تأيدون ولا لا؟

[مفلوقه بقدر]

<~ مع اني للحين ماتزوجت

بس احس اني بطنش والا اذا زودوها اقط قطه محترمه مع ضحكه .. زي مايسوون
عشآن مايحسبوني خبله ماعرف ارد هع

 

[Tejan]

و الله انا ارد اذا صار الكلام جدامي و ترى حتى الموقف يحكم

يعني مثلا <<< لازم الامثله !
كنا بالزوارة و ولدي قط عمره على جدته ام زوجي جان تنقز وحده من الملاقيف و تقول ايي الله ارحم اكيد يبي يدته تلقينه طول اليوم مقطوط عندها !!!!!!!!!!!!
انا عيوني صارت @@ و ما مسكت عمري رديت دايركت قلت لها و الله ما ينعرف لكم لو ما يزورها قلتي جنتهم نسرة و حارمتهم من حفيدهم << نيااااااااهاااااهااااا
جان تصير الصاله هدووووووووووء

و في مرات ما تردين
في نون ولدي هم نغزت وحده ملقوفه و قالت النون منج ويلا من خالتج !!! <<< شكوووووو انتي شكو !! و شالفرق !! كلها 30 دينار ترى !! << ما رديت سويت عمري ما سمعت
و لما بغيت امشي من الزوارة سلمت على خالتي و بستها على راسها اتشكرها على النون <<< يا ربي ذربه شسوي
المهم جان تنغز اللي يمها .. هووو ليش تسلم عليج ؟؟ شنو اهم مو ساكنين عندكم !!
يا الملقوووووووووفه نطري لما اخلص السلام و اطلع و سئلي اللي تبيه ما صبرت انا اسلم و هي تسأل .. خالتي ردت علطول امبلا ساكنين عندنا وين يروحون << حبيبتي تفاجأت من السؤال ما فهمت حتى قصدت الشريرة اللي يمها

توني انتبه طلعت هالزوارة مشئومة كلها ملاقيف شكلي بقاطعهم
بس اذا متكلمين من وراي احلى طاف

 

[candeya]

تقدرين ابسنعج وابتصرفاتج حق ريلج اتسكتينها مو شرط بالحجي

 

[to0taa]

توته صح كلامج لها احترامها المره العوده بس اذا كانت تتكلم عليج منه وراج؟بعد بتحترمينها! واذا على القط بيطلعون سالفه انج مطلعه كلام ومادري شنو يعنى بتصير مشاكل مالها اول ولا اخر بس انا استغرب في ناس عادى عندهم المشاكل اهم شي يردون قوووة قلب والله ..........شاكرتلج على مرورج

شوفي اذا قطات عاديه اكيد بسكت بس مرات يكون حجي ثقيل و على كثر ما بتسكتين وتخلين بقلبج راح تنفجرين على يوم
انا من اللي قمت اشوف بشكل عام بكل شي ( عاملي اللي جدامج مثل ما يعاملونج ) لان ترا ما ينفع دايما التزم بأخلاق ساميه بزياده واقعد اكل بعمري اذا اللي جدامي مو محترم نفسه
بس عاد ما اقعد اطلع حجي من عندي ولا اتحجى من ورا احد اقط اشكره بالويه عشان تفتشل وما تعيدها

 

[مناير ...!]

تسكت وتكبر عقلها

 

[Vous jamais]

أكبر طاف

لو لم تكن مثمر لما قذفتك الناس بالطوب ..

 

[الشيخة@]

طاف وحياتش

 

[منى قلبها ابيض]

طـــــــاف ــ

 

[ELFAD3Ah]

على حسب مرات اطوف
ومرات ارد اذا الكلام جايد

 

[كادى الحب]

طاف طاف

 

[Vaniela]

عن نفسي صراحه اعطي نظره خاااايسه و احقر لانه احسن دوااااا
يقولج الحقران يقطع المصرااان لوووول
بس عاد يحشون فيني من وراي وهالسوالف وي شدراني امشي على نظام (( قول عني ما تقول صوبي كم صعب الوصول ))

 

[Vaniela]

اي ولقالوا حجي جارح ولا يسبوني ولا اهلي حتى لو نقزات اكلهم بقشورهم ما اسكت اعطي كلن حقه
ان لم تكن ذئبا اكلتك الذئاب

 

[أحبك أمي]

يااااااااااااااجبل مايهزك ريح

 

[دلــــــــــع!]

انا نفسج مو متزوجه،،
بس بعض المراات اقول عيب ارد
خصوصا اذا كانت الوحده اكبر مني وجذي

أو افكر اذا صار لي هالموقف
اقولها انا ما قدر ارد لانج اكبر مني
وانا تعلمت ببيت هلي عيب ارد ع اللي اكبر
مني ،،
انشالله جذي تتفشل وتنقد ع روحها،،
اصلاً انا اساياً ماعرف ارد ع جذي حرييم

 

[Unsp0ken_Secret]

عمري مارديت .. وكله ابتسم ..
انقهر بس طاف .. يعني مثلا عاللبس .. ثوقهم غير ذوقي فمن المستحيل اصيير مثلهم ..
واذا عالطباخ .. حتى لو ماعرف اطبخ .. انا وريلي مضبطين حياتنا على اللي عاجبنا !! واحنا ادرى ..
انا احس لقافه بصراحه قطات الحموات ..
يعني مثلا حماتي تعطيني طبخات عشان اطبخ !! وكله تقول ليش ماتطبخين !!!
انتي شكو ريلي مسوي رجيم واذا طبخت يقول مابي اكل !!!!

لقاااااااااااااااااااااااااااافه

عاد انا مابي اشرح تفاصيل حياتي !!
كيفي انا وريلي نصطفل

 

[dectora 7elwa]

الحقران يقطع المصران

 

[last-moon]

طااااااااااااااااااااااااااااااااااااااااااااااااااااااااااااااااااااااف

 

[غـرامـي أنـت]

بالنسبه لي أنا أطنش لأن لو بركـز على كل كلمه يقولونها أتعب

فـ أدخل من هنا واطلـع من هنـا ّّّ

ومصيييرهم يملوون لان هم يبوونك تتكلمين بس لوو شافوك

طاااف يبرردوون ....

 

[كراميلا مرة]

انا اقولك احسن لك تسكتين بدل ماتسوين لك مشاكل

 

[شقاوة أنثى]

انا اطوف واايد ومرات ارد بس باحترام وبدون غلط
والحياة تمشي