تأيدين اللي تسوي هالشغلة اذا درت ان زووجها خاانها،،بعيـــد الشر انشالله !

[شامخهـ]

بنــــــــــات كلمة ان شاء الله تكتب كذا وليست انشاء الله

 

[حلمي الجنه]

أنا الصراحة مع إبداع و الريم اللعوب
ابعرف اشلون ترخصين نفسج لواحد خانج وداس عليج
ليش ما فكر فيج لما فكر يخون وليش ما حسب احساب لعياله
حسبالج لما قعدتي بالبيت بي تعدل انتي اصلا كنتي بيتج لما خانج ولا عبر يعني اشسويتي شي جديد
و لا اللي تخلي عيالها وتروح بيت اهلها انتي اشلون ام يهون عليج اتفارقين عيالج واشدعوه بيدري عنهم و لا بيهمونه اهم ما عليه مزاجه
انتي خسرتي زوج لا تخسرين اعيالج بعد بأجر يكبرون ويتذكرون انج قطيتيهم ومشيتي
الزوج الخائن ماراح يجيبلج الا لأمراض و الوساخه و الامراض النفسيه و الحره ياكثر الحريم اللي جتهم جلطات بسبت الحره اعوذ بالله
وبيجيب لعياله العقد و الهم من صغرهم
أخذي عيالج وربيهم بعد عنه وترا الحياه ما توقف على رجال خاين ومايستاهل
سوري على الاطاله حدي انفعلت
وبعيد الشر عنا كلنا ان شاء الله

 

[حلمي الجنه]

بنات عفيا هذا رأي الشخصي
كل وحده حره بحياتها
مؤ تقولون خرابة بيوت
بس هذا اللي أشوفه منطق

 

[انثى عاشقة]

انا عشت الموقف صج وتصرفت تصرف مستحيل يطرى ع بالكم
خلاه يتعدل غصب مو بكيفه
لا واهدده اذا رجع يخون هو عارف شنو راح يصير فيه
فضيحته راح تكون كبيرة حيل ولها عقوبة بالقانون بعد وبينحرم من عياله بالمحاكم
لاني ما استعنت بأهلي ولا اهله استعنت بالقانون
وقبل كل هذا كانت استعانتي بربي ادعي ليل نهار مو ربي يهديه لا طبعا
ادعي يكشف لي الحقيقة وياخذ حقي منه وهذا الي ربي حققه لي
الحمد لله من هني الى يوم الدين ع استجابة ربي لدعائي ..
ما اقدر اشوفه يخون ويسوي بلاوي واسكت
الي تقول يكلم ويغازل مرده يطخ !!
طيب هالي قاعد روميو برة البيت ماشا الله الحين بس بيكتفي بالكلام ع الجوال !!
لا تضحكون ع روحكم الواقع يشهد شلون الخيانة اخذت مسار كبير
الفنادق والشقق المفروشة وحتى البيوت نفسها تشهد شنو الي قاعد يصير فيها ..
راح زمان الي يكلم وبسس
والله لو الرجال يقرون كلامكم راح يستسهلون الخيانة
ع ابو انه طايش وماتقدرين تسوين شي وتعيشين مغفلة ومرده بيطخ
طيب ليش مافكرتي انه مرده يسوي السبعة وذمتها !!!
للشيطان خطوااااااااااااااااااااااات واستحالة توقف ع مكالمات ومغازل فقط

​

 

[انثى عاشقة]

الي يأيد كلامي دراسة سووها في برنامج كلام نواعم
الاحصائية تقول 80% من الحريم الي جاهم الايدز
عفيفات شريفات في بيوتهم
لكن الناقل هو الزوج ابو البلاوي دون جوان زمانه:eh_s(1):
​

 

[انثى عاشقة]

ايه وبعد شغلت كيد النسا وصرت انا الي اشغل باله وتفكيره
واحررررررررررررررق دمه
اسوي روحي لاهية بالجوال او النت وجذي
ومرات اتصنع اني ابيه يخرج من البيت ع اساس يغير جو
واحسسسه ان وراي شي
يمووووووووووووت خوف ليكون صج
ويسنتر عندي في البيت من بدري
يقول انتي ينخاف منج الصراحة
رغم اني الحمد لله شريفة وعافة روحي
بس لازم احرق دمه ويحاتيني اني ما اخونه مثل ما حرق دمي:krkrkr:
رديت 3 مرة بالموضوع لاني اتحجى عن تجربة
ونجحت فيها اني اقلب السحر ع الساحر
يارب دوووووووووووووووووووم مو يوم ​

 

[جوري 2007]

هدة اليهال معاه يبيلها قلب قوي بس ترى صج تأثر مو لان بيتوهق فيهم لا الله يخلي الخدامة اللي بتجابلهم

بس لان بيعرف انه هالحرمة مو هامها شي وقويه وبتبيع الدنيا عشان كرامتها والريال يموت خوف من هالشي

وبعدين الريال اللي مومتعود مرته تطلع من البيت ويلاقيها اطلعت هالمرة يعني صج بيحس انه اللي سواه شي جايد

مادري اشلون بتصرف بس اللي اعرفه انه نفسي طويل واقدر القنه درس قوي

 

[princess.78]

اهو اللي يطلع برا البيت ويتشرد عند فلان وعلان
انا ما اطلع

 

[شادن33]

ام مريوووم انت اتقولين خيانه من اي نوع تقصدين
خيانه بالكلام مع بنات ابليس ولا الخيانه الفعليه شقق وخياااس
الاولى لا اطلع من بيتي ولا شي اقعد على جبده واحاول اعدل فيه واشوف شنو ناقصني
اما النوع الثاني.لا والف لا هذا اللي مايرضاه لا الله ولارسوله شسوي شرقع الريال خربان
*

 

[جوجوو نايس]

والله الخياانة صعبة ع واحد خصووصا لما يكون زوجج..
إذا دريت آنة خويني طبعاً ماآسكت آول آوااجها آطلع كل حرتي فيه.. بعدين آرووح عند آهلي آخلي واحد من آخوااني يتفااهم معااهـ عشان يتسنع ويستحي .. إذا ع العيال طبعا آخذهم عشان يعرف قيمة العيال والزوجة بالبيت..~
إذا جااء يراضيني ماراح آرضى بسررعه عشان يتعلم وتعررف كرامتي محد يهينها حتى لو كاان زوجي

يسلموو ع المووضووع..~

 

[popa]

على حسب احيانا اقول شي واسوي شي ثاني

 

[زوجة عزيز]

والله مافكرت في هالشي الله لا ايييب ذاك اليوم لكم ولا لنا

 

[ماني من الناس]

الا الخيانه

 

[مسؤولة تعيين]

اذا مجرد تلفون ومغازل خرابيط اقعد عنده بس مااعطيه اهميه ويصرف علي وعلى عيالي واقعد في بيتي معززه مكرمه اما اذا كان يحب وحده ويبيها وصج داشه قلبه لا طبعا اخذ عيااالي واخذ حقوقي كلللها بالمحكمه

 

[أنا أهي أنا]

عن تجربه ::
طحت عليه يكلم بنات ثنتين او ثلاث بالنت اول زواجنا لكن تاريخ اخر المحادثه قبل العرس باسبوع تقريبا واعتبرتها خيانه لان كنا مالجين واكلمه ويكلمني ويزورني واطلع معاه بس شرط الاهل س 8 انا بالبيت المهمصراحه ما كنت متعلقه في ولهت على بيتنا ههههههه فوقتها كان عندي عادي اهده وسويتله سالفه يوم رد طبعا ما كنت ابجي ولا كنت خايفه منه كنت اتكلم بمنطق وجرأه وان دامك جذي انا بروح بيتنا الف واح يتمناني غيرك مو هامني انت ومن هالحجي وقلتله ترى مصوره المحادثات من اللاب ودزيتهم بلوتوث على البي بي مالي ان فكرت تقلب الموضوع علي لاخلي صور المحادثه توصل لاكبرها واسمنها مو عبالك خايفه ان ارد بيت ابوي باول اسبوع زواج الدليل وعندي الي يجرمك فالكل بيوقف معاي وانت بتطيح من عين الكل المهم عقب ما خليته بيزه ما يسوى واتكلم بكل ثقه ما بقى شي ما سواه عشان يراضيني تاسف وعطاني خطه دليل ان ما يكلمهم بس بالنت وعطاني جهازه البي بي على طول يعني ما مداه يمسح شي واهو خذا تلفوني لين يشتريله خط يديد ويوم ثاني شراله خط وتلفون بو ليت ههههههه وصار عندي البي بي ماله واقرى كل شي ويرد عى ربعه جدامي وقالهم ان هالتلفون بس سج بيبي لحد يدق عليه طبعا جدامي واصلا ما كان ضايف بنات فيه بس بالايميل وعقب اختبار دام لاشهر وانا مفتحه العين عليه وكان موقفي قوي وكنت ادعيله بالهدايه لين الحمد الله الحين اهو صار موقفه اقوى مني التزم دينيا واخلاقيا وقمت احبه ومالي قناة عنه وسامحته من قلب لكن لو اشوف عليه شي ثاني اهو يدري ان ماراح اقعد عنده نهائيا شيين يخلون اروح بيت اهلي ان يترك الصلاة او ان يخون وقلتهم له وقلتله حطهم ترجيه باذنك ولله الحمد الله هاديه وعسى ربي يهديه زياده ويتمم عليه ويقوي ايمانه *

 

[swanyway]

عن نفسي وبعيد عن المثالية ( ملاحظه ماجربت اليهال فيمكن حكمي غلط )

بطلع من البيت والعيال عنده

1_ لاني ادري انه ابو صالح و بيموت فيهم ولاهوب مقصر عنهم حتى لو كان زوج سيئ وكذلك اهله صالحين وموب مقصرين عنهم

2- بلتفت لنفسي ولحياتي شوي بدورات و تطوير شخصي ومهني و بعد بنقاهة و سفر و ريلاكس


اذا الغلطة اول مرة ماراح اسامحه الا بطلعه روحه بس ماراح اعلم اهلي بسبب الزعل عشان ماأصغره وربي امرنا بالستر بيضل ابو عيالي وشايلين اسمة لكن بتعبه تعب و بحوسة حوس لين ارضا و بعدين اطلب رضاوووووة كبيييرة + اذا فيه اشياء مانعني عنها يصير ستوب ماله شغل


و الله لا يجيب الخيانة وبلاويها

 

[ام كوثر2007]

والله يا ام مريوووم اثنينهم اخس من بعض

وعلي حسب في رياااييل اقلوبهم جاسيه

اعرف وحده من جماعتنا قطت عياله عليه وخلته

تدرين شنو سوا ؟

الله وكيلج عطاها شهرين دق عليها راضاها دخل ناس وهي راكبه راسها اشلون تخون

قالها اتوووب والله اتووب . ما رضت وركبت راسها

قام ياب له سايق يودي عياله ويردهم المدارس وحط بدال الخدامه ثلاث ..

وتزوج عليها وحده احلي واصغر منها الحين اهي اللى باره فيه وبعياله

يعني بالعربي طقها بالطوووفه

والمشكله الاكبر لا عاند الطرفين مو من مصلحه احد فيهم خصوصا الحرمه اللى عندها يهال

انا اشووف انه حتي لو اكتشفتي الخيانه بأم عينج ههههه تصيرين اخشبه يعني لا احساس ولا مشاعر فتره معينه طبعا لين تحسين انه صج تحسف وتاااب لويه الله

وعقب تردين طبيعي لانه الله سبحانه غفووور رحيم اشلون تبينا احنا ما نغفر الزلات والاخطاااء خصوصا مع شخص قضينا معاه عمر وبينا عيال وحب وعشره ؟

عشان جذى انا اشوف الوحده تلزم بيتها وهو يشوف له مكان يلفييه فتره الزعل وربج بعدين يعدلها

 

[دلوعة الحلوين]

شوفي بغض النظر عن موضوع الخيانه بس الي لاحظته انه كل وحده تتطلق لازم تاخذ عياله معاه ماتفكر عيشتهم عند ابوهم احسن او لا المهم عياله معاه ما تفكر بوضع العيال في بيت اهله شلون انا عن نفسي باي سبب راح افكر بالطلاق بنته تكون عنده مو مستعده اخذه اهلي مو ملزومين فيه اهو الملزوم فيها مو قد عيال ليش يخليني اييب وبنتي تييني زيارات خل اهو يربيه حزته مو راح اخليه يندم انه زعلني لا الابيكره حياته ونفسه بعد منه انتقمت ومنه ربيته صج بالوقت الضايع بس الي براسي صار ومره وصلت معاي لطلاق قلت البنت لك انا ما ابيه اخذه ربه انت اهلي مو ملزومين فيها استخف

 

[Princess^Mom]

اعوذ بالله والله يبعد عنا هالشي يارب
انا مادري شراح اسوي لان الكلام غير عن الواقع وقت الصجيه ولي صار الموقف اكيد راح اتصرف تصرف ثاني بعيد عن اي تفكير بس الشي المستحيل اسويه ان اخلي عيالي واطلع لا والله ماقدر على فراقهم يوم واحد عسى الله يخليلي ذريتي ولايحرمني منهم يارب ويرزق كل محرومه

 

[om MaRyooM]

تسلمون حبايبي

والله لا يجيب هاليوم علينا امين
ويسخرلنا ازواجنا