بيخطبني شخص مو كويتي .. شلون اقنع اهلي ؟

[آنسه مسلمة]

شيثبت لج انه صاج ؟؟!؟

 

[الأيـــام]

أستخيري ..

وفكري وفكري وفكري .. وأستشيري النآس ..

ترآ هذآ زوآج مو ونآسه سفره وطلعه وورومنسيه وهدآيه !!

لآ عشره عمر !!

تقدرين ع الغربه !!

تقدرين تعيشين عمرج كله بغربه وعيآلج بعد .؟!

الآجىنب عادي متعودين عآيشين لنفسهم مو متعودين ع الاسره والعائله والجماعه والقبيله والديره كلها خخخخخ

ففكري حبيبتي وأدرسي الموضوع عدل ..

والله يوفقج

استخرت عدة مرات و للحين ثابته على قراري

اهوه معاج حق في هالشي الزواج مو طلعات و وناسه

لكني اخترته وحبيته لذاته مو للجماليات ..


إن شاء الله ما اتغرب لاني بزور اهلي من فترة لفترة ..

و احنا ان شاء الله بنسكن في دولة راقية و له اهل فيها .. و اهله بطبعهم وايد متواصلين

واجمتاعين .. دايم يسون عزايم في بمناسبة او بدون مناسبة ..


شوفي هو ألباني يعني يشبه للتركي والشامي ... عاداتهم شرقية اكثر منها غربية


بجد مشكورة حبيبتي على تواصلج ..

 

[الأيـــام]

شيثبت لج انه صاج ؟؟!؟

أقدر لج خوفج وحرصج علي اختي ..

ومعاج حق منو يضمن نفسه هالوقت حتى يضمن غيره ..

هذي الاحتياطات حاطتها بالحسبة .. وعطيته فرصة هالشهر ايي يخطبني

واظن هذا اللي بيثبت ..


الله يكتب اللي فيه الخير .. ادعيلي يا اختي

محتاجة دعواتكم ..

 

[الأيـــام]

الله يعين قلبج والله صج متورطه
آلحب عذآب تبين حبيبج
وتبين أهلج
صرآحه أنآ بعد مآ أدري شقول لج
بس الله يوفقج ​

تسلمين اختي مافي احلى من الدعوه الطيبة..

* وكل عام وانتي بخير بمناسبة عيد ميلادج.. :*​

 

[! هُوْ وِينِه !]

تسلمين اختي مافي احلى من الدعوه الطيبة..

* وكل عام وانتي بخير بمناسبة عيد ميلادج.. :*

وأنتي بصحه وسلآمه يآرب

 

[احلا ملكه]

هلا اختي العزيزه والله عشانج اشتركت بالبرنامج توني جديده عشان اقولج اللي بقلبي انتي ماتعرفيني ولا انا اعرفج نصيحه من اخت الرسول عليه السلام قال بحديثه ًً ( اذا اتاكم من ترضون دينه وخلفه فزوجوه ) مقال كويتي ولا سوري ولا هندي ولا امريكي ولا كان اي جنسيه اخري مع احترامي للجنسياات اللي ذكرتها بس نصيحه فكري بعقلج مو بقلبج مافكرتي بعيالج مستقبلا ؟ وبعدهم عن اهلج واصعب شي علي المرء الغربه لانج ماعشتيها انا بالكويت واحس بعد ماتزوجت بعيده عن هلي كل يومين او اسبوع اطق درب اروح لهم الاهل غااالين. والشوق اصعب شي انتي تقولين جذي لأنج تحبينه بس فكري بعقلج قبل كل شي هذا زوواااج مو لعبه وعاداتهم غير عن عاداتنا وانتي ماتعرفينه عدل تري مو شهر او نقول اشهر اعرف الشخص عدل لا هذا خطأ لمن يتسكر الباب اهني تعرفينه عدل انا مابي اظلمه حرام يمكن يكون خوش انسان وقادر يسعدج لامهر لاذهب لاالماس او افلوس تسعد البني يبي يرتاح مايبي يحط له شي بحياته ويندم عليه المثل يقول حلاة الثوب رقعته وفيه. انا احترم وجهة نظرج بلي اخترتيه بس غير ولد درتي مافي لو خليجي بعد نقول مجلس تعاون واحد باجر لي خذيتيه واهلج موراضين اي شي يصير بينكم كل واحد يشيل ايده لانج فضلتيه عليهم وكل اهل يحبون يزوجون بنتهم الاافضل مو يقطج بديرة غرب محد دري عنج واصعب لحظه للانسان الغربه تحرق تموت اختي العزيزه هذي وجهه نظري. لاتقولين يحبني ويموت فيني هالخرابيط وحب هالايام ماينفع قبل ضمان مشوار عمري قبل الحب لازم اصنع ضمان لمستقبلي لي ولاأولادي حته لااعيش بالمتاعب وعشان باجر عيالي مايحاسبوني علي اي خطوه بنيتها خطأ واحب اقولج معلومه الشي اذا نبني غلط راح يتم غلط ومستحيل يتعدل و اهم شي ماانصحج تتغربين كلش عن اهلج والله راح تتعبين وتندمين ساعتها اتمنا تفكرين قبل لاتسوين اي تصرف تدفعين الثمن عليه والله راح تندمين طوووووووووووول حياااااتج واسفه عل لاني كنت جافه معاج عشان ماابيج تتعذبين باجر طولت عمر و اتمنا لكي التوفيق *

 

[M!Ss Un!VerSe]

انا اقولج استخيري واذا في خير فالله بيسره لج

واذا شر بيصرفه عنج ان شاء الله

بس خل يتقدملج وحاولي وايد اذا صار نصيب

بتاخذينه واذا لا ارضي بالواقع يمكن شر والله ابعده عنج

شوفي انا لو مكانج اوافق

شوفي البنات يمدحون الكويتي دشي قسم الزوجيه
كله خيانات
كل وحده تشكي وتي عندج تحبط فيج

ماعليج منهم ومو من تجربه فاشله مالت وحده تقتدين فيها

اهم شي تكونين واااااثقه 100٪ بقرارج عشان باجز ماتندمين

ترا كل علاقه زوجيه تمر بمشاكل الكويتي مو يعني ملاك

ولا الاجنبي ملاك بس اذا عاجبج وواثقه بأخلاقه

استخيري والله يوفقج

وبالنسبه لكلام البنات عن عيالج ماعليج النصيب بيد الله

بس مشكلة الناصحين يطالعون المظاهر والشكليات التافهه والعادات والتقاليد المندثرة

ولا يؤمنون بداخلهم بمكتوب القدر

الله كاتب نصيب بناتج قبل لا انتي تنوجدين ونفس الشي الصبين ان شاء الله

اذا حالته الماديه زينه شالمشكله!؟

والقرار راجعلج حبيبتي

اهم شي الاستخاره لاتنسين..

والله يكتبلج اللي فيه الخير

موفقه حبيبتي

 

[pinkoosha]

الله يتمم علييج يارب والله اني رحت لج, لانه ماشاءلله على وصفج له,,, ماتحصلين شباب ديرتنه جذي,, استخيري مرتين ثلاث اربع قبل لا يتقدم لج وربج سبحانه وتعالى مراح يكتب لج الا الخير, سواء كان رفض او قبول,, ويالله يارب اللي كاتب فيه الخير بيصير انشاءلله

 

[توتا الكتكوته]

اختي فهمتيني غلط

اعرفه من سنه ونص تقريبا واول تعارفنا صراحة ما كان ملتزم ولا حتى انا ..

كنت اعاني من مشاكل في البيت و نسبتي بالدراسة كانت كلش مو زينة

والله وصلت الى 1.7 .. و تدرين شصار في سنه بس ؟!!!!!!


زاد وزني 12 كيلو (رجعت لوزني الطبيعي وامي وايد استانسيت من بعد ازمتي)

ونسبتي ارتفعت الى 3.11 .. غيرني وايد


انا في داخلي بذرة زينه وهم اهو لكن الحياة احيانا تضيع الانسان وتنسيه نفسه

خاصة لو كثرت الهموم والمشاكل ..


هو من داخله طيب وفيه خير لكن مثل كل الشباب كان له سوابق * ترى مافي شاب ما خربط

لكن البعض يتوب و البعض يدوم الى ما يشيب


عالعموم هو فيه الخير لكن مو ملتزم ذاك الزود بالأول .. بعدها وايد تغير وصار ما يطوف صلاة وهم ابتدى يترجم كتب

و كل ما يروح لديرته يفيد اهله باللي تعلمه .. لأن هناك بأوروبا عندهم اخلاق الاسلام بس ما يعرفون شي

في امور الدين مثل الصلاة او الامور اللي تختص بالفقه او الفتوى ..


على قولته عندهم جوع للدين يدورون اللي يحثهم .. و هم بدورهم يقدرون هالشخصيات الدينية

ورواتبهم وايد عالية ..



اتمنى وضحت لج الفكرة اختي .. واي استفسارات حاضرة

لان بجد رايكم بيفيدي ...


مشكورين ..

عسى ربي يوفقج ويسخره لج اذا كان من نصيبج انشاءالله بتاخذينه ،،

بس نصيحه لوجه الله لا ترتبطين فيه اذا اهلج ما يبونه يعني خليهم يرضون

بالطيب علشان يحترمج خاصه المرأة لما الرجل يحس انه وراها سند واخوان

يحترم نفسه معاها و اذا صار زعل ولا شي يسوي الف حساب ان اهلها بيوقفون معاها

اما شوفي تجارب اللي اخذوا ازواج غصب عن الاهل وتخلوا عن رضا الاهل

كلهم انفصلو بالنهايه ليش ؟؟؟

لان الرجل يحب المرأة اللي وراها قوة تسندها واللي مافيه خير بأهله مافي خير بالناس

فكري واهم شي رضا اهلج انشاءالله يرضون ،،،

وسوي حساب الغربه - ابناءج وتعليمهم -

وفكري عدل وحتى لي تزوجتي عطي نفسج فرصه حتى بالانجاب

لا تتسرعين سوري عالكلمه بس انا شايفه اللي حولي وحبيت افيدج

موفقه ،،،:eh_s(7)::eh_s(7):

 

[abo0osha]

الله يقدم الا في الخير لج

 

[الأيـــام]

هلا اختي العزيزه والله عشانج اشتركت بالبرنامج توني جديده عشان اقولج اللي بقلبي انتي ماتعرفيني ولا انا اعرفج نصيحه من اخت الرسول عليه السلام قال بحديثه ًً ( اذا اتاكم من ترضون دينه وخلفه فزوجوه ) مقال كويتي ولا سوري ولا هندي ولا امريكي ولا كان اي جنسيه اخري مع احترامي للجنسياات اللي ذكرتها بس نصيحه فكري بعقلج مو بقلبج مافكرتي بعيالج مستقبلا ؟ وبعدهم عن اهلج واصعب شي علي المرء الغربه لانج ماعشتيها انا بالكويت واحس بعد ماتزوجت بعيده عن هلي كل يومين او اسبوع اطق درب اروح لهم الاهل غااالين. والشوق اصعب شي انتي تقولين جذي لأنج تحبينه بس فكري بعقلج قبل كل شي هذا زوواااج مو لعبه وعاداتهم غير عن عاداتنا وانتي ماتعرفينه عدل تري مو شهر او نقول اشهر اعرف الشخص عدل لا هذا خطأ لمن يتسكر الباب اهني تعرفينه عدل انا مابي اظلمه حرام يمكن يكون خوش انسان وقادر يسعدج لامهر لاذهب لاالماس او افلوس تسعد البني يبي يرتاح مايبي يحط له شي بحياته ويندم عليه المثل يقول حلاة الثوب رقعته وفيه. انا احترم وجهة نظرج بلي اخترتيه بس غير ولد درتي مافي لو خليجي بعد نقول مجلس تعاون واحد باجر لي خذيتيه واهلج موراضين اي شي يصير بينكم كل واحد يشيل ايده لانج فضلتيه عليهم وكل اهل يحبون يزوجون بنتهم الاافضل مو يقطج بديرة غرب محد دري عنج واصعب لحظه للانسان الغربه تحرق تموت اختي العزيزه هذي وجهه نظري. لاتقولين يحبني ويموت فيني هالخرابيط وحب هالايام ماينفع قبل ضمان مشوار عمري قبل الحب لازم اصنع ضمان لمستقبلي لي ولاأولادي حته لااعيش بالمتاعب وعشان باجر عيالي مايحاسبوني علي اي خطوه بنيتها خطأ واحب اقولج معلومه الشي اذا نبني غلط راح يتم غلط ومستحيل يتعدل و اهم شي ماانصحج تتغربين كلش عن اهلج والله راح تتعبين وتندمين ساعتها اتمنا تفكرين قبل لاتسوين اي تصرف تدفعين الثمن عليه والله راح تندمين طوووووووووووول حياااااتج واسفه عل لاني كنت جافه معاج عشان ماابيج تتعذبين باجر طولت عمر و اتمنا لكي التوفيق *​

كلامج عقلاني .. معاج حق اختي في كل اللي قلتيه ..

راح افكر اكثر واكثر الين اخذ القرار المناسب .. حتى بعد الزواج ما ودي استعجل بالانجاب

مشكورة على تسجيلج و نصيحتج الطيبة ​

 

[الأيـــام]

الله يتمم علييج يارب والله اني رحت لج, لانه ماشاءلله على وصفج له,,, ماتحصلين شباب ديرتنه جذي,, استخيري مرتين ثلاث اربع قبل لا يتقدم لج وربج سبحانه وتعالى مراح يكتب لج الا الخير, سواء كان رفض او قبول,, ويالله يارب اللي كاتب فيه الخير بيصير انشاءلله​

تسلمين حبيبتي كلامج يرد الروح ..

عفيه لا تنسيني بالدعاء ​

 

[الأيـــام]

الله يقدم الا في الخير لج

آمين يا رب ...

 

[queenbeeuty]

موفقة

 

[رقي]

وناسه الله يوفقج
تراوالي بهالمواصفات يرضي ابوج
بنت طارق سويدان ماخذه امريكي

 

[الأيـــام]

موفقة

الجميع ياارب ..

 

[الأيـــام]

وناسه الله يوفقج
تراوالي بهالمواصفات يرضي ابوج
بنت طارق سويدان ماخذه امريكي

زين يعني في أمل الوالد يوافق ..

تسلمين يالغاليه ..

 

[cute lulu]

وااااي صراحه صج اهوا ونااسه

بس هم في اشياء تخرررع يعني بتعيشين بغربه وجذي بس ان شاءالله اهلج يوافقوون يااارب ياااااااااااارب وانتي بعد صلي استخاره


وقوليلنا عاد شيصيييييييير

<<بدت اللقافه

الله يوفقج ويكتب الي فيه الخير ويرزقني واحد مثله بالطريج ككككك

 

[cute lulu]

كح كح بس فيني فضووول انتي وين شفتيه؟؟؟

 

[فـدوه]

قرار صعب جدا. انتي حكمي عقلج لنه بعد الزواج بيصير كل شي جدي و بدون لعب. اهو اوروبي يعني متعلم انه كل شخص يعتمد على نفسه و يشيل نفسه و يشارك بكل شي حتى المصاريف. و احنا هني متعودين على اهلنا يصرفون و يسوون كل اشغالنا و معاملاتنا. فانتي حطي فبالج انه لمن تتزوجينه و تعيشين بديرة اوروبية لازم تتعلمين اطباعهم الشخصية و تتعودين على طريقة تعاملهم و حتى اهو خو هو اوروبي يعني متربي على طريقة ثانية و حتى لوكان مسلم. حكمي عقلج و اللي تعرفينه احسن من الي ماتعرفينه و مو اله تاخذين ولد خالتج نطري ايج ان شاء الله الي احسن. و نصيحة مني لاتعارضين اهلج و ابوج ترى اهم الي دايمين لج و لا يقول حق اهلج انكم تحبون بعض.