بين الزواج والدراسه

[fri2010]

السلام عليكم ورحمة الله وبركاته

اليوم لقد اسمتعت الى محاضرة دكتورة بجامعة الكويت بقسم علم النفس وكانت تتحدث عن امور الحياة او بالاخص ما بين الزواج والدراسه فقالت انها تفضل الزواج على الدراسه لان الزواج له عمر معين وينتهي وبخاصه ان الشاب حين يقدم على الزواج يكون عمره 25 سنه وحين يختار الفتاة المناسبة اليه فانه يريد اصغر منه يعني 18 19 20 سنه ...اما الشهاده والدراسه فليس له وقت او عمر معين بامكان الانسان ان ياخذ الشهاده ان توافرت النيه في اي سنه من عمره ،،، فما رأيكم بهذا الكلام ؟؟؟؟

 

[ياليل مااطولك]

كلام منطقي وعند زواجك اشترطي تكميل دراستك ما المشكلة في ذلك واخري الانجاب 3 سنوات وحتا لو انجبتي وانتي تدرسين مافية مشكلة فية حضانة وخادمات

 

[سكوون22]

رد : بين الزواج والدراسه

يالله نفس حيرتي
شوورو علي اهني
http://www.q8yat.net/showthread.php?p=21336625#post21336625

 

[ĎєνiL.ĞιRL]

الدراسه اهم من الزواج ..

لأن انتي ما تظمنين الريل الي بتاخذينه بيتم معاج طول العمر او ان ماراح يظل ..

لا قدر الله صار طلاق او مات الريال ..

منو بيسند المراه غير شهادتها , ما راح تحتاج حق احد لانها سانده نفسها بنفسها ..

والدراسه تحتاج لتفرغ تام من الانسان , والحياه الزوجيه مسؤوليه ممكن تلهي الانسان عن دراسته ..

انا أأيد الزواج لو كان بنهاية المراحل الدراسيه لكن ببدايتها صعبه ..

ومشكوره عالموضوع ..

=)

 

[fri2010]

رد : بين الزواج والدراسه

كانت هذه ندوه في الجامعه

انا اجوف هالزمن ان الزواج مافي ضمان وقبل شوي في المحاضره وحده جامعيه حلوه كشخه مافيها عيب وبتتخرج وبتصير مدرسه وتوها طالعه من الاربعين ويايبه ولد وقبل ما تطلع من الاربعين طلقها من غير سبب!!! والحمدالله انها قاعده تدرس بالجامعه عل الاقل في شي ضامنته عشان جذي من وجهة نظري الدراسه بعدين الزواج والزواج مو حفله وطقطقه وخلاص الزواج مسؤوليه وقدره تحمل عاليه واغلب اللي تزوجو وخاصه اللي يدرسون احسهم مو مرتاحين كلش ما ادري ليش!

 

[@الليدي لين@]

رد : بين الزواج والدراسه

لااا مو اهم

مع اني متزوجه وانا لي الحين ادرس


بس انا افضل انه الوحده تتزوج على 4 سنه جامعه يعني عمرها 21 زين جذي اتكون درست وتزوجت ولي الحينها صغيره

 

[طيب شعـور]

رد : بين الزواج والدراسه

اللي يجي اول أروح معاه ....

 

[وحي القوافي]

رد : بين الزواج والدراسه

منو هالدكتورة؟
خل تسريح

بالعكس الشخص الناضج يتزوج وحدة بأعمار 22 وفوق يعني تكون مخلصة دراسة وفاهمة الحياة
اما الاشخاص الي من طقة باب الحارة اهم الي يدورون بنات تحت 18

عالعموم كله قسمة ونصيب

 

[تكييف]

رد : بين الزواج والدراسه

نفس الموضوع اللي محيرني؟؟؟ وناقشته في هالركن ,,, اسال فيه منو اهم الدراسه او العريس اللقطه اولا؟؟؟؟؟؟؟؟؟؟؟؟ شوفي الموضوع وراح تعجبج الردود المختلفه..... الزواج اولا ثم الدراسه ...ماراح تطير ؟؟

 

[نونه العنونه_H]

رد : بين الزواج والدراسه

امممم على حسب والله ما ادري
بس الزواج يلهي عن الدراسه
واعرف بنات طلعوا من الجامعه عشان ماكو وقت للدراسه..
واتوقع اذا كنتي باخر سنه ليش لأ بس اذا توج داشه الجامعه وتبين الزواج
صعبه شوي مرح تخلصين الا بعد 6 سنين

 

[G!RLooNa]

لا والله الدراسه اهم

اللي تقدر تدرس و تتزوج زين على زين واللي ماتقدر و توقف و تتزوج و تكمل عقب عمرها ماراح تكمل بس تفج و مالها خلق و بيونها عيال

بعدين الحين تاخر سن الزواج حق المره و الريال و حق البنت عمر ٢٢-٢٣-٢٤ وايد حلو حق زواج تكون خلصت اة قربت تخلص دراستها

 

[Tom ♥ Jerry]

رد : بين الزواج والدراسه

.



بالنسبه للشاب .. برايي بس يكون نفسه و يخلص دراسته
و يكون قد المسؤوليه خلاص يتوكل على الله و يتزوج ..
آمآ البنت بس تنضج و تحس آنهآ قادره تتحمل مسؤوليه الزوآج
> حتى لو ليلحين تدرس .. :*
لو كآنت تقدر توفق بين الزوآج و الدراسه رآح تتسهل امورها بآذن االلله :*

وايد بنات اعرفهم ماشالله عليهم فاتحين بيت
و حآطين بآلهم على رياييلهم و عيالهم و بيتهم و يدرسون بنفس الوقت : )
بس مو كل بنت طبعا مؤهله انهآ تفتح بيت
في بعض البنات الله يهديهم .. تافهين بمعنى الكلمه
كل الي يهمهآ كلام الناس و البرستيج و مآدري شنو !
و الله وحده اعرفها تطلقت بس عشان زوجهآ قالها خففي المكيآج
> خو قالج خففي مو لا تحطين !!!
بس كل ريال يخاف و يغار على عرضه @ !

 

[باربية الكوووويت]

الدراسه اهم من الزواج ..

لأن انتي ما تظمنين الريل الي بتاخذينه بيتم معاج طول العمر او ان ماراح يظل ..

لا قدر الله صار طلاق او مات الريال ..

منو بيسند المراه غير شهادتها , ما راح تحتاج حق احد لانها سانده نفسها بنفسها ..

والدراسه تحتاج لتفرغ تام من الانسان , والحياه الزوجيه مسؤوليه ممكن تلهي الانسان عن دراسته ..

انا أأيد الزواج لو كان بنهاية المراحل الدراسيه لكن ببدايتها صعبه ..

ومشكوره عالموضوع ..

=)

صصح لسااانج معااها

 

[شوشو الشقيه]

لا بصراحه
لا انصح
الواحده تكون منستقبلها
يمكن يطلع لها زوج سكير ما يصرف على اولادها
من كذا هي تامن نفسها اولادها قبل
لا يغرج بعضهم مناصب ولا يعرفون عن بيوتهم شيء
ولا يصرفون على زوجاتهم