقة

اي هذا هو بنطر لين اتأكد .. مثل هالأمور مافيها غشمرة

حتى ما اوهق لو طلع مو صج .. كل شي وارد بهالزمن الواحد ما يضمن نفسه حتى ..

تسلمين حبيبتي عالرد

 

[الأيـــام]

والله مادري..ما استوعبت شغله..
حافظ قرآن وامام مسجد ويخطب بالناس وينصحهم..وهو متعرف على بنت واهلها مايدرون!!!!!!!!!

يعني مااتخيله ينصح الناس عن العلاقات والحلال والحرام وهو مسوي علاقه وحب من ورى اهل هالبنت!!!!!

اختي فهمتيني غلط

اعرفه من سنه ونص تقريبا واول تعارفنا صراحة ما كان ملتزم ولا حتى انا ..

كنت اعاني من مشاكل في البيت و نسبتي بالدراسة كانت كلش مو زينة

والله وصلت الى 1.7 .. و تدرين شصار في سنه بس ؟!!!!!!


زاد وزني 12 كيلو (رجعت لوزني الطبيعي وامي وايد استانسيت من بعد ازمتي)

ونسبتي ارتفعت الى 3.11 .. غيرني وايد


انا في داخلي بذرة زينه وهم اهو لكن الحياة احيانا تضيع الانسان وتنسيه نفسه

خاصة لو كثرت الهموم والمشاكل ..


هو من داخله طيب وفيه خير لكن مثل كل الشباب كان له سوابق * ترى مافي شاب ما خربط

لكن البعض يتوب و البعض يدوم الى ما يشيب


عالعموم هو فيه الخير لكن مو ملتزم ذاك الزود بالأول .. بعدها وايد تغير وصار ما يطوف صلاة وهم ابتدى يترجم كتب

و كل ما يروح لديرته يفيد اهله باللي تعلمه .. لأن هناك بأوروبا عندهم اخلاق الاسلام بس ما يعرفون شي

في امور الدين مثل الصلاة او الامور اللي تختص بالفقه او الفتوى ..


على قولته عندهم جوع للدين يدورون اللي يحثهم .. و هم بدورهم يقدرون هالشخصيات الدينية

ورواتبهم وايد عالية ..



اتمنى وضحت لج الفكرة اختي .. واي استفسارات حاضرة

لان بجد رايكم بيفيدي ...


مشكورين ..

 

[مذهلة 78]

الله يكتبلج اللي فيه الخير واذا فيه كل هالمواصفات ومتفاهمين حاولي تقنعين اهلج

 

[الأيـــام]

لا لا لا لا لا لا لا لا حرام تكفين بتظلمين نفسج لالا لال لا لازم تسمعين نصيحت الي اكبر منج لا وبعد انا متزوجه واحد مو كويتي عنده فلوس وخير ويموت فيني بس كلت هوا ماابي اقولج قد شنو اكلت ندم وتحسفت انتي من صجج تحرمين اطفالج من الجنسيه الكويتيه حرام فكري بمستقبل عيالج طيب وانتي شلي حادج على الغربه انا جربت الغربه بموت واحب الارض الي امي تمشي عليها نفسي احب راسها ورجولها بس هي وين هي بعيد بيني وبين ابوي وامي وخواتي مسافات غير اني انحرمت من الوظيفه ياحلو الكويت ويازين شبابها شفيه ولد خالج حلات الثوب رقعته منه وفيه لا تتهورين طيعيني انا مجربه والله والله بتندمين ندم قد شعر راسج خلي المشاعر على صوب ترا الحب مشاعر غريبه الله مقلب القلوب يوم بكره بتكرهينه لانه راح يكون سبب بتعاستج اللهم بلغت اللهم فشهد ما قدرت ما انصحج ولا انصح اي كويتيه تظلم نفسها مع واحد مو كويتي الا اذا حدتها السنين وجهة نظري وانتو كيفكم​

خوفتيني والله .. محتاجة استفيد من خبرتج و تقوليلي بالتفصيل عنها

بليز دزيلي ايميلج اذا ممكن ..


* زوجج شنو اصله ؟

 

[الأيـــام]

خل يروح يخطبج جدامهم والله يوفقج يارب
وانا اتوقع لو بس يسمعون اهلج صفاته وكل اللي كتبتيه بيوافقون انشاءالله
هذا راح يصير عايلتج بالمستقبل اصلا
وحتى لو اغتربت بنات شفيكم؟ يعني شنو من صجكم البنت عندكم حتى لو تزوجت لازم تكون ملزومه باهلها؟!
اوكي بتشوف اهلها وكل شي، بس الحين ريلها بيكون عايلتها وبتكون عايلتها الخاصه وياه
الله يوفقج يارب .. لافرق بين عربي ولا اعجمي الا بالتقوى
الدين ماحرم هالشي ولا خالفه، حتى الرسول صلى الله عليه وسلم تزوج مصريه قبطيه الي اهيه ماريا رضي الله عنها وكانت مسيحيه
وتزوج يهوديه واصلها عبري بحت واللي اهيه صفيه بنت حي رضي الله عنها واسلمت
بس على كلامكم الي منع هالشي العادات والتقاليد الدخيله بالدين للأسف،
اللي كانو يسوونها ناس يعني سوري عالكلمه همج ومايفهمون شي ليش نكرر شغلات كانو يسوونها اهيه غلط اصلا وتناقض العقل

استخيري وموفقه ياااارب :*

همممم تسلمين حبيبتي

هذا أحلى كلام سمعته صج يبرد القلب :**

 

[Meyyawa]

فكري فيها بعقل و لي 10 او 20 سنة جدام .. مو سهل موضوعج كلش و انج تتغربين كل حياتج برا تفرق عن سفر و السياحة و الوناسة والواحد من غير اهل ولا شي و الحب شي و الزواج شي .. واذا اهلج ما وافقوا حطي نفسج مكانهم و ان عندج بنت تقولج بتزوج اجنبي .. صج الدين ما يمنع هالشي لان مسلم بس الواقع غير

 

[تُخْفِي غَلَاها]

الله يكتب لج لي فيه الخير حبيبتي موفقه يارب ​

 

[بطوطة @]

الحب مايدوم يابنت الناس والرياييل مانمهم أمان والله لو انــــا منج اختار ولد خالتي اضمن حياتي مستقبلي ومستقبل عيالي وأكيد بحطه فوق راسي دامه اختاري من بين كل هالبنات من بنات خوالج وأهلج بالعكس استانس انج راح تاخذين واحد منج وفيج لا يعيرج باصلج ولا بالهلج ولا تصير بينكم مشاكل ٢٤ ساعه راح يقدرج ويحترمج وبحبج

والغريب يعلل بحبج سنه سنتين ثلاثه واخرتها بتغيرالحب بعد العيال وغيره وغيره والنفسيات تتغير والأحوال والظروف تتغير بأجر لارجنسيه لعيالج ولا شي ليش وبناتج بدون فكري بمستقبلهم والصييان بعد نفس الحال

اخذيها مني يابنت الحلال ولد خالتج أهون من الغريب واعزلج اكرملج واريحلج واسترلج وصلي وأدعي ربج يكتب لج فيه الخير والاه يوفقج يارب
والله أني قاعده اكلمج وانصحج مثل اختي واكثر