بيوتنا متروسة خردة .. شتسوون فيها؟؟

[اعييز]

بالنسبة لي خردتي مابين ( بوكي ) و ( حصالتي )


بس مافكرت اني ايمع الاميات .. خوووش فكرة

 

[poneta]

والله انا ايمعهم في حصالة تالي اوديهم اي لجنه اتبرع فيهم وسلامتكم

 

[كيوت_25]

توني استفتحت براعي الفطاير يبي 3 دنانير
جان اقول حق ولدي اخذ 3 أكياس عط الريال
ولدي قام يطالعني : يمااااااااااااااااااااا فشلة .. ماكو شغل
قلت له مو شغلك عط الريال و قول له اذا وده يعد يقعد بالسيارة يعد براحته

يوم رجع و لدي يقول الريال خذاهم و قام يطالع الأكياس الصغار و يضحك​

ضحك ولا عاد كيفه .. فلوس هذوله ولا طعام؟؟:eh_s(13): ​

هاهاهاهاهاهاهاهاهاهاهاهاهااهاهاهاهااهاهاهاهاهاهاهاهاهاهاهاهاهاهاهاهاهاهاهاها


امبيه موتيني من الضحك اتخيل ويهه ولدج و اهو يقول اي شي

ههههههههههههههههههههههههههههههههههههههههههه

بس خوش طريقه بسويها مع خواتي

و اشوف وييهم لما تعطي الوان و هم مفتشلين ونااااااااااااااسه

ههههههههههههههههههههههههههههههههههههه

الله يشرح صدرج مثل ما شرحتي صدري :eh_s(15): :eh_s(9):

 

[زيـنـه]

الحصاله الفخار صج تتلف الانواط ؟

و حصالات سوق الصفافير المعدن .. صج يخربون الخرده و يمسحون نقشتها و كتابتها ؟

ياليت تردون .. وخوش موضوع

 

[love love]

انا وريلي حاطين صندوق صدقات داخل درج السياره الي يمنا نحط كل يوم خرده
وحاطه خرده بسيارتي حق المواقف وحاطه خرده بالجنطه حق المكاين بالجامعه

وهم صندوق صدقات بالبيت


بس فووووووووق كل هذا

لااااااااااازم القى خرده بالادرجاات

 

[قطوف]

حبيباتي

خلو عندكم الحصالات ملوت اللجان

مثلا...احياء التراث - العون المياشر للدكتور السميط .......الخ

وكل يوم حطي فيها القسوم

ولكم الاجر ان شاء الله

 

[بتبوتااا]

انا حاطه حصاله من تزوجت وصارلي خمس سنين ايمع واطلع منهم ساعات ومره بطلت الحصاله بشوف جم فيهم تخيلووو لقيت فيهم 252 دينار وشويه فليسات وااااااااااي خذيتهم ورحت البنك سويتهم عشرات وقمت كل مره اسوي جذي ايمع خردات واخشهم وعاد اليوم بشوف شكثر وصلت الخرده وصج تنفع حق الازمات واخر اشهر \

 

[MyLittleBerry]

انا حاطتهم في كلاس كبير زجاجي حق البرد العصر كل يوم اوزع على اليهال

 

[ضحكة الدنيا]

ايه والله الخرده بكل مكان وكل مااقول بشترى حصاله اجمع فيها هالخرده انسى
بسوى نفس امى تجمع الخرده بالحصاله وكل ماانترست توديها حق اللجان الخيريه

 

[سويتي الحلوه]

انا للحين ميعتهم ماادري جم صاروا؟؟

 

[فراولة^فوشيا]

انا كنت اوديهم الفرع يصرفونهم لي اصلا اهمه يبون الخرده حق الردود
بس بعدين مادري شلون جني استحي ،، شكلي بعطيهم السايق يوديهم يصرفهم لي واعطيه منهم

حاليا حاطتهم بجيس صغير ومخليته بالسياره حق المواقف

 

[مشغوله و محتاسه]

الخرده ما تقعد عندي ...

اما عالمواقف ... او لما ندفع للمطعم مثلا اييج الحساب 3 دنانير و 150 لوول

و الباجي ... عيالي الله يخليهم يخلصونهم اول بأول ,,

بس خوووووش افكار عندكم بنات ..

 

[كويتيات]

احنا بالبيت نحط حصاله واي خرده نحط فيها واخر شي نترس الحصاله ونوديها الصدقات

 

[mrs_sugar]

ما شاء الله افكاركم روعة

اسعدني مروركم​

 

[ღ•»الًـجٌـوِرٌيّ«•ღ]

هههههههه انا سالفتي سالفه مع الخرداات

الله يسلمج حاطتلي حصاله ومايبقى خرده بالبيت الا واخذها واحطها بالحصاله

وقبل يومين فرزتهم وعديتهم محصله 17 دينار لوول تنفع خخخ

قاعد ايمع الخردات تنفع

 

[dana_kuwait]

احنا حاطين حصاله كبييييييييييرة بالصاله واقفه بالارض تقريبا طولها متر وشكلها مثل الجرة
وكلنا نحط فيها باجي الخرده والحين صارت ماتنشال من ثقلها وانشالله ناوين نكسرها لما نطلع من البيت وننزل بيتنا اليديد انشالله

 

[FANDA]

انه امووووت على تجمع الخردات
اول ما تزوجنا سوينا لنا حصاله انه وريلي ومليناها ولما كسرناها طلع بيها اكل من 100 دينار
واليحن لما يبت بنتي خلينا الحصاله لها كل ما يصير عندنا خرده نحط بيها واهي بعد تستانس تروح تطر من يدها عشان تخليهم بالحصاله خخخخ
وبعد ما تنملي اخذ الخرده عالبنك واحولهم انواط وصزززززززز ينفعون للزنقات
وطبعا لازم يكون قسم بالسياره عشان المواقف وقسم بالبوك عشان لو بدفع شي يبي له خرده او حق اذا العب بنتي

 

[Brounzi_girlly]

آنا كل ما يمعتلي مبلغ بالحصالة آخذه بس الحين قمت كل ماتميت قطيت ارباع بالحصالة وشكلي بفتح حق بنتي حساب فيهم
مع التحية.................

 

[الوردة المكنونة]

لووووووووووووووووول انا حاطتهم في حصالتين بس للحين ما عديتهم يبي مالي خلقهم بس يبي اشوفهم

 

[شكليطه]

انا حسافه ماطلعت لي الصور
بس الفكره وصلت


لكن للاسف ماتنفعني


لان تبااااااااارك الرحمن ابوي الله يحفظه ما يخلي الخرده ابببببببببببببببد

لان الله يتمم عليه دااايم يوديهم حق لجنه افريقيا......عنده حصالاتهم وياخذ خردتنا كلنا اللي بالبيت ويترس فيها الحصاله

عشان جذي نادر ما نلقى خرده بالبيت

لكن انا شريت لي حصاله من لاند مارك على حلزون شكلها يوووووووووووونس وايمع فيها من ورا ابوي .....كل ما رتبت بوكي ونظفته احط فيها الخردة

بس عمري ما ترستها للاخر ما اصبر.........اسوي مسابقه حق اخواني اللي يقدر مجموع اللي فيها

وكان حدهم يقدرون المبلغ دينارين

والا يوم عديتهم جان يطلع حول ال8 دنانير


لوووووووووووول

عاد عجبتني السالفه قمت اقط فيها ارباع بعد هههههههههه

==================

انا عندي فكره بس مستحيه انفذها

قلت بحط صندوق حلو وكشخه بمدخل البيت.........وكل واحد منا يحط فيه اللي يبي


وعقب مدة معينه نفتحه والمبلغ اللي فيه مهما كان نشتري فيه شي حق البيت حتى لو حق جمعيه

بس مادري مترددة انفذها.......اخاف الخدم لاسمح الله يبوقونها


شرايكم؟؟؟؟؟؟؟